ما هو القسم الذي تنصحني بدخوله في جامعه الملك سعود

[NaMr]

شف الشي الي يناسب قدراتك وحبك له

اما اذا بتمشي على السوق صدقني ولا تخصص ينفع السوق

تلقى الدكتور يشتغل مدخل بيانات والي معه شهاده حاسب يشتغل معقب

فالدعوه بربسه حبتين

[سعودي سمايل]

نصيحه من اخو لك
لاتدخل تخصص على كلام فلان او علان او هذا فيه وظايف هذاك لا ..

ادخل شئ انت تبيه و هاويه و تحس انك ممكن تبدع فيه !
ان كانك هاوي حاسب و تحب هالتخصص و تشوف بنفسك القدره انك تبدع فيه
فتوكل على الله و ادخله وانت مغمض وبإذن الله بتتيسر امورك و بتبدع بهالمجال

بالجامعه ممكن تواجه بعض الصعوبات و التحديات البسيطه
منها تحديات مع نفسك و منها مع غيرك !
فـ لو كنت داخل تخصص عشان الوظيفه او عشان احد قايلك عنه ما راح تمشي وبتمل وبتطفش
وبتراكض مابين غير تخصص و مابين بحذف .. إلخ
اما لو كنت تبيه و هاويه .. ما راح يصعب عليك أي شئ بإذن الله

[سلطان المالكي]

اجل ان شاء الله الحاسب الآلي

تحياتي لكم وشكراً لكم على المعلومات القيمة

وفقكم الله

[علي العتيبي]

السلام عليكم

أدخل قسم أنت تبغاه وهو هدفك وتحسّ إنك تبدع فيه

وإذا لغتك الإنجليزية قوية ....... أدخل ولا تتردد

خاصة وإن قسم اللغة بجامعة الملك سعود سواليف مقارنة بجامعة الإمام

من حيث المحتوى وعدد الساعات

[majedona]

ثالث شي حاول قدر الإمكان ماتدخل جامعة الملك سعود

والله أن صاحب هالرد ناصح لك ياسلطان

أدري أنك ماراح تفهم كلامي لو أشرح لك .. لكن سجل فالملك سعود وبعد سنة ولا سنتين راح تعرف وش معنى أنك تدخل بهالجامعة الكئيبة

وإذا تبي تختصر الوقت .. أدخل المنتدى اللي في الرد الأول وأسمع سوالف الطلاب عن الأجواء هناك ( ترى قلت الطلاب مو إدارة الموقع )

[القرية للخدمات]

والله أن صاحب هالرد ناصح لك ياسلطان

أدري أنك ماراح تفهم كلامي لو أشرح لك .. لكن سجل فالملك سعود وبعد سنة ولا سنتين راح تعرف وش معنى أنك تدخل بهالجامعة الكئيبة

وإذا تبي تختصر الوقت .. أدخل المنتدى اللي في الرد الأول وأسمع سوالف الطلاب عن الأجواء هناك ( ترى قلت الطلاب مو إدارة الموقع )

لا تصدق كل ما يكتب



إذا كنت ناوي على الحاسب
فجامعة الملك سعود الخيار الأفضل في السعودية

[ابوعليوه]

لا تصدق كل ما يكتب



إذا كنت ناوي على الحاسب
فجامعة الملك سعود الخيار الأفضل في السعودية

سلطان اذا قدرت تعال جامعه البترول. خاصه اذا تبي تخصصات الهندسه.

هندسه البرمجيات تخصص مهوب سهل ويحتاج انك تكون فاهم في الرياضيات زين, ما اعرف عن الي يدرسونه في جامعه الملك سعود لكن التخصص يعتمد على الرياضيات بشكل كبير.

[mad921]

الله حيه سلطان
وش اخبارك بداية مبروك التخرج وقبال الدكتوراه

الشئ الأخر شوف سلطان لا تمشي على اسم التخصص مثل البرمجه

يحتاج لغة انجليزي حلوو ورياضيات عشان تقدر تطور نفسك فيها وراتب

مساعد المبرمج 8 الاف ريال غير اوفر تايم ومشاريع خاصة لكن هل بتقدر

عليه انا بعطيك اقتراح غير عندك تخصص علوم ادارية قسم محاسبة او

موارد بشرية او تامين

وكلها حلوو وموارد البشرية (شئون موظفين ) تخصص مطلوووب

وعندك (التامين ) مطلوب بشكل قووي مع ظهور شركات التامين جديده

ومحاسبة اكثر طلب بس تخصص صعب وقديم فيه خريجين بخبرات

نرجع للحاسب وتخصصاته نظم وغيرها خريجينه كثير عندك كليات التقنية

تخرج الملك سعود يخرج الأمام يخرج الملك فهد تخرج معاهد التجارية تخرج

كل مكان يخرج حاسب التمريض شغلتهم مقرفه بعض شئ ولاتفكر تعين في الرياض

الأنجليزي لغات وترجمه حلوو لو اخذت بكالريوس و كملت الماستر تخصص اداري

تطلع سلطان زمانك

الخيار لك بس نصيحة بنفس الوقت لا تشوف الي له مستقبل ولا تشوف الشئ الي مستقبله حلو

