النتائج 1 إلى 9 من 9

الموضوع: يا فرحه ما تمت - مشكله الجهاز العبقري

  1. #1
    عضو سوبر نشيط
    تاريخ التسجيل
    Jun 2001
    المشاركات
    740


    السلام عليكم

    http://www.swalif.net/softs/showthre...threadid=23446

    http://www.swalif.net/softs/showthre...threadid=23294
    ارجو مراجع الموضعين السابقين ( عشان تفهمون القصه اللي تصير معاي مع الجهاز العبقري )

    باسم الله نبدأ
    كان عندي جهاز AMD - K6 و غيرته الى بنتيوم 3 1.1
    و غيرت بس البور سبلاي و الماذربورد و المعالج و المروحه و الهارردسك و الباقي مثل ما هو عليه ..

    ركبت القطع مع بعض و كل شئ تمام .. شغلت الجهاز و ضبطت البيوس .. و كل شئ تمام .. انا مستانس و فرحان الى اخر حد ..
    دخلت سيدي ويندوز 2000 من البووت Boot واشتغل .. سويت فورمات NTFS والى الحين تمام .. ركبت الويندوز .. و اشتغل .. اول مشكله كانت تعريف المودوم .. قعدت يومين ادور على تعريف الى ما لقيته .. ( حتى مباريات المنتخب ما شفتها ) ( شفوووا كيف انا صاير مجنون ) الزبده ..شغلت الكمبيوتر .. رفض انه يدخل على نظام .. شئ غريب !؟؟!!؟! علما انه كان شغال اول ..
    طيب .. يمين يسار يمين .. مافي اي يقين انه يشتغل ..
    حاولت اسوي Boot من الدسك 3.5 .. ما نفع !؟؟!؟ ما ادري ليه ..
    طيب .. سويت Boot من السيدي حق الويندوز 2000 . ضبط الحال .. لكن سويت فورمات من جديد NTFS لكن المشكله .. انه رفض يسوي فورمات ويقول ان في مشكله بالهارددسك Damage ..
    طيب .. وش الحلللللللللللللللللللللللل ...
    لالالا boot من 3.5 و Boot من السيدي .. فكيت الجهاز .. اتعبث فيه .. عرفت ان الدرايف حق 3.5 خربان .!؟!؟ غريبه .. كان قبل يوم شغال ما فيه شئ ... طيب .. وش الحل ..على طوول تذكرت ان كان عندي نسخه 98 تشتغل من boot .. رحتتتتتتتتتت صارووووخ و اخذت السيدي و ركبته و اشتغل تمام .. اول شئ فورمات FAT
    سويت فورمات .. تمام .. فرحت و استانست على الحال .. طيب الحين اركب النظام .. يوم كتبت الرقم السري ( كوبي ) تمام .. الحين جاتني مشكله مع الويندوز 98 .. ملفات CAB ما هي موجوده بالسيدي .!.!.!.!؟!؟! معقوووله .. انا لي 3 سنين اشغل الكمبيوترات من هذا السيدي .. طيب .. تذكرت ان عندي ويندوز ME
    طيااااااااااااااره على الغرفه و جبت السيدي ..و ركبته و كل شئ تمام .. لكن جاتني مشكله ثانيه ..يقوول بالمسج error انا ما عندي ذاكره كفايه ؟!؟! معقوله .مو مالي عينه 128 رام ..
    طيب .. وش الحل .. مافي اي حل اللا انك تركب ويندوز 2000 مع فورمات FAT بدل NTFS .. طيب .. شغلت الكمبيوتر من جديد و دخلت السيدي .. اشتغل السيدي و سويت فورمات FAT >> الى الحين تمام .. فرحت و يوم بغى يسوي كوبي للملفات .. جاني رساله error يقووول ان الملف الفلاني ما نسخ ( بضم النون ) من السيدي .. معقوله .. طيب اضغط Skip للملف .. كمل و شوي و رساله ثانيه و ثالثه .. الى ما علق الهارددسك و جاتني رساله may your harddisk was damaged ؟!؟ معقوووله الهارددسك جديد و له بس يومين .. كانت الساعه 3 الفجر .. قلت يا ولد .. رح نام و بكره اطلع الخبببببببببرو اشتري ويندوز XP و ريح بالك ..
    جاء اليوم الثاني و علىىىىىىىىىىى طول على الخبر واشتري الويندوز ب 6 ريال .. مو على غيري 15 ريال
    رجعت البيت .. و شغلت الكمبيوتر و ركبت السيدي الجديد ..
    و جاتني رساله يقول ان الهارددسك مافيه SmartDrive !؟؟! طيب اشغط انتر .. وكمل .. باقي الاغراض .. قام عاد تشغيل الكمبيوتر لنسخ الملفات المطلوبه ... بعد ما عاد تشغيل الكمبيوتر .. جاني رساله error مع بدايه تشغيل setup للويندوز XP ( في ملف ناقص للتثبيت ) يعنى ما اقدر اكمل و error 7 يعنى رقمه 7 ..


