سلام عليكم ورحمة الله وبركاته
اخواني الكرام حبيت بس ابلغكم اني والله ولأول مره يتم التعامل معاي بالطريقة هذي وبالاسلوب التعبان
اقسم بالله اني ما تكلمت الحين الا في حر ما في قلبي ولا اعلم هل قوانين المنتدى تسمح ام لا ولكن اعذروني على الكتابة واتمنى ان الادارة تاخذ موضوعي من باب عدم السكوت عن الحق
اخواني اتفقت مع احد الأشخاص اللي لطالما يكتب مواضيع يطلب فيها عمل لاضافة محتوى ومن الامور هذي شائت الصدف بأن اتعامل معاه واتفقنا على اضافة محتوى ولو تريدون التفاصيل انا حاضر ولكن اكتفي بالقدر هذا
عموما دفعت للرجل من تاريخ 31 \3\2008
500 ريال وهي قيمه العمل مره واحده والمبدأ اللي اتفقنا عليه هو الثقه والشاهد الله على كلامنا
مع العلم كان كلامنا قبل الدفع شفوي وماهي طلباتي كصاحب موقع عموما انا لا استيطع شرح مافي بالي لانه اول مره اكتب موضوع من النوع هذا
وصدقوني المشكله لما كنت اكلمه يقول ما تثق فيني انا مو مصري انا حضرمي واعرف بالاصول مع اني والله اني اتعامل مع اخواني المصريين والحمدلله رب العالمين صدق ان الواحد يقولك ان اصابعك مو سوا يعني تلقى الزين والشين في اي جنسية
ولكن مثل نوعيته وكلامه ماوجدت نفسه الاخ هداه الله
عموما وربي انا مقهور يوم الجمعه الفائت دشينا وكلمناه مع احد الاخوه قال انا ابي منكم 10 ايام تبدأ من يوم السبت الفائت وتنتهى المهلة السبت القادم
ورفع يوم الجمعه 3 صور وحنا نكلمه يعني شوفوا انا اشتغل
عموما من يوم الجمعه الى الآن ما شفت منه شي والمشكله والله ثم والله اني مكلم واحد اعرفه عز المعرفه ومحتوياته اللي انا طالبها منه اكثر من اخونا في الله وقالي التركيب ماياخذ مني الا 3 ايام وأقل
انا كلامي الحين مو داش عشان اطالبه بالفلوس الحمدلله عندنا خير لكن والله ثم والله انه خسر اخوه له بالطريقه هذي
وحنا ماقصرنا معاه من اول ما قال حولي الفلوس طلعت من دوامي 8ونص الصبح على ما دفعت كانت بالكثير 9 الصبح
واحذر واحذر الناس منه ولا يغركم كلامه وكلام الاخوه اللي صج ما شفنا منه الا العمل اللي يسود الوجه
وفلوسي ما بيها ترجعلي ابيك تصرفها على نفسك وانا قلتلك اعين واعاون
لكن واحد ياخذ شي على البارد هذا اللي ما يرضاه ربي ومن ثم اخواني اللي يقرون كلامي
ولكن لنا لقاء يوم القيامه يوم لا ينفع مالا ولا جاه
موضوعه ابو الشباب
http://www.swalif.net/softs/swalif30/softs218341/
وهذا طلبي كان في نفس الموضوع
http://www.swalif.net/softs/swalif-1594881-30.html
المحادثات بالكامل عندي من الى
والسلام عليكم ورحمة الله وبركاته