مثل كلية المعلمين كيف كان مستقبلها قبل 5 سنوات واللحين صارت كيف

بس ميزة التخصصات الأدارية تطلع فوق مع انظمام المملكه لمنظمة التجارة

تبي تختار ياسلطان

* التخصص الي تقبل فيه نسبتك
* التخصص الي له مستقبل
* التخصص الي انت تقدر تدرسه وتطول نفسك فيه وتقدر على مواد حقته
* قدرتك في التخصص فهم او حفظ
* استخر الله

نصيحة ثانية ياسوسو لا تشاور كثير ترا كل واحد يعطيك ائي ويخرب عليك

وبكره لو دخلت تخصص كذا يجي لك واحد يقول لك واحد من اخوياي له عاطل

6 سنوات ماتوظف وتكره ام تخصصك لا يغير كلام احد ترا كثير تلاقيهم

الله يوفقك

[ابوعليوه]

الله حيه سلطان
وش اخبارك بداية مبروك التخرج وقبال الدكتوراه

الشئ الأخر شوف سلطان لا تمشي على اسم التخصص مثل البرمجه

يحتاج لغة انجليزي حلوو ورياضيات عشان تقدر تطور نفسك فيها وراتب

مساعد المبرمج 8 الاف ريال غير اوفر تايم ومشاريع خاصة لكن هل بتقدر

عليه انا بعطيك اقتراح غير عندك تخصص علوم ادارية قسم محاسبة او

موارد بشرية او تامين

وكلها حلوو وموارد البشرية (شئون موظفين ) تخصص مطلوووب

وعندك (التامين ) مطلوب بشكل قووي مع ظهور شركات التامين جديده

ومحاسبة اكثر طلب بس تخصص صعب وقديم فيه خريجين بخبرات

نرجع للحاسب وتخصصاته نظم وغيرها خريجينه كثير عندك كليات التقنية

تخرج الملك سعود يخرج الأمام يخرج الملك فهد تخرج معاهد التجارية تخرج

كل مكان يخرج حاسب التمريض شغلتهم مقرفه بعض شئ ولاتفكر تعين في الرياض

الأنجليزي لغات وترجمه حلوو لو اخذت بكالريوس و كملت الماستر تخصص اداري

تطلع سلطان زمانك

الخيار لك بس نصيحة بنفس الوقت لا تشوف الي له مستقبل ولا تشوف الشئ الي مستقبله حلو

مثل كلية المعلمين كيف كان مستقبلها قبل 5 سنوات واللحين صارت كيف

بس ميزة التخصصات الأدارية تطلع فوق مع انظمام المملكه لمنظمة التجارة

تبي تختار ياسلطان

* التخصص الي تقبل فيه نسبتك
* التخصص الي له مستقبل
* التخصص الي انت تقدر تدرسه وتطول نفسك فيه وتقدر على مواد حقته
* قدرتك في التخصص فهم او حفظ
* استخر الله

نصيحة ثانية ياسوسو لا تشاور كثير ترا كل واحد يعطيك ائي ويخرب عليك

وبكره لو دخلت تخصص كذا يجي لك واحد يقول لك واحد من اخوياي له عاطل

6 سنوات ماتوظف وتكره ام تخصصك لا يغير كلام احد ترا كثير تلاقيهم

الله يوفقك

ايه بس جامعه عن جامعه تفرق, عشان كذا انصحه البترول اذا قدر يدخل.

[الايام]

الله يوفقك ..وإن شاءلله تجـد ضالتـك بـ قسم تـُبدع فيـه .


نصيحتي لــك ولـجميع أقرانـك هي :


1/ دخول قسم اللغات ..وخاصةٍ اللغات الغير دارجـه عند العوام . ( الروسية , الأسبانية ...الخ )


تآكــد بإنك سـ تجـد وظيفـتك بالأستخبارات أو الداخلية أو وزارة الدفاع أو الخارجية

وراح تتبـوء منصب مُهم بالدولــة ( أقولك هذا الشي من واقع تجـربه)



2/ دخــول قـســم الحاسب الألي .. بكافــة تخصصاتــه .



3/ دخـول أي قســم آخـــر ...لكــن شريطـة تفــوقك فيــه , مثلآ :


لو دخلت قسـم "جغرافيا" وحصلت على مُعدل ممتـاز سوف تكـون مُعيــد بالجامعـة

وبهـذهِ الطريقــة سـوف تـجـد الطريق سالك أمامك لنيــل شهـادة الماجستيـر والدكتوراهـ .








ولاتنـســى صلاة الأستخـارهـ .