أنا مصرى إذن أنا مُضرب

[egyptianphotographer]

مستغربين من الكثافة الامنيه ؟؟

طيب بيتكم لما يولعو فيه مين حيحوش عنكم ؟

الناس خايفة عليكم "_"

وفى الاخر بتصوروهم وتقولو معرفش ايه وايه يا ناس عيب "_"
____________

نتكلم جد شوية : باختصار

شعب مصر غير قادر على عمل اضراب حتى لو سلمى واللى يقول غير كدة مش بيفهم لاسباب تتعلق بفكرة السياسى والفهمى "

[Dr-Design]

كان الله في عونكم

[أحمد خلف]

صورة الأمن اللي يهشم شاحنته لقطة !!

بعض الاعضاء استغرب من ردودهم وكأن عماره وانتم بتأخدوا من طبوها وتهدوا حيل من يبنيها.

العرب ما بينصلح حيلهم الا اذا تخلوا عن الأماني والتعلق بأفكار متوحدين فيها لا يتبناها غيرهم

شعوب العالم كلها تنتفض من القهر وهنا اذا انتفض يكون توقيفها بالكذب والقوى فقط والمشكلة اخوان لنا هم اللي متحملين عناء الكذب والتلفيق

[إحساس]

الله يعينكم يا اهل مصر

قوات حسني مبارك كانت على اهبة الاستعداد للتنكيل بشعبها

سبحان الله نشتري الاسلحه لنضرب بها شعوبنا حتى ولو اعترضنا على اي سياسه ولو كانت سياسه التجويع

عجبي.......!!

وانا من وجه نظري لا احبذ مثل هذه الاحتجاجات لان المثل الشائع ينطبق على الحكومات العربيه جميعها


(( لقد اسمعت من ناديت حيى ولا كان لا حياه لمن تنادي ))

محبتي.!

[بوابة مصر]

صدقني لو سويتو مظاهرات وقلبتو الارض فوق تحت ماراح تطلعون بفايده
اولا مصر مافيها فلوس ولا نفط ولا شي يستحق انه يكسب ذهب
ثانيا مصر تتلقى تبرعات من امريكا سنويا
ثالثا عدد شعبكم وصل المليار ومافي مكان يكفيكم حتى هواء بمصر مافي للتنفس
رابعا اغلب الشباب المصري اتخذ من الانترنت وسيله للكسب من الخليجيين وسوالف شاهده على ذلك

للاسف اول كلامك كويس

بس الباقي فيه مغالطات

في الوضع الحالي فعلا مهما سوينا في الحكومة دي

موش هايحصل شئ لانها حكومة حراميه

مصر فيها خييييير كتبر ربما اكتر من خير الخليجيين و دولهم

بس للاسف ما فيهاش حكام زي حكام الخليجيين

لطالما تمنيت يكون لنا حاكم زي الشيخ زايد رحمه الله

يحب بلده بجد

و يحب شعبه

مصر فيها فلووووووس كتييييير و فيها خير وفيييييير

بس برضه فيها احمد عز و فيها احمد نظيف و فيها الجشع و فيها الاحتكار

و فيها عدم الأمانه

اللحوم لحوم حمير و قطط و ما بقاش حد يثق في نوع اللحمة اللي بياكلها

لو ربنا كرم و عرف يجيبله حتة لحمه

------------

مصر عاوزة سيطرة ..

عاوزة واحد بيحبها .. يمسك الحكم و ينضفها من كل اللي ماسكينها

اما بقا قصة التبرعات فكل ذ لب يعرف اين تذهب هذه المعونات و التبرعات

و الشعب المصري يقاسي الالم و الموت في سبيل لقمة العيش

--------------


فيه كلمة بقا معلش حارقاني اوي

و حاسس فيها باشياء مختفيه بين السطور

الشباب المصري بيتخذ النت وسيله للكسب من الخليجيين

انت بتدفع لهم ليه

موش عشان بتاخد منهم خدمة

و لا انت حابب الخدمة دي تكون مجانيه عشان ما نكسبش من الخليجيين

اه انا شاب مصري عندي شركة محترمة في الاعلام الالكتروني و فيها قسم خاص بالتصاميم و الهوست

و بكسب من الخليجيين و بقولها علانية

99 % من عملائي خليجيين

ايه اللي يعيبني كشاب مصري في ده

هو انا بمد ايدي اشحت منكم

انت راجل طالب مني خدمة

لازم هاتدفع عليها فلوس

سواء بقا تدفعها لمصري و لا سوري و لا لبناني و لا تونسي

اعتقد انه مجال النقاش في الموضوع ده خاص باضراب 6 ابريل و نتائجة و محاولة توحيد المصريين

فياريت ما يكونش فيه كلام من تحت لتحت يضايق

و نحاول نكون اكبر من ده و نخلي فيه دوما شعرة احترام بينا

-----------

مستر ميدو .. سبقتني بالموضوع

تسلم اديك يا بطل

و ربنا يحنن قلب حكومتنا علينا و تفرج بقا

[arabSquad]

يبدو ان الإضراب مازال مستمر اليوم في المحله , 99% من المحلات مغلقه ويوجد مظاهرات أقل قليلاً من يوم امس بالخارج على حسب معرفتي ... 15 عربيه امن مركزي موجود بقرب " البندر " فقط منذ الصباح ! وبدأ ضرب قنابل مسيله للدموع بشارع شكري كما سمعت لوجود مظاهرات !!

