المحلة الكبري وما يحدث هنا .... شارك برائيك

[شريف الشرقاوي]

السلام عليكم ورحمه الله وبركاته

اخوانى الكرام
انا مصري اعيش بمدينه المحله الكبري التابعة لمحافظه الغربية بجمهورية مصر العربيه

حدثت هناك بعض اضرابات الشعب حول مظاهرة و اعتصم ضد الحكومه المصريه و رئيسها ( محمد حسني مبارك ) لن اقول الطاغى

بعض ما يصلكم من وسائل الاعلام ليس بالصحيح نهائي

ما يحدث في مدينه المحله الكبري هي حرب اهليه بين الحكومات و الأهالى بالمحله الكبري

بدايه المشكله حدثت بستفزاز من الحكومه للاهلى و السبب الاكبر لحدوث المصيبه وهو عمال شركة الغزل و النسيج

اجتمع الاهالى في ميدان الشون بالمحله في انتظار خروج العمال من الشركه للتجمع و الاعتصام ضد ما يحدث من ارتفاع في الاسعار و عدم حصول الشعب على اى مبالغ مقابل اعمالهم و وظائفهم

يعني بالبلدى العامل بيشتغل 14 ساعه في اليوم الأجر الشهري من 120 الى 600 جنيه في الشهر

600 جنيه في الشهر

منهم 200 جنيه ايجار شقة و الباقي مصاريف لمدارس الاولاد و مصاريف البيت اكل وشرب

مش هنتكلم في الموضوع ده لاننا مش عاوزين احد يقول كان الله في العون لاننا مفوضين الأمر لله وحده

المهم الناس اتجمهور ومنتظرين عمال الشركه
قامت الحكومه عملوا اجتماع في الشركه بالعمال اعطوا العمال 30 يوم مكافأه بحيث انهم ميقفوش في المظاهره و بعدها خرجت الحكومه من الاجتماع و خلوا العمال روحوا
بعدها قامت الحكومه بضرب رصاص حي على الأهلى
المهم الأهالى تجري شمال و يمين لحد ما تجمعوا تانى
كل ما الناس تتجمع يضربوا رصاص حي و قنابل مسيله للدموع و قنابل مسيله للعمي المؤقت

طبعا احنا منستحقش كده لاننا بشر ودى بلدنا ومن حقنا ناخد من خيرها

العالم كل عارف ان حسني مبارك هو من قتل الرئيس السادات ايام السادات مصر كان خيرها فيه
من بعد ما مسك حسني مبارك الحكم مش هنقول البلد باظت لا هنقول البلد اتنهبت

نسمع في الخبار الرئيس حسني مبارك يجتمع لأفتتاح شركة مش عارف ايه
هو علشان حسني مبارك رئيس هو ياكل واحنا منالقش ناكل مش مهم ربنا كبير
طيب ننضرب بالرصاص و القنابل لا دى لا احنا هنوقف في وشهم و الحمد لله احنا عاملين معاهممم الصح و ربنا معانا في كل اللى بنعمله

بس الرساله دى انا بوصلها للعالم العربي

احنا مش بنخرب في اى حاجه احنا مش بنسرق ولا ننهب زاى ما بيقولوا وسائل الاعلام اللى تبع حسني مبارك

لا احنا بنطالب بحقوقنا زاينا زاى البشر

بنتعامل معهم بعقل و حكمه لحد ما ناخد حقوقنا

وسائل الاعلام بتقول اننا جهله لا بالعكس كلنا ناس متحضرين
المحله الكبري حاليا محاصره بقوات الامن و العساكر و في الشوارع بيضربوا قنابل مسيله للدموع

مش هنقول غير حسبا الله ونعمه الوكيل في الظالم و الطاغي


رساله اوصلها للجميع انا بوصل معلومه وليس اكتر اذا في مجال للردود ارجو عدم الرد بأسلوب غير لائق


تحياتي لكم ,

[ayman nour]

رجالة المحلة هما رجالة مصر . ( باختصار )
فى عاقل يصدق ان شعب يحرق مدارس اولادة ؟ ويحرق المحلات الى بياكل منها ؟
شوية البلطجية الى بيطلعوا من جيوب الامن فى كلة ازمة اتعرفوا خلاص وبقي اسلوب واطي . من حكومة اقل ما يقال عنها انها فقدت مصداقيتها لدي الغني قبل الفقير ونالت كره وغضب الصغير قبل الكبير , لكن الغريب ان معندهاش دم ؟ امبارح يولعوها وانهاردة الظرافة رايح هو شلة الانس عشان يقولوا كلمتين حمضانيين ,, زي كلام الراجل الغتيت الى فى برنامج !!
== تم التحرير من قبل الادارة =====

.


تحية لاهل المحلة .

[شريف الشرقاوي]

غير كده امبارح الساعه 6 مساء قسم شرطه المحله الكبري اول
وقسم شرطه المحله الكبري ثانى خرجوا المساجين من السجون بسيوف و سكاكين على الاهالى وقوالوا لهم اللى هيضرب ويجيب عدد من الشباب هيخلوه يروح بدون اى مسئوليه يعني اللى عنده قضيه هيلغوها

والله والله والله العظيم تلاته الموضوع ده حصل مع اتنين من صاحبي و خدوهم للقسم وضربوهم وهما مالهومش دعوه بأى حاجه و واحد منهم انضرب بالسيف في دماغه وهو حاليا في مستشفي الجامعه في طنطا

أحمد علي مبروك سنه 15 سنه انضرب بالرصاص من الحكومه ومات وهو في بيتهم بردك مالوش دعوه بحاجه

الناس اللى بتقول ان اللى عمل كده البلطيجيه
فعلا اللى عمل كده بلطجيه الحكومه وحسبنا الله ونعمه الوكيل

كل وسائل المواصلات للمحله مقفوله و كل الطرق مقفوله و عاملين حظر تجوال في المحله من بعد التاسعه مساء

[Mr.Mahdy]

لا تعليق

[شريف الشرقاوي]

صور من المجزره التى تحدث بالمحله الكبري حتي الان





هذا القطار تم ايقافه بواسطه الحكومه وهم من احرقوا القطار ليدعوا انه نظام بلطجه
بالله عليكم من يستطيع ان يوقف قطار وكيف سيتم ايقافه وهو متحرك











شوفو تصرف الحكومه العقلانى وهم يضربوا الاهالى






















صامدون

[شريف الشرقاوي]

من الصور الكل شايف غازات و قنابل و رصاص و مدراعات
و اهالى و حجاره مين في الصور البلطجي

[محب الله ورسوله]

ال 2 بلطجية
الشعب والحكومة
وحقنا مش هيرجع بالمنظر القذر ده

[سفير التقنية]

حكمة جميع حكام العرب... باستثناء دولتين أو ثلاث دول خليجية فقط !...

جوع كلبك يتبعك .. سمن كلبك يأكلك


وخير شاهد الزياده 5% !!!!!!!!!

[شريف الشرقاوي]

ال 2 بلطجية
الشعب والحكومة
وحقنا مش هيرجع بالمنظر القذر ده

طيب حقنا هيرجع ازاى

[شريف الشرقاوي]

حكمة جميع حكام العرب... باستثناء دولتين أو ثلاث دول خليجية فقط !...

جوع كلبك يتبعك .. سمن كلبك يأكلك


وخير شاهد الزياده 5% !!!!!!!!!

كلام صحيح

[A.M.J.A.D]

الله يعينكم ويفككم من اللي إنتو فيه

[سحاب اون لاين]

رجالة المحلة هما رجالة مصر . ( باختصار )
فى عاقل يصدق ان شعب يحرق مدارس اولادة ؟ ويحرق المحلات الى بياكل منها ؟
شوية البلطجية الى بيطلعوا من جيوب الامن فى كلة ازمة اتعرفوا خلاص وبقي اسلوب واطي . من حكومة اقل ما يقال عنها انها فقدت مصداقيتها لدي الغني قبل الفقير ونالت كره وغضب الصغير قبل الكبير , لكن الغريب ان معندهاش دم ؟ امبارح يولعوها وانهاردة الظرافة رايح هو شلة الانس عشان يقولوا كلمتين حمضانيين ,, زي كلام الراجل الغتيت الى فى برنامج
=== تم التحرير من قبل الادارة ====


تحية لاهل المحلة .

واللي يقول غير كده
يبقي شكله مش من مصر
وما يعرف الاعيب الحكومة
ما ارادته الحكومة اليوم حدث علي لسان بعض الناس

من قام بالتخريب وبتكسير السيارات والمحلات
هم الامن انفسهم سواء من العساكر او البلطجية الذين ارسلهم الامن
واهالي المحلة عمرهم ما كانوا ليفعلوا ذلك

ارجو ممن لا يعلم شئ لا يتحدث ولا يتكلم فيما لا يعلم
اكرمكم الله جميعا يا شعب مصر

[سحاب اون لاين]

ال 2 بلطجية
الشعب والحكومة
وحقنا مش هيرجع بالمنظر القذر ده

طب انت ايه رأيك نعمل ايه ؟
نقعد في بيوتنا افضل صح ؟
:anger2:

[سحاب اون لاين]

من قام بالتخريب يوم أمس وقبل أمس
هم بلطجية دفعتهم الحكومة والامن
حتي يقوموا بذلك التخريب كله
وفي النهاية يظهر احد الناس ويقول ان ذلك منظر قذر

[rock453]

اما تولع البلد يعني حالنا هيتصلح والا ايه ؟؟؟؟
لو كان اما البلد تولع حالنا هينصلح كنا ولعنا فيها من زمان بقي :con2:
سواء الحكومة اللي عملت او جهات او جماعات اخري
فالخراب و الدمار حصل
و الإضراب فشل و الخاسر الوحيد هو المواطن المصري
و كل سنة و انتم طيبين