صفحة 4 من 10 الأولىالأولى 123456789 ... الأخيرةالأخيرة
النتائج 46 إلى 60 من 140

الموضوع: أنا مصرى إذن أنا مُضرب

  1. #46
    عضو نشيط جدا
    تاريخ التسجيل
    Sep 2007
    المشاركات
    326


    حسب معلوماتي الاضراب ده كان المفروض السنه اللى فاتت
    مش عارف مين المسطول اللى لسه فاكر ينشره السنه دي .
    .

    ثانياً بتقول شعب مصر الواعي ؟؟
    هو فين ده ؟؟

    هوه لما ده يبقى شعار الاضراب

    ماتروحشي الشغل
    ماتفتحشي المحل
    ماتفتحشي الصيدليه
    ماتروحشي القسم
    ماتروحشي المعسكر

    يبقى ده وعي
    لما تتعطل المصالح الحكوميه
    والناس متلاقيش سلع اساسيه
    ولا ادويه .. والبلد ميبقاش فيها جيش
    ده يبقى كلام واعي ؟؟

    لما يبقى فى الاف الفدادين المستصلحه الصحراويه
    اللى مش لاقيه حد يزرعها
    اللى الشباب استلمها وباعها
    وبيروح يستلم الكيماوي ويبيعه فى السوق السوده
    ومأجر فلاح يزرع الارض علشان سيادته مش مستواه
    يبقى ده وعي ؟؟

    الحكومه المطلوب منها تعمل ايه بالظبط ؟؟
    تاكلكوا وتجوزكوا وتشربكوا وتعلملكم عيالكم وتركبكم عربيات
    وانتوا نايمين مانتخين ؟؟؟

    قبل ما تطالب الوطن بالحقوق
    شوف عملت ايه من الواجبات
    هيا دي الوطنيه ..

    ياخى حاول ترتقي يالفاظك شوي ,,, لكن فى اطار كلمة ( مسطول ) اقوم بالرد .

    بخصوص الحكومة المطلوب تعمل اية بالظبط !!! المطلوب باختصار انها تعلم الناس عدم سرقه برامج الاخرين فلقد تحول الادب الى قلة !!!! :con2:
    ( السر فى التوقيع ^)



    حسب معلوماتي الاضراب ده كان المفروض السنه اللى فاتت
    مش عارف مين المسطول اللى لسه فاكر ينشره السنه دي ..
    فعلا الاضراب كان السنة الى فاتت يوم التلات بعد صلاة الجمعة ب 10 دقايق بس هما جم وملقوش حد فاجلوة لبعد الماتش

    اخي معلومات الاضراب لا تبث على سبيس تون او mb3 لذلك انصحك بمشاهدة القنوات الاخبارية لساعة يوميا على الاقل او تصفح موقع اخبارى او سياسي لمدة 30 دقيقة وباذن الله ستشعر بالفرق . وسيتحسن مستوي معلوماتك


    لما تتعطل المصالح الحكوميه
    والناس متلاقيش سلع اساسيه
    ولا ادويه .. والبلد ميبقاش فيها جيش
    ده يبقى كلام واعي ؟؟
    لما تعطل المصالح الحكومية !!! ومن امتى والناس مصالحها اصلا ماشية , (نرجوا ذكر مثال مع الشرح بالصور )

    لما يبقى فى الاف الفدادين المستصلحه الصحراويه
    اللى مش لاقيه حد يزرعها
    اللى الشباب استلمها وباعها
    وبيروح يستلم الكيماوي ويبيعه فى السوق السوده
    ومأجر فلاح يزرع الارض علشان سيادته مش مستواه
    يبقى ده وعي ؟؟
    فدادين مستصلحة ؟ والشباب هو الى بعها ؟ وبعد ما يبيع الارض يبيع الكيماوي , وماجر لفلاح يزرع الارض ( صراحة لية فترة بعيد عن الكلمات المتقاطعة )

    الحكومه المطلوب منها تعمل ايه بالظبط ؟؟
    تاكلكوا وتجوزكوا وتشربكوا وتعلملكم عيالكم وتركبكم عربيات
    وانتوا نايمين مانتخين ؟؟؟
    المطلوب منها تعمل اى حاجة ولا المطلوب منها تاخد كل حاجة فقط ؟


    قبل ما تطالب الوطن بالحقوق
    شوف عملت ايه من الواجبات
    هيا دي الوطنيه .
    .
    فعلا هي دى الوطنية , وياسيدي كلها 20% ( اسف لكن كلامك فكرني باعلانات احمد عز واعلانات مصلحة المصائب اقصد مصلحة الضرائب ) .
    اعتقد دا مقطع مؤثر جدا من المؤتمر الخامس والستين بعد المائة للحزب الاوطني .
    مع الاختلاف فى النهاية . فهناك يكون تصفيق حاااد بعد هذة الكلمات وهنا اعتقد سيكون حذف لتعليقي .





