ما الافضل كـ وظيفة : شهادة بكالوريوس او شهادة دبلومين ؟

[أبوهيثم]

بسم الله الرحمن الرحيم

السلام عليكم ورحمة الله وبركاته

حياكم الله اخواني الاكارم

الكل اكيد يبحث عن مستقبله لكي يعيش ويعيل نفسه واهله

فلذلك حبيت اسال عن هالامر في التوظيفة

هل الحصول على شهادة بكالوريوس تقنية شبكات افضل في التوظيف من

الحصول على دبلوم تقنية شبكات + دبلوم لغة انجليزية ؟

انتظر رايكم

أبوهيثم

[chatksa]

بكاللوريوس افضل من عده نواحي :

* درجه وضيفيه افضل
* ترقيات مستقبليه افضل
* راتب افضل
* زيادات مستقبليه افضل
* دورات مستقبليه افضل
* وضع اجتماعي افضل


* وامكانية اكمال الماستر افضل واريح .


لكن الدبلوم ... مشكلته مشكله حتى لو حصل على البكالوريوس اثناء عمله فراح ينضر له على اساس شهادته السابقه الا اذا نقل من شركته الى شركه اخرى. ولكن تضل خبرته السابقه سوف تحسب على اساس خبرة دبلوم.


يارجل اتعب شويه وحصل على البكالوريوس واذا قدرت تاخذ ماستر يكون افضل لأن السوق مليان دبلوم و قريبا سوف يتم الاكتفاء من البكالوريوس.

[mad921]

والله شف بكالريوس شبكات تعطي بأسم مهندس ودبلوم مساعد مهندس او فني

هاذا شئ تفرق في المسمى

الشئ الثاني اللغه الأنجليزي ليست بشهاده على ورق لازم تكون على لسانك اذا تبي وظيفة بقطاع الخاص اما حكومي بيفيدك الشهاده

الدبلوم يعطي مرتبة الرابعه او الخامسه لو معك 10 دبلومات

يعني بكالريوس افضل لك الله يوفقك يا ابوهيثم ان شاء الله

[messenger]

البكالوريس افضل من ناحية المرتبه والراتب
في الوظائف الحكوميه على طول المرتبة السابعه والمربوط الرابع

[سلطان المالكي]

الصراحة ليس لدي خبرة اخي ابو هيثم ولو كان لدي خبرة كان اخبرتك

لكن لدي عدة تساؤولات لو تكرمت

ممكن من اين درست البكالريوس لاني اريد بعد الثانوي وهل هو حكومي او اهلي ؟
اذا كان حكومي كم يطلبون المعدل من الثانوي ؟
اذا كان اهلي كم يطلبون مبلغ للترم الواحد او لجميع الاترام ؟

واسف على الاطالة وشفت الاخوان اكثرهم يمدحون البكالريوس

تحياتي لك واتمنى لك التوفيق

[أبوهيثم]

اخوي chatksa : يعطيك العافية اخوي

ولكن مالمقصود بالماستر ؟

اخوي mad921 : الله يعطيك العافية ويبارك فيك

معلومات قيمة اضافية افادتني كثيرا

شكرا لك

اخوي messenger : الله يجزاك خير يا غالي

اخوي sultanalmalki : يا هلا فيك

لم ادرس البكالريوس الى الان ولكني افكر فيها فقلت اسال

وهو معهد نيوهورايزن يعني بدراهم

الترم ياخذون عليه على حسب الدفعة الاولى الي بتدفعها في المقدم

ولكن في الغالب بين 4000 الى 5000 وتقدر تسدد شهريا ما تفرق معهم

جزاكم الله خير احبتي

ابوهيثم

[A.M.J.A.D]

بكالريوس افضل من دبلوم ميه مره

وماستر يعني ماجستير

[أبوهيثم]

بكالريوس افضل من دبلوم ميه مره

وماستر يعني ماجستير

يعطيك العافية اخوي على التوضيح

انا اعلم انه افضل ولكني قلت دبلومين وليس دبلوم واحد اي شهادتين

هنا النقطة الي اشكلت علي وحبيت اسال عنها

بارك الله فيك يا غالي

ابوهيثم

[سلطان المالكي]

وفقك الله ان شاء الله في جميع المراحل الدراسية وعقبال الدكتورة ان شا ءالله

[mad921]

ابوهيثم ان قدرت على دبلوم معهد اداره ترا يعطيك مرتبة السادسه

وخريج بكالريوس ملك سعود يعطيك المرتبة السابعه بكالريوس

وخريجين معهد اداره ينحجزون دفعه كاملة

[Mit3b]

أبو هيثم .. انت معك تخصصين مختلفين .. وهذه راح تنحسب لك اكثر

اذكر واحد مقدم على احدى شركات سابك بتخصصين , جلس فترة والان رئيس احد الاقسام ..

لكن ايضا لو احد الشهادتين اللي معك حلصت على بكالوريس فيها .. بيكون شئ طيب والله

وكل الشهادتين مايختلفون عن بعض كثير غير يمكن بالدقري والمسمى ..


متعب

[Ameen Al-Harbi]

انت راح تتوظف على وظيفة وحدة مرتبتها يحددها الشهادة اللي معك, هل هي بكالوريوس ولا دبلوم

والشهادة الاضافية تكون مفاضلة بينك وبين غيرك وأولوية عند التقديم على الوظيفة, هذا لو الخدمة المدينة ترى ان شهادة اللغة الانجليزية ترتبط بالوظيفة اللي انت مقدم عليها وتخدمها, بعد التوظيف لو حسبت لك الشهادة راح تكون صنف/بدل زيادة شهرية مقطوعة في راتبك. ميب في اصل الراتب ولا ترفعك مراتب ولا تغير علاوتك السنوية

الزبدة ان لو معك 10 دبلومات ما تسوى البكالوريوس في المستقبل الوظيفي, على المدى القصير والبعيد

بعد ما تقضب الوظيفة, عندها تقدر تاخذ الدبلوم اللي تعرف ان الجهة اللي تعمل لديها تبيه وتظمن تحسين وضعك...

الله يوفقك ويرزقك

[أبوهيثم]

يا بعدي والله ما قصرتوا

كنت انتظر ردك اخوي S.Wanderer لانك قبل هذه المرة افدتني كثيرا بهالخصوص واليوم استفيد منك اكثر في هذا الامر

بارك الله فيك وفي الجميع الله يجزاكم خير

اتضح الامر لدي والله يجيب البكالورويوس على خير

ابوهيثم

[Ameen Al-Harbi]

العفو ..

والله يوفقك

[Khalid S. AL-Ghamdi]

شوف أخوي ابو هيثم أنا راح أتكلم من واقع اللي صار معي
أنا أدرس بكلية المجتمع بجدة طبعاً دبلوم 3 سنوات تخصص إدارة شبكات
هذا آخر ترم لي بالكلية ولله الحمد أنا حصلت على وظيفة بشركة WIPRO
ثانية أكبر شركة هندية متخصصة بمجال تقنية المعلومات عقدي راح يبدء من يوم الأحد بعد بكرة
هذا وأنا طالب ولله الحمد بمجرد ماراح أخلص الإختبارات راح أطلع على حساب الشركة في الهند ولمدة 3 أشهر
عبارة عن كورسات وتدريبات في مجال Network Infrastructure واللقب الوظيفية هو مهندس
طبعاً نفس الشئ صار ل 9 من أخوياني بنفس الشركة

هذا اللي صار معي بدون أي زيادة وبالتالي أنت بتستفيد من الكلام اللي قلته وراح تحدد وش الأنفع لك