اللي عنده بطاقة فيزا الراجحي يحضر هنا

[سطام سعد]

السلام عليكم

مادري كيف وضعها هل هي مقبولة بالنت ولا كيف الحال

انا اخذتها على شان اشتري من النت تنصحوني استخدمها ؟ .. واللي جربها يقول لي الزبده

[arabic2.com]

معي فيزا من الراجحي والحمد لله ممتازة ومافيها أي مشاكل حتى الآن
وأنصحك بالاشتراك في مباشر الراجحي إذا لم تكن مشترك حيث يعطيك تفاصيل كاملة عن كل ما يخص البطاقة

[سطام سعد]

مشترك في مباشر

مدري هل ستخدم نفس الفيزا ولا تنصحني استخدم بطاقة فيزا انترنت

على ان اللي عندي حدها 2500

[arabic2.com]

إذا طلعت بطاقة انترنت حدها حيكون 1000 ريال ولكن ماراح تقدر تستخدم أكثر من هذا المبلغ شهريا

بالنسبة لي أشوف إذا حد البطاقة اللي عندك 2500 فما يحتاج انك تطلع بطاقة خاصة بالانترنت
تقدر تستخدم البطاقة الأساسية أهم شيء تأكد من أمان المواقع التي تستخدمها للشراء

[محمد بن عبدالعزيز بن سيف]

عندي ماستر كارد

حقت بنك الاهلي مسبقة الدفع


ممتازه عليها رسوم سنوي 100 ريال

واشحنها على كيف كيفك

[موسى الحربي]

عندي فيزا الراجحي الذهبية

ممتازة وتقدر تشتري بكل اطمئنان , وعن طريق مباشر تتابع كل عملياتك على البطاقة

- احذر من التعامل مع المواقع غير الرسمية .
- اكتب بيانات البطاقة في الموقع كما كتبتها في الراجحي .


تقبل احترامي وتقديري

[سطام سعد]

يعطيك العافيه شباب


شبكة الاصيلة , تصدق ابي اطلعها بس متكاسل اروح افتح حساب

[ayman nour]

يعطيك العافيه شباب


شبكة الاصيلة , تصدق ابي اطلعها بس متكاسل اروح افتح حساب

بطاقة الاهلي مسبقة الدفع ما تحتاج تفتح حساب و10 دقايق انهاء الاجراءات وتصلك بالبريد ,

زود 35 ريال وتصلك بال DHL

مسبقة الدفع امنة جدا .

[سطام سعد]

8
8
وشحن الرصيد كيف اشحنه ؟ مو لازم يكون فيه حساب

[ياسر عمر]

عن طريق البنك أو أي واحد تعرفه معه حساب بالاهلي تشحن بالصراف وريح نفسك أفتح حساب معها بالمره

[محمد بن عبدالعزيز بن سيف]

أهلين سطام صراحه مررريحه هالبطاقة


اول شىء دامك رايح تطلع البطاقة افتح حساب معهاا عشان تربطها بحسابك وتتحكم فيها ...يعني بيفيدك بعدين وخل التعب مره وحده


من ناحية التحويل والايداع

تقدر

من الصراف
البنك
تحويل من حسابك بالأهلي الي حساب الماستر كارد
تحويل من أى حساب لك في بنوك اخرى للماستر كارد
وتحويل اى حساب لبنوك اخرى للحساب الجاري

انا تعاملت معها ..لإي موقع مازون وزبطت معي ومشت الامور والشحنه الان في بريدي مأمريكا


لكن ..اذا بغيت تطلعها ..انتبه !

1\
اول شىء البطاقة الزرقا قويييييييه رسميه مره

2\
الأسم اللي للبطاقة الماستر كارد اكتبه بشكل صحيح

كما هو بالجواز واكتبه انت لاتخلى الموظف

يعني اسمك اول حرف للوالد الأسم الاخير


3\
عاد بيخيرونك يقولون تبيها بالبريد العادي ولا الدي اتش ال

شوف : العادي يبيلك 5 يام عشان تتم الموافقه على البطاقة +يبيلك 7 ايام كامله عشان توصلك من اول يوم للموافقه

لكن الdhl 3 ايام فترة موافقة وعلى طول تنرسل زبيداة مبلغ 75 ريال


اذا وصلتك ..بتروح تستلمها كا بريد مسجل
تأخذها

وتدق على الهاتف المجاني

واضغط رقم 2 بعدين اضغط رقم 3 لتفعيل البطاقة

حط الرقم الطويل اللي على البطاقه وتبع الخطوات وراح كذا تتفعل

وبعد يومين من استلامك للمضروف حق البطاقة راح يوصلك بريد عادي للرقم السري


وخلاص الحين اموررك تمام

[محمد بن عبدالعزيز بن سيف]

مميزات انك تفتح حساب ..جاري عندهم

اول شىء تقدر تسجل بالاهلي الاون لاين وتقدر تسجل بالهاتف المصرفي

وتقدر تتابع كل تحركات رصيدك

من علميات البطاقة معلقه . مدفوعه .مرفوضه .

سهوله التحويل خلآل ثواني من جاري للبطاقة الماستر

[محمد بن عبدالعزيز بن سيف]

ودامك متكاسل انتبه ..ترمي الاوراق اللي بيعطونك اياها قد تحتاجها بعدين

وقل للبنك يعطيك ..برنت كامل وشىء يثبت ان لك بطاقة ماستر كارد

عشان خايف يوم تبي تسسجل في موقع أي باي ولاموقع باي بال


تمسك معهم يطلبون اثبات لملكليتك البطاقة

[m3rdi.com]

اخوي نصيحة لا تاخذ حقت الراجحي,
خذ حقت الأهلي , لانها اقل شيء مضمونه . بحيث انك تشتري باللي تشحن فيه ....

يعني ما تلاقي نفسك كل شهر مخلص الحد حق البطاقة ....


بالتوفيق ان شاء الله

[ZYTOON.NET]

اول شىء البطاقة الزرقا قويييييييه رسميه مره

أخي ممكن توضح أكثر تقصد البطاقة الزرقاء
يعني ما هو الفرق بينها وبين أخواتها الثلاث أو الاثنتين الأخريات على ما أذكر

تحياتي