    التعديل الأخير تم بواسطة ayman nour ; 02-04-2008 الساعة 11:40 AM سبب آخر: مش فاكر .
    __________________
    Time to walk the talk

  2. #47

    Exclamation انها الثورة .........ياليتها ما جاءت



    ارى من بين السطور من يهاجم ومن يدافع ارى كلمات تقطر عطرا وارى طلقات تقطر دما وبين هؤلاء وهؤلاء ثورة 1952 التى جاءت واكلت الاخضر واليابس من ديموقراطية هذه الامة عشنا وترعرعنا على مبادئ ستة حفظناهم فى كتب التاريخ تعالوا معا نسترجعهم سويا ولكن لابد ان نقول اننا بوقفتنا هذه السلمية نعطى للحكام درس ديموقراطى فى التعبير السلمى والاحتجاج عما وصل بنا الحال من تردى للاوضاع وياليتها كانت ثورة تعالوا معا نناقشها بهدوء
    1- القضاء على الاستعمار واعوانه ( وهل تم القضاء عليه وهل نحن الان غير مستعمرين اقتصاديا وهل قرارنا بايدينا نحن فقط بدون ضغوط خارجية )
    2- القضاء على الاقطاع ( لن اتكلم انظروا فقط للكيانات الكبرى الموجودة فى البلاد ومدى تاثيرها على مجريات الاحداث الحالية وهو إقطاع بلا جدال حتى ولو كان مستترا )
    3-القضاء على الملكيه الفاسده ( وهل هناك ملكية اكثر مما نحن فيه عائلات تحكم وتتحكم فى مصير وطن لا بل فى مصير امة كاملة من اكثر من 26 سنة )
    4-اقامه عدالة اجتماعية ( معلش اعذرونى حا ضحك ههههههههههههههههههههههههههههههههه)
    5-اقامة حياه ديموقراطية سليمة ( دلوقتى اعذرونى حا بكى هىهىهىهىهىهىهىهىهى)
    6-اقامة جيش وطنى قوى ( لن اتكلم فى هذا البند لانه قد يؤدى الى محاكمة عسكرية مثل من سبقونا )

    قالوها امس واعيدها اليوم مبادئ ثورة 52 هى مبادئ الحزب الوطنى ( وهذا على لسان اكبر المسئولين فى الحزب )
    فعلت الثورة ما فعلته للحركات التحررية فى كثير من البلدان المحيطة بنا من اشقاء وجيران تقدموا هم ووقفنا نحن محلنا بل تراجعنا كثيرا لذا اتساءل لماذا تأخرنا ولماذا تقدم الآخرون ؟
    واقول لمن يقول ان الدنيا فل وعال العال والاشية معدن والشعب هو الغلطان انت بتشتغل فين لو سمحت جاوب بعد ما تجاوب اشتغلت هناك ازاى عادى يعنى اخدت الشهادة ورحت قدمت هناك وعملولك اختبار ومقابلة وقبلوك نتيجة مهاراتك وامكانياتك والا كان معاك كارت باسم واحد مهم اتكلم قبل ماتروح فى التليفون مع واحد مهم وقاله انك مهم جدا ان تكون موجود فى الوظيفة دى والا طلعت يا اخى من اصحاب الامول اللذين يمكنهم ان يستوردوا لنا الصغير والكبير من الابرة للصاروخ من الصين وما حولها وتبيع للشعب العبيط دا كل حاجة بجنيه ونصف والنبى ما تقعدش تتكلم يا اخى وانت فى التكييف ومش فاهم اى حاجة انزل الشارع وشوف



