السلام عليكم و رحمه الله وبركاته
مثل منتوا عارفين ان سوفت لاير SoftLayer تعتبر من افضل شركات تأجير السيرفرات اذا ماهي الافضل فعلاً و افضل الاستضافات العربية تاخذ منها مثل ترايدنت و توب لاين و سعودي بروفايدر.
المهم انا اخذت منهم سيرفر و دفعت الفرق الي ممكن اوفره اذا اخذت من شركات اخرى. (( انا في امريكا ساكن فعشان كذا اعتمدت على الشركات الامريكية لانها قريبه مني )). و عندي استضافه فيها اكثر من 30 موقع و غير موقعي الي له اكثر من خمس سنوات شغال. اول شهر مر على احسن مايرام و ثاني شهر دفعت عن طريق Paypal عقبها Paypal وصلت لهم المبلغ و سحبت المبلغ منهم و علقت المبلغ بيني و بينهم. و عذرهم كان ان فيه شخص ثالث دخل حسابي و طلبوا مني اثبات اني انا صاحب الحساب و ذلك عن طريق ارسال بريد الى السكن الي انا ساكن فيه !! و الموضوع راح ياخذ اكثر من ثلاث إلى خمس ايام عشان يوصل لي البريد الي فيه كود لازم احطه بحسابي عشان يتفعل.
في هالوقت ما انتظرت رحت ودفعت مرة ثانيه عن طريق الفيزا حقت صاحبي و طلبوا مني صورة الفيزا وجه وقفى و بطاقة صاحب الفيزا.
بعدها بيومين قفلوا السيرفر و حذفوا كل الي فيه. و بعد هواش و طلعه و نزله على التليفون قالوا لي مستحيل يرجع لك اي معلومه لاننا سلمنا السيرفر لشخص ثاني.
و بعد ماقفلوه راحت Paypalو حولت لهم المبلغ !!!!!!
عموما طلبت منهم يرجعون المبلغ الي دفعته لهم مرتين و كان
260 دولار عن طريق البطاقه
256 دولار عن طريق Paypal
رفضوا يرجعون المبلغين بحجه ان من شروطهم الفلوس الداخله ماتطلع !
المبلغ الي من البطاقه رجعته عن طريق البنك بالقوة. لكن المبلغ الي عن Paypal رفضوا يرجعونه و كلمت Paypal وقالوا اكتب في قسم الشكوى و لا حياة لمن تنادي.
و بعد مارحت عند محاميه و خذيت و عطيت معها و لا طلعت باي نتيجه تقول ان الغلطه غلطه Paypal مو سوفت لاير. و الفلوس ما راح يرجعونها.
والطريقة الوحيده لاسترجاع فلوسي انه واحد يكون عنده حساب في سوفت لاير احول له المبلغ على حسابه في سوفت لاير وهو يعطيني الفلوس كاش.
اتمنى من الاخواه اذا احد بالرياض او بالشرقية و عنده حساب عندهم اخلي اخوي او احد اخوياي يقابله و احول له المبلغ لحسابه في سوفت لاير واذا تأكد ان المبلغ وصل يعطينا المبلغ كاش.
اخوكم فيصل المهيري.
صاحب موقع الوسام سابقاً.
رد مع اقتباس
