ماشاء الله عليكم يا رواد سوالف

[Card_Master]

انا بصراحه حيل فرحان انه في مبدعين رائعيين في منتدى سوالف..
انا فنان وبصراحه اللي اشوف تعجز الريشه ان ترسمه .. لوحات تراجيديه جدا جميله .. وتجعل الشخص يتأملها بالدقائق..الله يعطيكم العافيه..على فكره انا حفظت عندي عدد من الصور كي ارسمها عندي بالمنزل

أشكر اولا القائمين على هذا المنتدى الرائع واشكر ايضا كل من يساهم فيه من صور او ابداء راي

والى الأمام

فريق عمل عرب كارد

http://www.3arabCard.com

[G-Master]

شكرا على كلماتك الرقيقة و فرحتنا بوجودك بينا كبيرة .

و مرحبا بيك

[P.O-Digital]

يا هلا فيك اخوي وتسلم

[roh-alrehan]

السلام عليكم

حياك الله
واحنا فرحانين بوجودك اكثر

[Card_Master]

أنابصراحه حيل منحرجه منكم ..أنا وحده مو واحد بس خفت إذا قلت إني وحده راح يستخفون بموقعي كوني أنا بنت وبروحي مسويه الموقع. أنا لما أشوف الرد أتضايق لأنكم على بالكم إني ولد.سامحوني أرجوكم ومشكورين على الرد الحلو ويعطيكم العافيه.ومرحبه فيكم في موقعي عرب كارد ..

http://www.3arabCard.com

[roh-alrehan]

ههههههههههههه
لا تخافيين محد يستخف باحد هنا تشجيع ونقد هادف
والموقع متعوب فيه والله وشدي حيلج اكثر
وتمنياتي لج بمزيد من الابداع

[Card_Master]

طمنتيني الله يطمن بالج...ومشكوره على كلامج اللطيف اللي يدل على لطف راعيته...

والله يسمع منج ويفك قيد أسرانا أمين يا رب العالمين ويرحم شهدائنا

[بويوسف]

الاخت او الاخ كارد ماستر .. مافي اي مشكلة اذا كنتي بنت ..

بالنسبة لي لا اجد اي فرق في الابداع بين الرجل او المرأة .. الكل في النقطة متساويين ..

بس الاستمرارية للرجل .. والمرأة تصل لنقطة ثم تتوقف


وبعدين عندنا مجموعة مبدعات من البنات موجودين ولهم مكان كبير بسوالف ابتداء من روضة وشادن ثم روح الريحان وليدي الي ليلى والبقية ...

تحياتي ..

[Card_Master]

شكرك اخ بو يوسف على ردك..أنا كل اللي اسويه اول شي علشان ارضاء لرغبه فيني لاني اشوف مواقع كروت وبطاقات فاشله..قلت يا بنت بماأنه عندي ماده وعندي هوايه تصميم كروت وبطايق وعندي افكار حلوه ليش ما اسوي سايت حلو وكبير ومرتب فيه يرضي جميع الاذواق واخلي الناس بعد اتشارك فيه يعني الواحد يصممله كرت
واقولك يا اخ بو يوسف..يشهد على الله انه السايت اشتغلت فيه قبل سنه ونص وانا اشتغل فيه..هذا معناته انه راح استمر فيه وراح اثبتلك انه كلامك ( الاستمرارية للرجل .. والمرأة تصل لنقطة ثم تتوقف ) كلامك هذا راح اثبتلك انه غلط ..

وانا سعيده بك يا اخ يوسف وبجميع اخواني اعضاء منتدى سوالف

اختكم Card_Master

http://www.3arabCard.com

على فكره سامحوني على عدم تكميل الموقع لاسباب قاهره ..اوعدكم انه يكمل بعد أيام

[Soft Ware Lady]

تبين الصراحة ... احنا نفتخر أن في بنت تطلع بهالأفكار الحلوة ... !

تسلمين ... أحس الموقع بيلبي رغبات الجميع و أفكاره حلوة ...

أنا في البداية كانوا يحسبوني شاب لأن اسمي بالانجليزي .. و ما
يعنّون انفسهم يترجمون الأسم هههههه لأن ليدي ترادف معنى سيدة أو
أميرة ... مع ذلك كانوا يغلطون ... !

قمت أحط .. مع تحياتي أختكم .. أختج ... أختك ...

و يالله يالله عرفوا اني بنت مب ولد هههههههههه

مع خالص تحياتي ,,,, ليدي

[Card_Master]

كلامج اختي سوفت ليدي شجعني اكثر وصدقيني هذا يعطيني دافع اكمل التحدي مع ابو يوسف .. وانشاء الله وبحيل الله اقدر اكسر كلمته..

نصيحة اليوم : تريق عدل با بويوسف


أختكم كادر ماستر

[Soft Ware Lady]

أنا متشوقة اشوف موقعج بعد ما يخلص تماما لأني من محبي مواقع
الكروت ... يالله شدي الحيل و خلصيه

أما بالنسبة لابداع المرأة و مدى استمراريته فهذا يرجع للبيئة
اللي هي عايشه فيها .. و مدى دعم والدها أو أخوها أو زوجها لها
لأنهم هم يا يدفعونها يا يلوعون جبدها هههههههههه مما يأثر على
العطاء و الابداع و مدى استمراريته

و اللا شو الراي ؟

تحياتي ,,, ليدي

[Card_Master]

مممم معاج حق اختي .. بالعكس الكل معاي بالموضوع واهم اللي يشجعوني ...بس أحاول كثر ما اقدر انه ماياخذني عن حياتي ..

ومشكوره وماقصرتي...

تحياتي ...



بس حبيت أسأل عن شنو اللي بخاطركم يكون بالموقع .يعني شنو ودكم انكم اتحصلون قدامكم ..وانا بحاول اني البيه لكم إن شاء الله

أختكم كارد ماستر

[Soft Ware Lady]

أهلين عزيزتي ... أما بالنسبة للأشياء اللي تجذبنا للموقع :

::: الأفكار الجديدة و الحلوة

:::::: يكون في كل قسم عدد لا يقل عن 9 أو 12 كرت و مختارات بعناية

::::::::: التجديد المستمر ...

مع خالص تحياتي ,,,

ليدي )