    ياناس،، امس على B B C كانوا مستضيفين استاذ بجامعة انجليزية متخصص في شئون الشرق الأوسط
    عارفين ماذا قال
    قال: ان سر سيطرة النظام الحاكم بمصر طول المدة دي اغتياله لاي قيادات معارضة او شخصيات ممكن الشعب يلتف حولها ولكن الامر هذه المرة يختلف فلا يوجد شخص بعينه قائد لثورة 6أبريل المنتظرة وهي ثورة لن تتكرر لسببين الأول انها اعتمدت على وسائل الاتصالات وخاصة الانترنت لنشرها وبالفعل الاجهزة الامنية العالمية بدأت من الان دراسة كيفية التغلب على مثل هذه الامور مستقبلا والسبب الثاني هو تحقق المستحيل الرابع وهو اجماع شعب من سبعين او ثمانين مليون على امر واحد والسعي لتنفيذه.
    وهو يرى ايضا ان هذه الثورة لو نفذت فعلا وبناءاً على الثقافة المصرية فإنها ستكون نهاية النظام الحاكم خاصة وان سيكولوجية المواطن في مصر تجعله جبانا عن حقه عندما يكون فردا ومغتصبا لحق اكثر من حقه عندما يكون في جماعات وهي صفة اكتسبها على مر السنين بسبب اضطهاد الاجهزة الامنية على مر السنوات.
    لو كلام الراجل ده صح بغض النظر عن الغلط اللي غلطه فينا وكمان ان رجال النظام الحاكم مهما كان هم ايضا من الشعب فان الامر سينتهي في خلال ثلاث ايام على اقصى تقدير والقوات التابعة للحكومة سوف تنسحب وتعصى الاوامر في بداية ظهور ضحايا هم اصلا اخوانهم وابائهم وابنائهم
    ولكن هل فعلا يتحقق المستحيل ويجمع الثمانين مليون ولو لمرة واحدة في حياتهم على شئ ويحققوه
    هذا ما ستجيب عن الايام القليلة القادمة
    موعدنا يوم 6 ابريل





    التعديل الأخير تم بواسطة MAEAM ; 03-04-2008 الساعة 03:49 PM سبب آخر: رد الى الصديق ( الى العرب )

  3. #48
    عضو فعال
    تاريخ التسجيل
    May 2006
    المشاركات
    1,755


    مش عارف مين المسطول اللى لسه فاكر ينشره السنه دي
    والله يابنى صعبت عليا معنى كلامك انك معندكمش تلفزيون ولا بيوصلكوا جرايد وشكلك داخل النت عن طريق البوتاجاز بتاعكوا ومن المؤكد انك عايش فى بلاد الواك واك ذنبنا ايه احنا انك لسه خارج من التابوت بتاعك دلوقتى ومتعرفش حتى معاد الاضراب ؟ انت هتعاقبنا على جهلك ؟


    تانى حاجة لما بنقول متروحش ومتروحش دة اسمه وعى افهمك ليه وعى لعل وعسى

    لما كل واحد بيروح مكان بيدفع مواصلات وبيدفع اكل وشرب وبيخلص مصالح حكومية وبيدخل فلوس للبلد وعلى الجانب الاخر بيطلع عينه فى المواصلات وبيتخرب بيته فى الاكل والشرب وبيدخل فلوس للحكومة وهوا مبياخدش اى حاجة من حقوقه ولو قولنا بلاش ندخل فى السياسة هقولك انه بعيد عن السياسة خلينا بس نقول انه الى بيعمل كل الكلام دة فى الاخر ينزل يشترى اى حاجة يلاقى الاسعار اتضاعفت 300% مع انه سبحان الله بياخد نفس المرتب ومطلوب منه يعيش بنفس المرتب وكلنا عارفين ان زمن المعجزات انتهى من زمان يبقى لما كل واحد يعمل اضراب وميخرجش مش هيصرف مواصلات مش هيدفع فلوس تدخل فى فلوس الدولة ومش ومش ومش يبقى النتيجة انه مش هينفع الحكومة ولما نقول اننا 82 مليون يبقى شوف هيبقى لنا وجود وكلمة مسموعة عن طريق موقفنا دة ولا لا شغل مخك لمدة 3 ثوانى هتلاقى ان الكلام منطقى

    من ناحية الادوية والجيش فاحنا اكتر ناس بنخاف عالبلد يعنى الادوية موجودة وهتفضل موجودة وحتى الدكاترة هيروحوا شغلهم وهيعتصموا ويكملوا شغلهم مش هيسيبوا الناس تموت اما بالنسبة للجيش فكلنا عارفين يعنى ايه مصرى فى الحرب يعنى اكيد محدش فى الجيش له علاقة بالكلام دة احنا بنتكلم عن اضراب مدنى يارب بعد كل الى بقوله دة تكون فاهم حاجة والا يبقى حرام اضيع وقتى فى الشرح معاك


    اما موضوع الفدادين دة بقى فانا جاتلى كريزة ضحك اول ماقريتها والله انت كوميدى ودمك زى العسل وبجد انا عايز اعرف انت كنت فين لسه راجع مصر من ربع ساعة ولا كانوا مخبيينك زى عاطف فى مدرسة المشاغبين فى الدولاب انت الكلام دة اخدته فى كتاب التربية القومية وفى صحف الحكومة وشكلك كنت من النوع الى بيحفظ فقط لان الواقع ابعد ما يكون عن كلامك دة مفيش حاجة اصلا حقيقية وبمناسبة الكيماوى كويس انك فكرتنى اقول ان احمد عز اشترى من شهر 49 فى المية من شركة الاسمدة وتانى يوم رفع سعر شكارة السماد من 30 جنية ل 70 جنية انا عمى مهندس زراعى ودة شغله وحتى لو مش شغله اشترى اى جرنال فى سنة 2008 واقرا الخبر لان واضح ان اخر حاجة انت قرتها كانت سنة 1980

    اما شوية الشعارات فى الاخر فبجد انت اضمن مكانك لو البلد دى فضلت زى ماهيا كدة انك هيبقى لك منصب كويس فى البلد لانك عندك الاساسيات المطلوبة فى كل الشخصيات الحكومية المشهورة الا وهى الت......

    ياعم الله يصلح حالك روح شوفلك بلاى ستيشن ضيع وقتك فيه دة انت خليت البلد كلها مساطيل ومش عارفين حاجة بكلامك دة





    __________________
    اقرأ القران الكريم

    Proud To Be A Muslim



    نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

  4. #49
    عضو نشيط
    تاريخ التسجيل
    Jan 2008
    المشاركات
    119

    Arrow



    والله هيه فكره كويسه بس الكلام ده لو إجتمعت قوى الشعب علي الإضراب ممكن يجيب نتيجه لأن للأسف كل شىء أصبح خطأ

    - إرتفاع الأسعار أصبح جنونى
    - أزمه رغيف العيش
    - إرتفاع أسعار مواد البناء بطريقه جنونيه
    - تحكم المستثمرين في السوق وظهور ظاهره الإحتكار التي كانت قد إختفت منذ زمن كبير
    - الدخل الضعيف جدآ جدآ والذى لا يكفي لمعيشه أسبوع واحد من الشهر

    المتاعه الإخباريه من هنا ::
    IbFathy.CoM شبكة صافى الروح -> أمن مصر يشهر "عصا الطاعة" في وجه عصيان 6 أبريل

    IbFathy.CoM شبكة صافى الروح -> 6 أبريل .. يوم غضب شعبي في مصر





    التعديل الأخير تم بواسطة ibfathy ; 02-04-2008 الساعة 07:19 PM
    __________________
    Just Me .. No more than someone of People
    Mr.Ibrahim Owner Of Skype Net Caffe

    .•.لمراسلتي إضغط هنا .•.

  5. #50
    عضو سوبر نشيط
    تاريخ التسجيل
    Aug 2007
    المشاركات
    890


    ننتظر ونتمنى ان ينجح العصيان المدني ..

    بس اتوقع ان الدول ما حتسكت على هذا الكلام لانه اذا نجح من ثاني يوم كل الدول العربية مضربين .

    اسئل الله ان يوفقكم للحد من الفساد ..