[بوابة مصر]

في العريش لا يوجد اي مظاهر لاي اضراب

[ultimateserv.com.eg]

إندلعت المشادات بين قوات الأمن والمواطنين بالمحله الكبرى مره أخرى
وحالات الأعتقال فى تزايد مستمر

ويوجد أنباء بهجوم على أحد نقاط الشرطه بطريق المحله الكبرى - طنطا

[arabsdesign]

انا الان عندى احساس كامل ان الشرطه عددهم اكبر من الشعب كله

[أنس بن مالك]

كتبت في ردي السابق ليوم المذبحة

انه يعدون هذا اليوم للمذبحة

و لكني اخطأت لم يحدث اي صدام بالمنصورة ..

بل حدث في المحلة

و كانت المحلة هي ارض المعركة ...

لانها فعلا هي بداية الشرارة لهذا الاضراب ..

هسأل سؤال ..؟ الاضراب نجح و لا لأ ؟

في رايي نجح مليوون في المائة ..

مجموعة شباب من مختلف التيارات كلهم معارضة ... هواة علي حد قولكم .. ينجح في تنظيم و الدعاية للاضراب

فيصل عدد اعضاء الجروب علي النت 60 الف او اكثر ...

كل ده عادي

بس انهم يخوفوا الامن بالشكل ده

و يكونوا سبب في حالة استنفار عام في الداخلية كلها و الجيش يستعد .. ؟!!

في رايي ده النجاح في حد ذاته ..

و الخروج للواقع و الشارع من فكرة انطلقت علي النت ... ؟! اليس هذا نجاح ...

[مزايات]

والله يا انس عندك حق نوعاً ما
الي يفرح بالموضوع اننا شعب مثقف جداً
ولا كفايا ولا اخوان ولا نيلة
من جروب الفيس بوك كل دة حصل شىء يفرح اني الشعب بالكامل مثقف بالشكل دة

المشكلة اني القاهرة والجيزة الناس خايفة من بطش الحكومة
ياريت يحصل في القاهرة والجيزة ذي المحلة
ياريت البلد تولع ويحرقوا المدارس ويقفوا القطرة
كل دة هيتعالج وهيتصلح ...
بس نكون صلحنا حكومتنا
كلام محمد " بوابة مصر " صحيح 100% .. مصر من اكبر دول بالعرب وفي كافة المجالات وتعتبر القدوة الاولي للخليج في اكثر من مجال .

والله يعين

[محمد على محمد]

الحالة الموجودة امامى هى اضراب لم ينزل احد من منزله القليل فقط دخلت عناصر اجرامية الموضوع وهددت الناس بانهم سوف ينالوا ما ينالوه اذا نزلوا اليوم من بيوتهم اعتقد ان قوات الامن ستتصدى لهم اكيد بعد ان عزفت معظم الناس عن النزول تنفيذا للاضراب العام وستجد قوات الامن الهائلة الموجودة بالشوارع اكيد عمل كبير طوال اليوم وهو ازاحة التراب من على وجوههم بعد العاصفة الشديدة الموجودة بالبلاد اليوم وكأن الله يساندنا ويقف بجوارنا فى هذا اليوم العظيم برافو شعب الاسكندرية وعقبال المحافظات الاخرى بلا تخريب بلا سرقة بلا اجرام بلا اى شئ يسئ الى الموقف الجميل الذى قمنا به
مراسلكم محمد عبيد

فعلا كلامك صح وانا منزلتش مش خوف بس عشان حقى وحق غيرى اللى مش عرفين نخدو من الحكومة

اسكندرانى مكافح

[محمد على محمد]

المشاركة الأصلية كتبت بواسطة عبدالله راشد مشاهدة المشاركة
صدقني لو سويتو مظاهرات وقلبتو الارض فوق تحت ماراح تطلعون بفايده
اولا مصر مافيها فلوس ولا نفط ولا شي يستحق انه يكسب ذهب
ثانيا مصر تتلقى تبرعات من امريكا سنويا
ثالثا عدد شعبكم وصل المليار ومافي مكان يكفيكم حتى هواء بمصر مافي للتنفس
رابعا اغلب الشباب المصري اتخذ من الانترنت وسيله للكسب من الخليجيين وسوالف شاهده على ذلك

للاسف احنا من كثرة الخير اللى عندنا فى مصر ومن كثرة فلوس مصر وسيبك يا عم من التبرعات اللى مش بنشم ريحتها دى

انا هرد عليك بكلمتين
احنا من 7000 سنة بنتسرق وبردو عايشين ومعانا فلوس

افتكر اننا اغنى بلد فى العالم وكلامى واضح

شكرا

[ayman nour]

[ayman nour]