السلام عليكم اعضاء المنتدى الكرام
انا اسألكم واتسفيد من خبراتكم فى موضوع جوجل ادسينس ومسألة الشيكات وهل عرفتم تصرفوها وله لا ؟
انا كان معايا شيكين وفات عليهم تقريبا 3 شهور قلت اروح اوديهم البنك بقى عشان احصلهم عشان عرفت ان مدة الشيك هى 6 شهور وبعدها يصبح الشيك Expire لاغى, المهم تانى يوم لقيت حسابى اتقفل بسبب وضعى لروابط تنزيل كتب الكترونية وده مخالف لحقوق الملكية الفكرية.
المهم انا لاقيت كتير فى النت عن مشكلة وقف صرف الشيكات اذا تم ايقاف الحساب وفى ناس قالت انهم صرفوا الشيك عادى بعد وقف الحساب وناس تانية قالت ان الشيك اترفض والبنك وقع عليهم غرامة ورسوم.
ياريت كل واحد حدثت له نفس المشكلة يشاركنا بتجريته ويذكر لنا سبب ايقاف الحساب (ضغطات غير شرعية او حقوق ملكية فكرية او اى سبب اخر) وكمان هو ودا الشيك للبنك قبل وقف الحساب وله بعد وقف الحساب وبكام يوم ؟ والغرامة والرسوم اللى دفعها؟
وتحياتى للجميع