    الحين وش الحلللللللللللللللللللللللللل .. بعد هذي المعاناه
    هل ان السيدي خرف و لا قدر ينسخ الملفات كامله .. او ان الهارددسك من جد متعطل .. او ان الماذربورد متعطله ..

    و السلام ختام





    دكتور / مجنون غير متواجد حالياً


  2. #2
    عضو فعال
    تاريخ التسجيل
    Feb 2001
    المشاركات
    1,852


    بسم الله الرحمن الرحيم

    شكلها أن القرص الصلب عطلان. صادفتني قبل فترة نفس المشكلة. المشكلة بذاك الوقت إن حتى برنامج الفحص من الشركة كان يقول أن القرص الصلب لا يوجد به عطل. وتكرر الأمر لما بدلت القرص بواحد ثاني وكان برضو عطلان.

    القرص إلى عندك Seagate ولا Western Digital ؟






    __________________
    حياكم الله بموقعكم

    http://www.arabhardware.com
    الوليد غير متواجد حالياً

  3. #3
    عضو سوبر نشيط
    تاريخ التسجيل
    Jun 2001
    المشاركات
    740


    الهارددسك اللي عندي من W.D. 20Gb 5400

    و على فكره رحت للمحل اللي اشتريت منه الهارددسك اليوم .. و ركب سيدي فيه برنامج Ez program او شئ كذا .. للتأكد من الهارددسك و قال انه سليم .. لكن بعد ما شفت ردك ... شكلي بارووح مره ثانيه له لكن بعد ما اشوف ردك التالي

    و السلام ختام





    دكتور / مجنون غير متواجد حالياً

  4. #4
    عضو فعال
    تاريخ التسجيل
    Feb 2001
    المشاركات
    1,852


    بسم الله الرحمن الرحيم

    يمكن نفس المشكلة إلى صادفتني. برنامج الفحص يقول أن القرص سليم ولكنه عطلان.

    الطريقة الوحيدة لتقنع صاحب المحل هي بان تأخذ الجهاز له وتقول له ركب الوندوز. صدقني بعد محاولة أو اثنتين راح يقتنع أن العلة من القرص.






    __________________
    حياكم الله بموقعكم

    http://www.arabhardware.com
    الوليد غير متواجد حالياً

  5. #5
    عضو سوبر نشيط
    تاريخ التسجيل
    Jun 2001
    المشاركات
    740


    الى الاخ الوليد : شكلك انا و انت ONLine
    انا اليوم رحت المحل عشان اشتري درايف للـ 3.5 و قلت له المشكله لكن هو ما صدق ..

    انايوم وديت الجهاز الى المحل كامل المره اللي فاتت .. قام بشتغيل برنامج Ez
    و بعدها ركب ويندوز Me ( لكن انا ما ابغى ويندوز Me لكثر مشاكله ) فحاولت احدث الويندوز فحصلت لي المشكله القديمه

    انا ان شاء الله اليوم .. بالعصر رايح المحل .. و بكل انواع التأكيد على تغيير الهارددسك .... اخليه يغير الهارددسك و نتأكد من الموضوع






    دكتور / مجنون غير متواجد حالياً

  6. #6
    عضو جديد
    تاريخ التسجيل
    Jan 2002
    المشاركات
    25

    هذه المشكله كانت عندى



    الحل با أخى هو ان تعملdelet partation لمحرك الأقراص c ثم تعمل creat partation و تضيف المحرك c مره أخرى وذلك بإستخدام fdisk وتعمل format c/u/c: وكل شئ يكون تمام إن شاء الله





    Tamer غير متواجد حالياً

  7. #7
    عضو سوبر نشيط
    تاريخ التسجيل
    Jun 2001
    المشاركات
    740


    انا حذفت القسم و انشأت واحد جديد و سويت فورمات عادي
    C:\foramt c:a
    a >> هذي زياده

    ** لكن بالنسبه للاختصارات اللي انت حطيتها بعد كلمه فورمات وش الفايده منها ..
    الجهاز الحين عند الصيانه و انا وريتهم المشكله بالضبط و ان ان شاء الله اليوم بعد العشاء ارووح اخذه






    دكتور / مجنون غير متواجد حالياً

  8. #8
    عضو سوبر نشيط
    تاريخ التسجيل
    Jun 2001
    المشاركات
    740


    تم حل مشكله الجهاز .. و كل هذا الدوران .. طلع الرام خربان !؟!؟!؟!؟!؟ و سلامتكم .. اشتريت رام جديد 256

    و مشكورين على تعاونكم معنا





    دكتور / مجنون غير متواجد حالياً

  9. #9
    عضو فعال
    تاريخ التسجيل
    Feb 2001
    المشاركات
    1,852


    بسم الله الرحمن الرحيم

    ................ طافت علينا ...................






    __________________
    حياكم الله بموقعكم

    http://www.arabhardware.com
    الوليد غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض