السعودية تتبرع بنصف مليار دولار للجياع في العالم

[zazloze]

عجيب سعر البترول 135 دولار و كل هده المعانات عندكم على الاقل في المغرب اكثر من 75 في المئة يملكون سكنهم الخاص نسبة البطالة 9.5 في المئة و 17 في المئة نسبة الفقر رغم ان المغرب لايملك البترول فقط الفوسفاط تحياتي انس من ايطاليا

[vb3vb3]

معليش بس انت قاعد تألف, بعدين كيف تبغى واحد يتوظف وهو جايب شهادته بفلوسه؟؟

شكلك مو بالمجتمع السعودي اخوي شوف رد اخونا Dr-JackaL رد عليك نيابة عن ردي

والشهاده من مدرسه حكوميه شلون تقول جابها بفلوس وافتح الجريده اخر كل سنه ايام القبول وتشوف انواع الشكاوي من هالنوع .. انت بس افتح الجريده ايام القبول وبتذكر كلامي وشهاداتهم من مدارس حكوميه :nice:


بداح

[rtserv.com]

تصدق وتأمن بالله ..

اللي جاب الشهاده بفلوس توظف واللي جاب الشهاده بعرق جنبيه قاعد وماكل هواء

وبعدين إذا يستطيع يجيب الشهاده بفلوسه كيف ماتبيه يتوظف ؟؟

أكيد راح يتوظف لان عنده واسطه .. مثل ماقدر يجيب الشهاده بفلوس اكيد يبي يجيب الوظيفه بدهن سير :nice:

ولكن مانقول غير .. والله كريم ..

<-=-=-.. يحس راح يصيبه فـري ... اللي مايعرف فري يبحث عنه بقوقل (( تنسيم بالراس )) :app:

لا خلونا نكمل دراسة ولا وظفونا مادري وش يبونا نسوي

[messenger]

خير بلدنا لغيرنا


وين تبي يكون عندنا وطنيه بعد اليوم

والله لابيع الوطنيه دام الدعوه كذا

[النجدي]

السلام عليكم ورحمة الله ..

هذا واجبنا تجاه نعم الله الكثيرة ولله الحمد , اللهم زد وبارك .

ولكني ارى انه يجب ان يتحمل ارتفاع اسعار المواد الغذائية في العالم من تسبب بهذه الأزمة , وهي بالطبع امنا الغولة أمريكا ورغبتها في التخلص مما تسميه "نفط العرب" , العالم تموت جوعاً وهم يحولون محاصيل الذرة الى وقود ! لتستمر عجلة حياتهم المرفهه في الدوران , ولو كان ذلك على حساب امم تموت جوعاً .

ولا حول ولا قوة الا بالله ..

[Smooth Criminal]

عاد تبي الصدق وبدون زعل والله انت الي تتفلسف

ياحبيبي قاعد شغال بقطاع خاص ومرتبك اكثر من اي واحد بعمرك



وتقعد تقول ماحد جبرك ياحبيبي

فيه ناس معها هندسة كيميائية طاقتها في الشوارع لا خاص ولا نيله ولا تقعد تتفلسف في شي ماتعرفه

اي واحد في هالزمن يلقى خاص والا عام يتوظف لكن البلاء لانت لاقي خاص ولا عام

يعني بالعربي في واسطه بتتوظف وامورك تمشي تمام

حتى لو معك متوسط تتوظف وامورك على طول تمام

لكن بعض الناس امورهم اصلا من دون حالتهم حاله لا بيت ولا سياره ومع ذلك غصب يدينوون علشان مصاريف الحياه غصب


ومعهم شهادات زينه وللاسف مافيه وظائف

طبعا اول شي واقوله لك

عسى الله يخلي لنا ابو متعب وصدقوني والله هو يحب الخير للشعب لكن

بلاك من هالي تدير امور الوظايف والنظره الخاطئه عن اغلب الشعب


وشكرا لكم جميعا


واتمنى الي يقول كلامي خطاء يرد علي


طبعا والله رديت لسبب ::


والله ياخوان اني اشوف ناس كثيره واعرفهم وشهاداتهم عاليه وهم راضين باي شي بس مو لاقين

علشان كذا رديت يمكن ان شاء الله يجي الفرج وشكرا

تاكد ياحبيبي

انة ماحد راح يطرق باب بيتك يقول لدينا وظائف والتوصيل بالمجان

تحرك شوي وتلاقي الي تبية

اكرر كلامي اعلاة للاخوة الي ردو بعدك

انت في بلد العز والرخاء

شكرا لوقتك

[rtserv.com]

تاكد ياحبيبي

انة ماحد راح يطرق باب بيتك يقول لدينا وظائف والتوصيل بالمجان

تحرك شوي وتلاقي الي تبية

اكرر كلامي اعلاة للاخوة الي ردو بعدك

انت في بلد العز والرخاء

شكرا لوقتك

ماعليش أخوي وش مقصدك ؟؟

تبينا نتوظف زبالين عزكم الله ورفع قدركم جميعا ً ؟

وش ذنبي معاي شهاده ثانويه عامه وشهاده علوم كمبيوتر وشهاده خبره من بنك ساب مده سنه ونص ؟

مقصدك نكون حراس أسواق ؟

وش أسوي بالشهايد اللي معاي طيب ؟

أداوم سابقاً ببنك ساب اللي بالرياض .. بالملز ..طلعت لان فيه ظلم أداوم مده سنه ونص ومتغرب عن أهلي وبالأخير مافيه ترسيم ؟
اشوف الترسيم يجي لناس ماتداوم وحتي جنسيتهم مو سعوديه فقط من مواليد السعوديه ؟

يتكلم عشر كلمات تفهم كلمه وحده

وين السعوده اللي يتكلمون عنها ؟ السعوده فقط ع البقالات ؟

يمكن أنا ولا شي بالنسبه لأ أشخاص معاهم شهايد عاليه ولكن أتكلم عن حالي ..

أبو متعب ماقصر ولكن في طبقه رديه تبلع بالملايين وتاكل فلوس الشعب

ياخي أحنا من أغني الدول .. والغريب بالموضوع من أفقر الشعوب كيف تصير مادري !!؟

الملايين للاعبين الكوره .. الله ماعطانا موهبه للعب الكوره وش نسوي طيب

مانبي ملايين نبي وظيفه مثل الأوادم نبي نتزوج وصل أعمارنا 30 ولا تزوجنا

مابي أتكلم أكثر من كذا لا اطلع أشياء اسبب بحذف الموضوع او توقيف عضويتي او حضر سوالف

فمان لله

[أبو علوط]

الدولة ماجبرتك تدين عشان هي تسدد عنك

وكمان مو مسؤلة توضفك على كرسي دوار ومكتب 5 نجوم

انا سعودي واتحدا اي شخص يقول ما اقدر اجيب فلوس
انت بس تخرج ونيتك تجيب فلوس بالحلال تلاقيها في كل مكان

اي شغلة شريفة صغيرة او كبيرة تدخل لك الفلوس في السعودية

وانا مجرب هذا الامر

وعلى فكرة اشتغل انا في القطاع الخاص ودخلي وللة الحمد افضل من دخل موضف في سني وفي نفس مرتبة عملي وهو حكومي

لذالك انا ضد الفلسفة الي تتفلسفها انت وغيرك


تحياتي

مره عنده وطنيه هههههههههه


قال فيه شغل قال

يارجال خلنا ساكتين بس لانهرج ونطلع بلاوينا لغيرنا


والتبرع ذا بس لاجل التباهي امام الحكومات الاخرى

[منسم]

المشكلة مو على الوظايف ,,

المشكلة على اللي ما عندهم بيوت اصلاً ,,

مثل واحد طلع بالتلفزيون قبل كم يوم

ساكن هو و عياله بالجبال بمغارة , اتوقع إنه من سكان الجنوب !!!

[Basim]

تاكد ياحبيبي

انة ماحد راح يطرق باب بيتك يقول لدينا وظائف والتوصيل بالمجان

تحرك شوي وتلاقي الي تبية

اكرر كلامي اعلاة للاخوة الي ردو بعدك

انت في بلد العز والرخاء

شكرا لوقتك

معليش بس والله ردودك ترفع الضغط
ومافيها اي عقلانية
سلامات يالطيب لاتكون امير وحنا ماندري
وش اللي لاتتفلسفون ومدري وشو

اذا انت فعلا مقتنع بكلامك
انا منيب قايلك رح دور يم الجامعات والهيئات العسكرية
وشف كم مليون شاب مرتز عن البيبان
لا ابد منيب قايلك ان خط الفقر بناءا على احصائيات هئة السكان والاقتصاد تعدى
54% لا ابد منيب قايلك هالكلام
ولانيب قايلك ان فوق نص الشعب ساكنين بايجار
لا لا ابد منيب قايلك هالكلام
انا بقولك كلمة وحدة اذا انت صدقت باللي تقوله ومتيقن فيه بقلبك
افصل من وظيفتك اللي كاشخ فيها على العالم
وسافر اي مدينة بالسعودية تعجبك
وقدم على وظيفة بدون ماتدخل اي واسطة
ووجهي ياشيخ لو انت من بدون واسطة بتتوظف
فعن الفلسفة الله يرحم والديك

اقسم بالله ردك رفع ضغطي مليون
ولا كانك عايش بهالديرة وشايف الوضع

المعذرة منك بس ماقدرت امسك نفسي من ردك

[الأزهر]

خلها على الله

[طالب الروسي]

بالنسبة للوظايف
الواسطه موجوده

والحظ موجود


ابوي دايم يقول
من حط عينه بعين الله ماخاب

ويعلم الله
اني مو سعودي , ولكني مستقر فيها حالياً
قدمت على اكثر من وظيفه
ولمدة شهرين

بعدها اتصلوا مستشفى الملك خالد التخصصي للعيون
وتوظفت عندهم الآن

والحمدلله اموري ماشيه


بدون اي واسطة
وبدون اي معرفه
وثق اني ما اعرف بالسعودية
الا خمس او ست اشخاص



باب الرزق مفتوح يا اخوان
والله سبحانه وتعالى
مايخلق العبد وينساه



اتمنى لكم الموفقية الدائمة

[Abu Fahd]

إرتفاع سعر النفط من طرف السعودية هو سبب تغيير الأسعار

مسألة بسيطة :
كثرة الطلب على النفط = ارتفاع سعره لددى الدولة المصدرة = ارتفاع اسعار البترول في دول لاتصدر النفط فهي مشكلة للآلت المصنعة للغذاء وباقي المستلزمات .

[حمض الكلور]

الأخ اللي قاعد يتفلسف ياليت يروح جيزان ويشوف الناس اللي عايشه في الخلاء وتنام تحت قطع من الخشب والحديد عشان ظروف الجو.. ويجمعون علب البيبسي طوال النهار ليبيعوها آخر اليوم بثلاث ريالات.. ويحملون الجنسية السعودية.. (مع إن حق الحياة الكريمة ليس للسعوديين فقط إذا كنا مسلمين)..

أعتقد إذا شفت المناظر اللي هناك تستحي على وجهك مره ثانية تكتب كلام زي كذا.. وقول الحمد لله على المرتب اللي تستلمه.. عشان لا يبتليك الله

(لا يؤمن أحدكم حتى يحب لأخيه ما يحب لنفسه) فلا تكون أناني ولا يهمك إلا نفسك!

[Mr.Ali]

الحمد لله على العافيه ... الحمد لله على كل حال ...