مشروع فيرجل - رحلة المريخ المجانية بالتعاون مع جوجل و مؤسسة ريتشارد برنسون
السلام عليكم فى البدايه
احب فى البدايه اوضح ان الكلام ده حقيقى و صح 100%
و اليكم التفاصيل
التفاصيل :
من شهريين تقريبا أطلقت جوجل مشروع ضخم (اطلقت عليه فيرجل) لعمل أول مستعمرة بشرية على كوكب المريخ و بالتعاون مع فيرجين
و بتمويل من مؤسسها المياردير البريطانى رتشارد برانسون و المشروع يعتمد على تسفير مئات الأشخاص (قرابة الـ 700 شخص حسب أخر التقارير الاخبارية) الى كوكب المريخ بحلول عام 2014 ..
الرحلة مجانية 100% و التقديم أيضا مجانى 100%
كان من المقرر اعلان هذا الخبر فى اواخر العام الحالى 2008 , الا ان هذا الخبر فجرته محطة السى ان ان الاخبارية الدولية مما دفع مؤسسة جوجل الى التسريع بالاعلان عنه بصورة رسمية و فتح باب التسجيل للأشخاص الراغبيين فى السفر فى
هذه الرحلة التاريخية و الأولى من نوعها ..
تستطيع تقديم طلبك مجاناً
للتقديم تفضل بزيادرة الموقع
الاعلان عن الفائزين سيكون فى يوم 18 نوفمبر 2008
فى حفلة ضخمة فى مدينة لندن
انت هتعرف انه تم اختيارك , و بعدها هيعملوا معاك مقابلات شخصية و كشف طبى و حاجات كتير ممكن تعرف اكتر من موقع المشروع
بعدها هيكون قدامك سنة تجهز فيها امورك فى البلد اللى انت فيها حاليا ,
لأنك هتسافر بلد هما هيحددوها يبدأ فيها تدريبات و دراسات عشان تكون جاهز انك تبقى مسؤول عن نفسك
سؤال ناس كتيره مش هاين عليها تشوف الموقع و تقرا و تلاقى اجاباتها عليه
السؤال : لو اختارونى للرحلة و انا رجعت فى كلامى و رفضت !؟
مفيش مشاكل انك تعتذر عن الرحلة بعد ما يختاروك لكن لو انت وافقت
و سافرت و بدأت التدريب و التجهيز للرحلة هيكون فى شرط جزائى (فلوس مثلا)
تدفعها لو حبيت تتراجع
لأن طبعا هما مش هيدفعوا مصاريف بالهبل عشان يدربوك و تيجى فى الاخر تقول آسف..
شروط و كيفيه الاشتراك
ادخل على موقع المشروع
Virgle: The Adventure of Many Lifetimes
اول ما تدخل الموقع هتلاقى مقدمة و شرح للمشروع ,
المهم انك تضغط على
Apply to be a Virgle pioneer
بعدها هيحولك على الصفحة الخاصة بالأسئلة و فيها 15 سؤال
اجابة الأسئلة مش ثابته و بتختلف من شخص للتانى
عموما حاول تقرا الاسئلة كويس و تجاوب اجابات صحيحة عنك
عموما انا جاوبتهم اى كلام لأن مش مهم الأسئلة
الأهم هو ملف الفيديو اللى يعتبر انتر فيو معاك
بعدها اضغط على
Submit
هيطلب منك انك تقدم ملف فيديو خاص بيك تقدم فيه نفسك
اضغط على
Submit your YouTube video
عشان ترفع ملف الفيديو بتاعك
لاحظ ان ملف الفيديو ده عبارة عن مقابلة شخصية معاك
يعنى هتقدم فيه نفسك , الاسم رباعى و تاريخ الميلاد
و الصورة تكون واضحة و الصوت نقى
نجاحك فى الرحلة دى بيعتمد على ملف الفيديو اللى يعتبر مقابلة شخصية معاك
حاول تقدم فيه نفسك و تكون مقنع و كأنك مقدم على وظيفة فى شركة
جهز كلام مقنع جدا ,
بيدل على انك شخص طموح و مجازف و انك قادر فعلا على رحلة صعبة زى دى و خليك واثق من نفسك و من اللى تقدر تعمله هناك
فى 5 نقط اساسية تتكلم حواليها , لكن ليك الحرية انك تقدم نفسك و تشرح انت ليه انسب شخص للرحلة دى
النقط الخمسة:
- اسمك رباعى و تاريخ ميلادك و البلد
- تصورك للحياة على المريخ
- اهدافك و طموحاتك على الكوكب
- اهم الاشياء التى تفكر فى اصطحابها معك
- هل تفكر فى العودة مرة اخرى للكوكب بعد عودتك من الرحلة الاولى
الاسئلة دى ذكية جدا على الرغم من بساطتها و منها هتبان شخصيتك
مطلوب منك ان تتكلم بلغتك عادى جدا , يعنى لو انت عايش فى مصر تبقى لغتك عربى , لو عايش فى فرنسا لكن بتعرف عربى تتكلم فرنسى لان دى لغتك الاساسية
طبعا فى فريق ضخم من كل أنحاء العالم شغال فى المشروع ده , و اكيد ليهم هدف ان يختاروا ناس من كل انحاء العالم بكل لغاته ..
الحد الأدنى لملف الفيديو هو دقيقتين
مفيش حد أقصى , لكن ما اعتقدش انك تزود عن 15 دقيقة عشان تديهم فرصة يشوفوا ملفك كامل
المهم انك ترفع ملف الفيديو
و بعدها هيقلك ان تم قبول طلبك بنجاح
الاعلان عن الفائزين فى شهر نوفمبر فى حفلة ضخمة فى مدينة لندن
انت هتعرف انه تم اختيارك , و بعدها هيعملوا معاك مقابلات شخصية و كشف طبى و حاجات كتير ممكن تعرف اكتر من موقع المشروع
بعدها هيكون قدامك سنة تجهز فيها امورك فى البلد اللى انت فيها حاليا , لأنك هتسافر بلد هما هيحددوها يبدأ فيها تدريبات و دراسات عشان تكون جاهز انك تبقى مسؤول عن نفسك
معلومات اخرى
موقع المشروع
Virgle: The Adventure of Many Lifetimes
شاهد المريخ عبر الأقمار الصناعية
Google Mars
كلمة ريتشارد برانسون مؤسس المشروع
YouTube - projectvirgle's Channel
المركز الاعلامى للمشروع
Google Press Center: Press Release
وكالة الفضاء الأمريكية ناسا
NASA - Home
فى النهايه يا شباب نو كومنت
و انا عن نفسى
هسجل و هرووووووووووووووووووووح المريخ
و برضه نقول
جوجل جوجل جوجل
:app:وبنبعت سلامنا لاهل المريخ و بنوجه ليهم تحيه خاصه
على قبلوهم للرحله بتاعتنا :app:
رد مع اقتباس
المشاركة الأصلية كتبت بواسطة Dr-JackaL 