    __________________
    سبحان الله وبحمده سبحان الله العظيم

    عطر بها لسانك

  6. #51
    عضو سوبر نشيط
    تاريخ التسجيل
    Aug 2007
    المشاركات
    604


    خلونا نبدء من الاول .,,

    مستر ميدو علي المسنجر اكلمنا كثير وكلمنا كفي ووفي ومنتظرين مقاطعة جبارة ... وبأذا الله هيتغير الوضع

    الاخ عبد الله ... ,,
    اتمنا ان تغير نظرتك لمصر او لا تتحدث عنها ... فالطفل اذا اتيت لة بماسة سرميها او ياكلها لانة لا يعرف قيمتها ... مثلك تماماً لا تعرف ما هي مصر ... وما هي امكانيتها
    فممكن ان تنظر للتكنلوجيا , , التعليم , الفن والاعلام , والقائمة لا تنتهي من هنا لماشاء الله فصدقني صمتك افضل لحين تعرف مصر., وبالمناسبة مصر عدد شعبها مليار و 2 نسيت انت تعدهم .

    الاخ فليسوف عصرة " احمد هتلر " .
    والله فعلا انصحك ومن كل كل كل قلبي خليك في مدونتك والاثار والرحلات واتركك من التحدث بالسياسة فافضل لك ودع السياسة وكلامها لاني كلامك كلام شخص ينزر بين اصابع رجلة ولا يفقة شىء. اعزرني


    ,,,

    ياخوان من يستهين بالفيس بوك فلا يعرف انترنت ... فليس هذا اليوم هوة اليوم الاول لمظاهرات تبدء من الفيس بوك .,, واعتقد اليوم ناقص علية 3 ليالي وهنعرف الوضع ايه

    تحياتي
    احمد زياد






  7. #52







    هم يبكى وهم يضحك





    __________________
    http://us.com.eg
    محمد عبد اللطيف محمود خلف
    support@ultimateserv.com
    ت : 0020103188292 - 0020402211855
    سجل تجارى رقم :33635 المحله الكبرى

  8. #53
    عضو نشيط
    تاريخ التسجيل
    Jun 2005
    المشاركات
    287


    السلام عليكم ورحمة الله وبركاته
    مشكلة ارتفاع الاسعار والغلاء مشكلة تعصف في العالم واكثر المتضررين بها هم نحن في الوطن العربي تحديداً وبلا شك فان الدول الغنية بالنفط ان صح التعبير تعاني من هذه المشكلة واخواننا في الخليج يعانون منها , ولكن الدول الاخرى مثل مصر وغيرها معاناتها اشد نظرا لعوامل عديدة
    وحل المشكلة يحتاج لتوحيد الاقطار العربية التي اسسها الاستعمار البريطاني والفرنسي وفرق بيننا بحدود وهمية واقام دويلات وممالك هنا وهناك ونصب عليها خدماً له , فالوطن العربي غني جدا بموارده الطبيعيه بكافة انواعها والتنوع الذي تمتاز به البلدان يكفي لجعل الوطن العربي وشعوبه سدا منيعاً امام اي عواصف اقتصادية تضرب العالم , ولكن حدث ولا حرج فالاموال تذهب لامريكا على حساب الامة العربية والشعوب العربية , تحت مسميات عديدة منها عقد الصفقات الضخمة للسلاح الذي يصدأ في المخازن , ولا يعرف استخدامه اصلا , ومنها يدفع لسداد فاتورة الحرب الامريكية على العراق وافغانستان , ومنها يدفع لامريكا ثمناً لحماية الكراسي والعروش
    وهلم جراً , وهذه لب مشكلتنا الحقيقية نحن العرب وحينما نفكر بما وصلت اليه اوضاعنا اليوم
    فعلينا التفكير ملياً في واقعنا السياسي فهو سبب مشكلاتنا جميعها , وللأسف هناك الكثير ممن يحاول ان يفرق بين المواطن في مصر وفي السعودية وفي الكويت وفي سوريا ولبنان والخ مع العلم اننا اخوة جميعا نحب بعضنا بعضاً وما يجمعنا لا حصر له وما يفرقنا مفقود فهل لنا ان نفيق من غفلتنا ؟!!!

    الله المستعان على احوالنا






  9. #54
    عضو سوبر نشيط
    تاريخ التسجيل
    Nov 2005
    المشاركات
    894


    ياجماعة ..

    السلام عليكم الأول ..

    الإضراب دا لو نجح .. حيعمل حاجات كتير ..

    اولاً نجاحة يعنى ان اكتر من 50% من الشعب اتفقوا على حاجة واحده ونفذوها ..
    ودا معناه ان الشعب حيبقى قوة لا يستهان بها ..

