اخوانى الحقونى اي عضو يسجل يتحول مشرف شلووون ؟؟؟

[ChanZeen]

السلام عليكم

شخباركم اخوانى

اخوانى عندي مشكله غريبه وهي ان اي عضو يسجل يتحول يا مشرف يا مراقب عام ليه والحل؟؟؟

[:: كويتي ::]

راح يساعدك هالدرس
منتديات المودة

[:: كويتي ::]

الواضح انه مجموعة الاعضاء هي رقم 2 افتراضي
لكن انت مغير اشياء بالمنتدى خليت
2 هي مجموعة المشرفين او مجموعة المشرف العام

[ChanZeen]

زين اخوى شلون اغير بارقام المجموعات عالشان ارتبهم والشي الثانى شلون احذف مجموعه

واخر شئ شلون اخلى الاعضاء اللي يسجلون ينتقلون لمجموعه رقم ...

ياريت شرح

[mash3el]

شوف اخوي

اول شي سجل بالمنتدى عندك بعضوية جديده وبعدها ادخل لوحة التحكم شوف اسم العضو اللي سجلته في اي مجموعه ؟

إذا لقيته في مجموعه المشرفين اعرف ان المجموعه هذي هي مجموعه الاعضاء الغير مفعلين

روح وسوي لك مجموعه جديدة باسم مجموعه المشرفين وبنفس اللون والخصائص وانقل فيها المشرفين الموجودين فيها

وبعدها غير اسم المجموعه اللي لقيت الاسم الجديد اللي سجلت فيه غيره الى مجموعه الاعضاء الغير مفعلين وغير بعد الصلاحيات لانها كانت من قبل صلاحيات للمشرفين خليها مثل صلاحيات الاعضاء

بعدها روح وفعل العضوية من الايميل وشوف العضوية انضمت الى اي مجموعه اذا لقيتها في مجموعه الاعضاء هذا شي طيب لكن اذا لقيتها في مجموعه المراقبين سوي نفس الطريقة ضيف لك مجموعه جديده وسميها مجموعه المراقبين وانقل الاعضاء اللي فيها لها وبعد ما تخلص غير اسم هذي المجموعه الى مجموعه الاعضاء ولا تنسى تغير خصائصها وصلاحياتها ( خصائص المجموعه ) يعني تكون صلاحيات للاعضاء مو للمراقبين وعدل عليها

اهني تكون خلصت وضمنت ان اي شخص يسجل راح يدخل في مجموعه الاعضاء الغير مفعلين واذا فعل راح الى مجموعه الاعضاء

بس فيه شغله تاكد منها في صلاحيات او خصائص المجموعات

ادخل على صلاحيات كل المجموعات اللي عندك ودور على خيار مكتوب عليه الموافقة على الانضمام الى هذه المجموعه (شي من هذا) غير الخيار هنا الى لا

وامورك كلها زينه :app: