يارب حرية

[MAEAM]

والله انا مبسوط اليوم النهاردة اجازة عيد يوم التحرير 25 ابريل حاجة حلوة الواحد يحس انه حر صح والا غلط تحرير الارض والعرض والشرف
مع انى حسيت النهاردة انى مش حر بس عرفت كان التحرير دا لصالح مين
عارفين طبعا مين دا اليوم اللى بيخلونا نحتفل بيه علشان رئيسنا كان عمل تقريبا حاجة فيه
رفع العلم واستلم الارض وخلى الشعب يبقى حر هو دا اللى عمله الريس بتاعنا بس كان نفسى اليوم دا يبقى اسم على مسمى
كان نفسى يبقى تحرير فعلا مش حاجة تانية دا حتى يوم ما الناس فكرت تقول رايها بصراحة خلوها ضلمة وولعوا فى البلد بيفكرونى بالتاريخ يوم ما القاهرة ولعت ايام الملك كانوا برضه عايزينها تولع لسبب ما
والنهاردة اهم دول كمان عملوا كده ولعوها يوم 6 ابريل ناس قاعدة فى بيوتها عاملين اضراب من اللى هما شايفينه
عايزين الحاجة اللى بيشتروها ترخص شوية
عايزين عيش نظيف وموجود
عايزين ياكلوا لحمة فى الاسبوع مرة
عايزين مياه نظيفة
عايزين هوا نظيف
عايزين مواصلات سهلة
عايزين فاكهة طبيعية
عايزين نيل وخضرا
عايزين طرق محترمة
عايزين يتعلموا صح
عايزين يعيشوا صح
والنهاية ايه طيب حصل ايه الحكومة قامت عليهم وورتهم العين الحمرا جرجرتهم ونرفزتهم وخلتهم يعملوا اللى هيا عايزاه شوفوا الحكاية دى غريبة شوية بس انا طول عمرى اسمع حاجات زى دى ان الحكومة دايما بتعمل كده علشان تحقق اهداف لها بتعمل كده علشان كل حاجة تبقى فى صالحها الحاجة الوحيدة اللى ما نفعتش معانا يوم ما قالوا حا نعمل انتخابات حرة ونزيهة وحا نعملها على 3 مراحل وفى اول مرحلة لما الناس راحت انتخبت الاخوان المسلمين رجعوا فى كلامهم على طول وقفلوها على الاخر من تانى وندمت الحكومة على اللى عملته وقال ايه حرية سلام يا حرية اما نشوف حا يحصل ايه فى 4 مايو بيقولوا من دلوقتى وباقول معاكم انا قاعد فى البيت ولو نزلت حالبس اسود وحا علق علم اسود
لانى مش لاقى الحرية انا مسجون جوة سجن كبير قوى زى كل الناس فى بلادى
وبيقولوا تحرير وبيقولوا حرية هاهاهاها شيلااااه يا حرية والله ما فى حرية ولا يحزنون دى اغانى بس ولا تحرير ولا يحزنون
دى شعارات وبس احنا سابنا استعمار ومسكنا استعمار تانى كان اجنبى بقى وطنى شيلاااااه يا وطن

مشاعر اخرى

ط£ظٹط§ظ…ظ‰

[اكوي]

صادق والله اليوم الجو


شويه عليه حر !

[moslem_tk]

عايزين ايه تاني .. احنا عملنا لكم كل حاجة ..

عايزين تعليم صح .. الحمد لله كل الناس بتنجح فى الامتحانات ما فى اى نسبة سقوط وكله بيغش براحته لانها ضمن حرية التعبير و الديموقراطية واحنا منقدرش نمنع طالب من ممارسة حق من حقوقة في أنه يحل من ورقة زميلة ..

عايزين طرق محترمة .. الطرق كلها محترمة و الاحترام بيسرب منها من شارع لشارع .. وبأسلوب منظم ولا يوجد اى خلل من انظمة الاحترام الموضوعه فى كل شارع و خان و ركن ..

رفعنا سعر اللحمة من اجل الحد من امراض النقرص و لحماية صحة المواطن لانها مهمة قومية وقد تضطر بمصالح المواطنين عامة .

عايزين مواصلات سهله و احنا موفرين افضل سبل للمواصلات وهي المشي على الاقدام لايمكن لنا ان نمنع القاعدة العامة فى ان يكون العقل السليم فى الجسم السليم و المشي اساس الرياضة فكل مواطن يجب ان لا ينزحم فى المواصلات و ان يسير مشيا على الاقدام من اجل المحافظة على وزنة وصحته ..

قمنا بأستيراد 7 مليون حمار لكل مواطن حمار ولا يوجد مشكلة لدينا من ركوب الحمير والمشي بها فى الشوارع لانها سوف تصبح حمير رياضية بالتأكيد ومن شأنها حمل حمول المواطنين فى المواصلات .

عايزين نيل وحضرا طيب ما النيل موجود والحمد لله و الخضرة موجودة فى كل مكان احنا ما عندنا غير الخضرة وارخص حاجة ممكن تشتريها ربطة خضرة بربع جنية بس ايه المشكلة هنا !!

عايزين عيش نظيف .. عينت لكم رئيس بيج بوس نظيف بجد علشان يأمن لكم العيش النظيف

عايزين هوا نظيف جبتلكم بيج بوس نظيف نظيف من اجل تحسن من الاحوال الجوية و يخليها نظيفه دائما

عايزين مياة نظيفه جبتلكم بيج بوس نظيف نظيف من اجل تظبيط المجاري و يخليها نظيفه علشان ما تدخلش علي مواسير المياة الخاصة بالشرب احسن حل لان كده كده المجاري حتدخل على المواسير لو بعد حين ..

عايزين الحاجة اللى بيشتروها ترخص شوية وهذه المشكلة الوحيدة التى نواجها الان بعد مباحثات قررنا ان نستبدل نظيف بـ رخيص و لكن نريد المزيد من الوقت لتوفير رخيص مناسب لان الرخصاء كثير فى البلد ولابد من اختيار انسب رخيص لتولي المنسب الجديد .

[Any-Services]

ابسط الكلام ..

نتكلم عن الغلاء ونتكلم عن حال البلاد .. لم نفكر مرة واحدة ما هو السبب .. كل شى بيدى الله ونحن مسلمون ..
امشوا فى الشوارع شوفوا الناس عاملة ازاى .. البنات الذى انقلب الحال الى لا محال .. اعتقد ان هذا كلة ما السرقة الرشوة الظلم الاستغلال الفساد عدم وجود الضمير الغش الخداع القتل الزنى كل هذا ونحن يطلق عليها على البطاقة فى المحفظة كلمة الديانة: مسلم ... نعم مسلم .. انة غضب الله علينا .. هناك حل واحد فقط .. هو انا نتقى الله .. نعرف ما هو معنى التقوة معنى الايمان الطريق الوحيد للهداية الطريق الوحيد لارجاع كل شى كما كان .. لكن اضراب اى شى من هذا القبيل لا ينفع انة غضب الله علينا .. فانظروا الى ما تفعلوة ثم اشتكوا .. وعندما تشتكوا اشتكوا الى الله ولكن الله لا يسمع شكواكم الا عندما يكون راضى عنكم ..

شكرا على الموضوع الجميل ..

تحياتى لكم :
عمرو محمد..