    الحكومة عارفة كدا كويس .. واليوم دا لو حصل ونجح اقل ما يقال على نتايجه .. ( حناخد حقوقنا كاملة ) ..

    بعد كدا مش حينضحك علينا ..
    حنبقى صناع قرارنا ..
    اللى يعجبنا ننفذه ..
    واللي مايعجبناش يتشاط ..

    شعب حيبقى ليه الكلمة فى الأول والأخر ..

    المفروض دستورياً الحكومة اللى شغالة عندنا بس فعلياً احنا اللى شغالين عندها .. بتستعبدنا ..
    واحنا رضينا ..

    بتسكتنا وتخرسنا وتضربنا بالكرباج زي اي دابة .. واحنا برضه رضينا ..

    كل دا عشان احنا رضينا ..

    طيب لو مارضيناش وقولنا لأ .. واتحركنا ووقفنا فى وش الظلم دا ايه اللى حيحصل .. ؟
    حتبدأ الحكومة تعرف اننا مش مجرد دواب ..

    احنا بني ادمين عاوزين ابسط حقوقنا فى العيش بكرامة ..

    مانجوعش ومانمدش ايدينا ..

    انا مش لاقي كلام اكتر من كدا اقوله ..

    والله المستعان





    __________________
    موقعي الشخصي | MRadwan.net
    تابعني على تويتر | Mohrad

  10. #55


    مع احترامى لك احنا فى زمن الرأس ماليه

    سبب اللى انت فيه ببساطه انك مش تعرف حقوقك او واجباتك انا كنت فى مناظره عامه مع مسؤولين من الحزب الوطنى امام بعض الاحزاب والمناقشه انتهت بالاعلان الصريح من المسؤول ان السبب الشعب نفسه

    سؤال لما الحكومه تعلن عن توفير فرص عمل طلب موزعي عيش بلدى ابو شلن على تروسيكل براتب 500 جنيه ومايتقدمش شباب ده معناه ايه

    لما انت وغيرك تتهربوا من الخدمه العسكريه ده معناه ايه

    لما انت وغيرك مش عارفين قانون بلدكم ده معناه ايه

    لما انت وغيرك مش عارف حقوق بلدكم عليكم وبنتهرب من ضريبه الدم ده معناه ايه

    لما انت وغيرك تقبلوا تدفعوا رشاوى يبقى بتساهموا فى الفساد هاتقول الموظف يرفض اشتكيه لرئيسه رئيسه نفض

    فى الجهاز المركز للمحسابات فى لجان حقوق المستهلك لو مشكلتك فى سلعه فى تنظيم الاتصالات لو مشكلنك فى اتصال رفضوا فى قضاء يحكم
    لما انت تعمل كده وغيرك يعمل كده ونرفض ندفع رشوه اظن الاحوال تصبح افضل

    لما الشاب يعرف ان الحكومه مش هاتوظف لحد 2015 وده حقيقه وسيبك من الكلام الى غير كده سوى بعض التعيينات مكان المحالين للمعاش يعنى بضعه الاف فقط يبقى ده معناه ننزل ندور بدل ماحنا قاعدين على القهاوى

    لما الناس تفهم اننا فى عصر السرعه مش عصر النوم 18 ساعه وان عرصنا عمل واحد لايكفى يبقى فى حل

    لما يكون الشعب كله مؤهلات عليا يبقى حاجه غلط فى اولياء امورنا
    لما ابن يكون غبى وابوه عارف انه غبى ويدخلوا ثانويه عامه بدل مايعلمه صنعه يبقى ده غلط

    ملحوظه فى مهن فى مصر انقرضت بسبب مايسمى فوبيا ماشتغلش الا فى اللى انا متخرج منه


    انا ضد المظاهره لانى مقتنع اننا اللى عملنا كده لكننا بندور على حد نلومه وخلاص
    اسف لكن اول راي اسمعه واقتنع به اقتناع كامل

    العيب في الشعب اللي هو منه الحكومه قاعد اتفرج على برنامج 90 دقيقه وبيتكلم عن يوم

    اليتيم افوجئ ان احد المستضافين بتقول ان في جمعيات خيريه بطلع ايصالات مزوه ولمين

    للايتام وصلنا لحد ان في ناس بتاكل حق اليتامي طيب فين الرقابه اللي عليهم

    ردت واحده في اتصال رد عحيب جدا وتلقائي قالت احنا عددنا 75 مليون ولما الناس معندهاش

    ضماير الحكومه هتراقب مين ولا مين ده اذا كان الموظف الحكومي اساسا عنده ضمير

    اختفت الضمائر فلا تلومن الا نفسك ..............






