تزاعلنا تصالحنا .. نسوي الي يريحنا .. يا عالم بس وش فيكم .. كأن ما في الا احنا

[سلطان المالكي]

بسم الله الرحمن الرحيم

السلام عليكم ورحمة الله وبركاته

اهدي لكم هذه القصيدة من كلمات / منصور الشادي


تزاعلنا تصالحنا

نسوي الي يريحنا

يا عالم بس وش فيكم

كأن مافيه إلا احنا

تعبنا بسكم غيره

أمانه فضوها سيره

ترى مهما تخاصمنا

نرجع ما نروح ديره

سمانا اشواق في اشوق

نحس بنشوة العشاق

وكل اوقاتنا ندعي

عسى الله لا يجيب فراق

أنا ومحبوبي متصافين

بدنيا الحب مبسوطين

رضيتوا والا ما ترضون

ما حنا عنكم بدارين


اعجبتني وحبيت انقلها لكم

[M. Al-Dhafeeri]

صح لسانك يعطيك العافيه

[سليمان عبدالعزيز]

اظاهر انه غناها رابح ... *_*

المهم ماعلينا من متى ومنصور يكتب اشعار

كتب صدفه ومن بين الناس علاقني من يوم شفته وحط عيونه بعيوني < والله ماحفظها ملخبطه شوي .

وماقصرت على الأهداء

[سلطان المالكي]

شكراً لكم على المرور والحمد لله انها نالت على اعجاابكم

[NaMr]

مع احترامي للشاعر

الا ان هذا الكلام مو شعر !!

مو كل شخص كتبت كلمتين قال شااعر

اول ماقريته احسبه سواليف

[طلال عبدالله]

ايه يا نمر الحين السوالف صارت شعر المهم كلمتين نهايتهم نفس الحرف وخلاص صار شاعر

اين انت يا حسان من هؤلاء .

[ريوف]

مع احترامي للشاعر

الا ان هذا الكلام مو شعر !!

مو كل شخص كتبت كلمتين قال شااعر

اول ماقريته احسبه سواليف

مع احترامي لك ... الا انك انت الي ما تفهم بالشعر ..

هناك شعر غنائي ..

وهناك شعر حماسي وجهادي وشعر ملحمي الخ

وكلها تختلف في الاوزان .. الخ

فهمت قصدي ولا ؟؟

يعني مو تروح تسمع قصيده حماسيه او هجائيه حق خلف بن هذال ولا غيرهم

وتجي تقارنها بهذا ..!!

هذا شعر غنائي

[المرسى نت]

هذا الكلام ليس بشعر سواء غنائي أو غيره

يفتقد لأدنى مقومات النص الأدبي

مع اعتذاري الشديد لكاتب الموضوع لم أرغب بالرد إلا بعد أن تحول الموضوع لنقد النص

[سلطان المالكي]

يا اخوان انا نقلت النص لأعجابي به ..!!

وطبعاً النقد مفتوح وحياكم الله جميعاً وأولكم المرسى

لو كنت اعرف للشعر كان انتقدت لكن كما ذكرت اعجبتني الكلمات

[NaMr]

مع احترامي لك ... الا انك انت الي ما تفهم بالشعر ..

هناك شعر غنائي ..

وهناك شعر حماسي وجهادي وشعر ملحمي الخ

وكلها تختلف في الاوزان .. الخ

فهمت قصدي ولا ؟؟

يعني مو تروح تسمع قصيده حماسيه او هجائيه حق خلف بن هذال ولا غيرهم

وتجي تقارنها بهذا ..!!

هذا شعر غنائي

انا معك وفاهم ان فيه شعر اسمه الشعر الغنائي

لكن هذا كلام مصفوف ومركب !!

تزاعلنا وتصالحنا وش دخلكم ياناس بالله اقلبوا وجيهكم وكل واحد ينتبه لنفسه وانت يالي تناظرني وش تبي خلك بنفسك

هذاني الفت شعر يالله من يغينه

هذا شعر غنائي هل يقارن مع الي فوق ؟

جميله الصدفه الي جابتك حي الهوى والنور.............عليك اجمل مسى مسيت عطني منه قنطاره

احيي فيك ذكرك قبل شوفك والنبا مغمور...............واحيي فيك عطرك واسمك الي مالي داره

انا من مات حي لا طعن حربه ولا منحور.................صويب العين ما يبرى غدى قلبي لك الشاره

بغيت امشي واحس انه غدى مني القدم مبتور................بغيت اقف واشوف عظام كل الجسم منهاره

انا من خانته عبره فرح والا ضحك مسرور........................يضيق به النفس وده يقول من الحكي خياره

اشيل اغناي لك عرضه وابدلبه على المجرور................وامول من طواريقي على عشاق سماره

ابكتب من قصيد الوزن وغيره من شعر منثور..................انا لك شاعر يكتب وشعره نقوة افكاره

الى نهايه القصيده

[Manaf00]

رابح غناها ..
وبدّع فيها

[سلطان المالكي]

الشعار الحقيقين راحوا

الفرزدق والألمعي وغيرهم عليه اشعار على مستوى >>> مسوي يعرفهم

تزاعلنا وتصالحنا وش دخلكم ياناس بالله اقلبوا وجيهكم وكل واحد ينتبه لنفسه وانت يالي تناظرني وش تبي خلك بنفسك

هههههه

مثل ما قال عنيزاوي انا سمعتها وابدع صراحة مع اني ما كنت سمعتها الا لما قال عنيزاوي

[فيصول]

تزاعلنا وتصالحنا وش دخلكم ياناس بالله اقلبوا وجيهكم وكل واحد ينتبه لنفسه وانت يالي تناظرني وش تبي خلك بنفسك

ههههههههههههههههههههههههههههههههه

كتبت فابدعت :nice:

[Manaf00]

الشعار الحقيقين راحوا

الفرزدق والألمعي وغيرهم عليه اشعار على مستوى >>> مسوي يعرفهم




هههههه

مثل ما قال عنزاوي انا سمعتها وابدع صراحة مع اني ما كنت سمعتها الا لما قال عنزاوي

عنيزاوي = مدينة عنيزهـ .. يعني انا من عنيزة

[سلطان المالكي]

تم التعديل واعذرني على الخطأ ونعم بكم يأهل عنيزة