للمتزوجين في هذا القسم .. سؤال ..

[لامارتين]

بالتوفيق يارب والله يرزقك الزوجه الصالحه

أذكرك ماقصرت معاي لما احتجتك للوردبريس بيض الله ويهك

حتى أنا ما قصر معي ، ركب لي المدونة ، وحجز لي اسم الدومين باستخدام الماستر كارد الخاصه به ، كذلك حجز لي استضافة ايضاً عن طريق بطاقته

وكل هذا بدون مقابل ..

الأخ S.Wanderer إنسان طيب .. الله يوفقه ..

[ABU WSAM]

الواحد حتى لونه مو راعي نت اكيد عنده ربع يروح معاهم او يحظر شبات (ديوانيه) وغيره او او او

يعني النت مو شرط هو المشكله عند النساء المتزوجات .

لو ان الواحد فاضي ماعنده شي راح تمل منه زوجته وهذا اكيد اربع وعشرين ساعه مقابل خشتها ههههه .

اهم شي الواحد يرضي زوجته بالحاجات الثانيه ويدلعها :shy:

[ابو بسمة]

كمبيوتر لك وكمبيوتر لزوجتك وحلت المشكلة ههههههههه

[naruto_dz]

ليه الرجال فقط هم اللذين يجلسون على النت

عندي صديقي يقولي أن زوجته تبقى في النت

حوالي 5 ساعات يوميا وتتكلم عن بيل غيتس كثيرا

حتى صار يخاف من أن تخونه مع بيل غيتس أمزح

المهم أنها ما تقوم من النت لساعات وتنسى أنها متزوجة زلها زوج

[mwafi]

مبرووك مقدماً ..

والله يرزقك الزوجه الصالحه والذريه الصالحه
ويوفقك في حياتك

:app:

[علي العتيبي]

اشتر لها لاب توب وخلها تتعلم بمنتدى الفراشة ... قسم الحياة الزوجية

وتشوف الزوجات وش يسون لأزواجهم

[Andalusy]

هههه

والله معك حق

بش نظم وقتك ان شاء الله مافي مشكل

عندي زوجتي مسميته الضرة

[الرومانتك]

حندخل القفص قريب
وراح أشرط عليها ليلة الدخله وأقولها :
إنتي جيتي ضره على هذا <= يقصد الكمنبيوتر
لك وقتك وله وقته :d:

بسوي قسمه ::

والله يعين

[M. Al-Dhafeeri]

حندخل القفص قريب
وراح أشرط عليها ليلة الدخله وأقولها :
إنتي جيتي ضره على هذا <= يقصد الكمنبيوتر
لك وقتك وله وقته :d:

بسوي قسمه ::

والله يعين

ما شاء الله الشباب مستعيلين :nice::funny:

بالتوفيق ان شاء الله ياخوي الغالي والله يوفقك ويرزقك الزوجه الصالحه

[يوسف التميمي]

بالفعل الانترنت طبينه الزوجه ، الدخول للانترنت ايام العزوبية من 7 الى 9 ساعات يوميا بعد الزواج ساعه فقط

اصلا بعد الزواج امور الحياة والمسئوليات تنسيك الانترنت وتلفت نظرك الى اشياء اخرى اهم

تحياتي صاحب الموضوع

[t7t7.com]

قبل الزواج <ماكان فيه نت او بالأصح ماعرف له .

اما من الناحية المشاكل والامور مع الزوجه عالانترنت فشي وارد لكل متزوج ..

انا اذكر قبل سنه وسنتين وثلاث إدمان إنترنت لدرجةً أسحب عالدوام بسبب الإنترنت

ولكن اول مالاحظت إنخفاض نسب نجاح ولدي ودخول الأخر بالروضه .. وجدت إني مقصر كثيراً

اما وضعي الأن الانترنت لايعني لي أي شي وخدماتي الي اقدمها عندي 2 اخواني الصغار و2 عيال عمي ماسكين الشغل اما انا بس متابعه ..
وكذلك عندي ولدي خالد ناشب لي له كم يوم يبي يعطيني 5 دنانير احجزله دومين ومساحه ههههههههه يبي يسوي موقع نفس خوياه .. ومشكلته الأن بوقت فراغ كبير وركبت له DSL سنه كامله بسبب إنه حب الإنترنت بشكل خيالي .. وبصراحه الإنترنت له أبرك من الخروج بالشوارع واصحاب السوء يعني يتعلم له شي يفيده مستقبلاً .. وانا الان بحجز له دومين وبخليه يسوي موقع يتعلم منه ويطقطق عليه الين مايصبح "كبير المطورين"إن شاء الله

المشاكل الزوجيه وعدم الإهتمام بالزوجه كانت وارده عندي سابقاً بشكل ملاحظ .. اما الأن وقتي منتظم كالتالي
7الصباح اطلع الدوام وارجع 3 العصر اتغدا واشيك عالنت نص ساعه وانام واصحى المغرب اشيك عالنت كذلك نص ساعه واطلع الديوانيه وماارجع للساعه 11 فليل .. اجلس عالنت لــ2 فليل وانام .. وهذا جدولي اما بالإجازات فأكون طالع مع العيال يوم كامل ..

وبالفترة الحاليه بإذن الله خلال كم يوم بنسافر للرياض لأهلي وبيجلسون عندهم لبعد عيد الأضحى إن شاء الله وبرجع للكويت اتفرغ للنت لوووول

[DESIGN-1983]

ليش مافي امكانية لحذف المشاركة؟؟
"اعتذر عن حذف مشاركتي"