  11. #56


    حسبنا الله لا اله الا هو ........... غابه القوى يأكل الضعيف

    دا اللى بيحصل فى دوله ناميه ( نايمه ) بدون رقابه

    الواحد بيدخل الحكومه ( الوظيفه الحكوميه ) بهدف شئ واحد بس الاستغلال

    اسف ان كنت عبرت عن رأئيى بهدف اظهار عيوب شعب ... ليس هناك منه من يراعى مصلحه الغير من الفقراء

    ليس الفقراء من هم الذين بحتاجون للدهم

    بل من يحتاج للدعم هم ما يدعون انهم يتحملون عبئـ غيره وهو يبحث عن ذاته



    ................... حسبنا الله ونعم الوكيل ...............


    خبر جديد : وزير الزراعه سيمنع زراعه القمح ........ ناكل منين .... الخبر بث على قناه الجزيره فى صباح يوم الثلاثاء فى النشره الاقتصاديه

    ( ليست بشائعه فقناه الجزيره من بثت الخبر )






  12. #57
    عضو سوبر نشيط
    تاريخ التسجيل
    Aug 2007
    المشاركات
    604


    طيب يا عزيزي معاك اني العيب من الشعب
    لكن الحكومة عندها
    رقابة ورقابة علي الرقابة ورقابة علي ال رقابة .. والي تصل من عسكري المرور لرئيس الجمهورية...
    الضمير عامل غائب بالادارة فانا بتعامل مع شخص علي شكل الة بنراقبها ...
    تقدر تقلي لما شخص يقعد بالبيت ل14 سنة وكل شهر يروح يوم 6 يستلم المرتب ويروح
    فين الرقابة ؟

    الشعب لا حاجة علية طالما الحكومة نايمة ..
    بص الموضوع نبصلة بشكل اصغر علي اسرة بيت مكون من 5 افراد اب وام و3 اولاد لو الاب مكبر دماغة هتلاقي الولاد الي بيشرب مخدرات للي راح فيها... ولو الاب مش مكبر دماغة هتلاقي مهندس ورجل اعمال ودكتور
    دة خلاصة الكلام
    محدش يكلم كلام كبير وهوة معندوش خلفية عن السياسة الخاصة بادارة شئون البلد..






  13. #58
    عضو نشيط جدا
    تاريخ التسجيل
    Sep 2007
    المشاركات
    326


    الداخلية تحذر رسميا من اجراءات فورية وحازمة ازاء التظاهر أو الاضراب يوم الأحد

    منقول من
    الداخلية تحذر رسميا من اجراءات فورية وحازمة ازاء التظاهر أو الاضراب يوم الأحد

    ----

    اغضب
    ولا تُسمع احد
    فإنك إن تركت الأرض عارية
    يُـضاجعها المقامر .. والمخنث .. والعميل
    سترى زمان العُـهر يغتصب الصغار ويـُـفسد الأجيال
    جيلا ً.. بعد جيل
    وترى النهاية أمة . مغلوبة . مابين ليل البطش . والقهر الطويل
    ابصق على وجه الرجال فقد تراخى عزمُهم
    واستبدلوا عز الشعوب بوصمة العجز الذليل
    كيف استباح الشرُ أرضك ؟
    واستباح العُهر عرضك ؟
    واستباح الذئبُ قبرك ؟
    واستباحك فى الورى
    ظلمُ الطـُغاةِ الطامعين ؟؟؟

    ----





    __________________
    Time to walk the talk

  14. #59
    عضو فعال
    تاريخ التسجيل
    May 2006
    المشاركات
    1,755








    __________________
    اقرأ القران الكريم

    Proud To Be A Muslim



    نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

  15. #60
    عضو فعال
    تاريخ التسجيل
    May 2006
    المشاركات
    1,755








    __________________
    اقرأ القران الكريم

    Proud To Be A Muslim



    نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض