محتاجين مترجم ياشباب على شان الناس تفهم كلامنا

[مجود الحفر]

تعبتوا من التطوير

اليوم بضحككم واسعدكم شوي

اطلعكم من الجو اللي انتم فيه

هاكات ومنتديات وسيرفرات وتصميم

عميل مسوي لك مشكلة زعلان على العميل

تعالو خلونا نحل هالقضية

انا شمري وبكتب لكم المصطلحات الشمرية

مفردات شمررررررررررررررررررية

هليودعه .. من أجل ذلك
حللولات .. للتمني
برخا .. للتأخير
ياويطي .. للأستهزاء
أروج .. للأستعجال
متليش .. تعبان
منلهد ... متضايق
بحر : بمعنى انظر
انزلع : بمعنى اغرب عن وجهي
يرطرط = يلعب بالماي
أنهج .. أذهب
وشنوحك .. ماذا دهاك
الخرعه : الخوف
أهُو : أدخل
إيْت : تعال
رح : إذهب
حليل : جميل إلى حدٍ ما
مزيونه : امرأة جميلة
مزاوينه : امرأة جميلة جدا
وين : أين ؟
جَتْ : جاءت
القليب : البئر
حوسه : وصف للأشياء غير المرتبة
ينطل .. اي يسرق
اهم واعظم كلمه شمريه بالترحيب واشوف ناس كثير يستخدمونها هالوقت
يالله حيوه.. وهاذي تقال لضيوف
ثوروا = انهضوا
من ياعيلوه= منذ فتره طويله
نيم = نائم
اتنن = انتظرني
لا تدلج علي = لا تثرثر علي
مبطي = منذ زمن
انفهز = ابتعد قليلا ً
وذقو = ضربه
انكس = ارجع
الفيـد = الشيء
تجودو = تمسكو
قبيس = ضباب
اخيذت ضحى = داهيه
تسـتـام = غــُـبـار
أقضب = امسك
راع لي او لد يمي = اي انظر الي وركز معي
ارا لعل لهابو ابو هالفرّه "بتشديد الراء" = يعني لعن الله ابو هالوجه
قمّار بتشديد الميم = يعني شخص تسذوب " كذاب "
زرابيل = يعني جواتي او نعول
دزدان = بوك - محفظه
مروح = وصف للشئ السئ
مطنط = الشخص اللي ماتسبح لوه سنين
ارفل و رفلا = الشخص اللي مايشتغل بس قاعد ومنثبر
منجطل = يعني الشخص اللي بس يتبطّح و يتسدّح
انلدم = اخرس ولاكلمه
وينكم لا تسلمتن و لاعلمه = وينكم غاطين ماتبينون
اويلي = تقال في النكبات او في الغضب مثلا " اويلي و قل ربحي "
هها = تقال للتشجيع و تقال للتسريع
بومتن هله بالمندا = وصف للشخص العفن
عفن = شخص مايفزع مع ربعوه و ماينفع بالسبع المذاهب
ارا جمح طشّك = تقال للشخص الكذوب
الشبه = تقهوا
يعلكم ما تقشرون = يعني يعلكم ماتشوفون شر و علمن اقشر
اراخو " فلانه " = نخوه و عزوه
يا ويسي = للتعبير عن الشئ الحليل
هيريه = هواء بارد شمالي
ياملا البين و ابا ذنبين = دعوة عجوز هههههه
هريهرا = قصه قديمه تقوله لنا امي قبل لا ننام
دبوه = اي اضربه
دي دي = وتعني الخلالالالالالالالالا
يتمجغل = اي يتبطح و يتسدح و يضيع الوقت
كود = لازم
طوحوه = قطه او ارمه
مامن صمايل = يعني مابوه فايده
يمرش = يعني وسط
ياملا البلش : توبيخ وزجر
الا رابت عليك: تقال للشخص عندما يكذب
اريت : يالربع مالقيت له معنى
ردي عقل : ناقص عقل
وشو اللي يتسنهربك : ماذا تنظر
ياملا الفشاش : الفشاش الظاهر انه مرض
يكبع : يركض
يخوض وينكث : الشخص الثرثار
يقرن الخنافس : شخص سفيه
يابعد توالي اهلي :شفره شمريه وهي لسب وبعض الناس لا تعرف معناها
ياملا البعد :الدعاء بالموت او الفرق
قربوه قرب نمله :وهي عدم الهدوا وتدل علي الازعاج
جايب راس الدريعي :وهي كلمه فخر لشمر
يابعد حنوك ابوي هالحنوك :تدل علي الغلا
فنيجيل :يعني فنجال
ارمع:حل
اروج:اسرع


:nice:

[مجود الحفر]

من جد كلمات ليس لها وجود في القاموس

وبعض الأخوة يفتح حلقه ما يدري وش نقول

[:: كويتي ::]

كود = لازم
خخخخخ بقول لواحد كود عندك تلفون
خخ مراح يفهم
يقولي كود عندك تلفون شنو هه

لازم عندك تلفون

يعطيك العافيه

[majedona]

بحّر بتشديد الحاء يعني انظر

وراع بعد بمعنى انظر

يابعد حيي ..

وعووذاا ... وكلمات واجد مقدر أقولها لأنها تستخدم في السبّ

كانوا جيرانا شمامرة .. أحسن ناس .. بس ماودك تهاوش معهم خخخ .. يحقدون عليك وإذا جو عيال عمهم من حايل بالصيفية يصفون حسابهم معك

[Legend KSA]

وهذي من الجنوب




فيك = اسم استفهام بمعنى : مالك
ليتك = يستخدم ظرف مكان بمعنى جهتك بكسر الام والياء
عبايه = بمعنى كاف التشبيه أي مثلي
أفّلِح = تعني ( إذهب )
ريّال = بتشديد الياء وتعني ( الرجّال ) الشاهد أن حرف \" الجيم \" ينطق \" ياء مشددة.
وا = تعني ( سوف )
هِنِيه = تعني ( هنا )
دليت = اي نزل
هب لي = اعطني من الهبه
ثم أو ثمة = أي مرحلة بين هنا وهناك
يرين أو جرين = وهو مكان يطحن به الحب
مذابك = وهي كسابقتها (فيك) وهي كلمة إستفهامية تعني ( ماذا بك) أو ماذا حَل بِك ؟.
مقروع = وهي حق النقض = الفيتو الممنوح لأهل الجنوب في حال رفض القرار.
الحيد =والمقصود به الحصاه الصغيره او المتوسطه.
الضرب= المقصودبه جبل مرتفع قليل عن سطح الارض
الحدبه= وهي الارض التي لايزرع فيها ولكن يوجدبها بعض الاعشاب والاشجار تتغذى عليه المواشي.
المرو= المقصود به حجر ابيض ساطع البياض.
المعفى= المقصودبه قطعه من الارض.
ورع لي= المقصود انتظرني
العنك = القفل لباب الخشب القديم
الضبه = ايضاً تطلق على الترباس او القفل
الغدوة =الضحوة او الضحى
الظهيرةاو الظهر
الروحة=بعني آخر النهار
الذمير= يعني المرسول
سديد=يعني عاقل
طمى= يعني طاح
اقفى =تعني ذهب او راح
مسراب= وهو الطريق بين المنازل
طاوه= وهى صاج صغير
الله يسقي = الله يعيد تلك الأيام
خوشي = ظهري او ؟؟؟؟
فقع قلبي = قهرني
نيدية = رياح تهب كل نهاية صيف من جهة نجد
زغود = خدود
منادغ = الأباط
طميت= طحت أو سقطت
تغملت = اخذت قرون الذره وشويتها على الجمر
فغرت = فتحت فمي من الدهشه أو يمكن وراثه.
قر ياولد = اركد او اقعد
ايذاني= يعني شوفوني هنا
فنحظر= اطقع ماعندي اخر همي
الهيشة : البقرة الكبيرة
الحسيل : صغير البقر
وحي = صوت
حذايه :اي جنبي
صدر : اي رجع
ارياء: اي استنى
عود .............. اي رجع
أرهي : أظن. طحلش: أي تزحلق
مسله= بتشديد اللام تعني ابرة خياطة.



وانبسطوا


:app:

[الغريم]

اشحالكم يا عرب ؟
lol

[سليمان عبدالعزيز]

وراع بعد بمعنى انظر

والقده = المرمى


فيه كلمات صعبه حيل مافهم عيال خوالي ان جو من حيالي

والله اتنح واهم يتكلمون


والنعم باهل شمر

ثوروا = انهضوا
من ياعيلوه= منذ فتره طويله
نيم = نائم
اتنن = انتظرني
لا تدلج علي = لا تثرثر علي
مبطي = منذ زمن
انفهز = ابتعد قليلا ً
وذقو = ضربه
انكس = ارجع
الفيـد = الشيء
تجودو = تمسكو
قبيس = ضباب
اخيذت ضحى = داهيه
تسـتـام = غــُـبـار
أقضب = امسك

اكثر هذولي ماخذها من مقطع مفردات شمريه *_* البلوتوث الي انتشر


لان اكثرها قالوها


الفيد = الشي