عرض في جرنال الأهرام : إتصالات تقدم خدمة الإنترنت مفتوح التحميل في مصر

[إينـاسوفت]

64 = 8 كيلوبايت
384 = 48 كيلوبايت أقل من 512
3.5 = 448 كيلوبايت
7.2 ميغابت = 921 كيلوبايت

الاغلب يقول ميغابت وكيلوبت
علشان يكون الرقم كبير (دعاية) اما لو قالك كيلوبايت تحسة قليل شوية
ليش ما يحسبوها بالجيجا ؟
7.2 ميغابت = 0.00087890625 جيجا اختفي الرقم وما احد طلب

[moramo]

انا سمعت ان اتصالات هتقدم شركة نت قريبا زى تى اى داتا وكده

بس المشكلة اليو اس بي ان الاسعار مرتفعه قليلا
انا دلوقتى شغال تى اى داتا لوحدى 512 وبدفع فى الشهر 125 جنية فى الشهر وشغال معايا تمام والسرعة الحمد لله كويسة وانا من سنة او اكتر وانا معاهم بس حاسس الفتره دى فيها بطئ شويا من شغال هل المشكلة عامه ام من عندى انا فقط على العموم انا شاء الله انا بكلهم واستفسر

[فكرة للدعاية]

تنزل ل 3 ميجا باقة 299

ارجو التوضيح يا ايمن فى النقطة دى

يعنى انا مثلا اشتركت باقة ال 7 ميجا

تفضل معايا السرعة 7 ميجا لحد ما اخلص ال 6 جيجا بتاعة الاستخدام العادل

بعدين تقل السرعة ل 3 ميجا لنهاية الشهر ؟؟

طيب ماهو اصلا 3 ميجا زى الفل يعنى جميل جدا ولا انا فهمت غلط ؟

[ايمن جوجل]

فكرة, انت صح كدا
لما تكون 7 ميجا و فجأة تبئا 3 ميجا, هتحس بالفرق

[فكرة للدعاية]

في حالة الإستخدام أكثر من الحد الأقصى لحجم البيانات المتضمنة المسموح بها و هي 6 GB شهريا سوف يتم تحويلكم لسرعة Kbps 64 حتى نهاية فترة المحاسبة الشهرية و سوف يتم تحويلها تلقائيا الي السرعة الأساسية مع بداية الفترة المحاسبية الجديدة .

ده اقتباس من موقعهم

اعتقد ده بيتطبق على العرضين

يعنى السرعة 7 ميجا هتقل ل 64 كيلوبايت مش كاتبين انها هتقل ل 3 ميجا

وياريت لو فى توضيح بالفرق بينها وبين عروض فودافون

[ايمن جوجل]

انا شفت الكلام دا عندهم, لكن هو مختلف عن الي اتئال من خدمة العملاء, مش اول مرة دي بردوا, انا عئبال ما فهمت الموضوع كنت عديت على اكتر من مقر خدمة بيع لاتصالات, كنت بسمع من كل واحد كلام شكل, حتى في نفس مركز الخدمة كل واحد كان اعد يسمعني كلام غير

على فكرة, فودافون بدل 6 جيجا, بتكون 2 جيجا, السرعة واحد صديق قال لي انها 3 ميجا و بتوصل ل 7 ميجا, بس لما بتوصل للحد المسموح السرعة بتكون كام؟ "العجيبة اني بسئل و انا فودافون اساسا"

[فكرة للدعاية]

يا ايمن اصلها كده غريبة اوى

انت طبعا عارف سرعات الانترنت فى LinkAdsl السرعات الجديدة ال 5 ميجا ب 550 جنيه

ازاى دى تبقى 7 ميجا وب 300 جنيه

ولما تقل تبقى 3 ميجا

اصلا سرعة ال 2 ميجا فى شركة راية اللىانا متورط معاها - اقصد مشترك معاها - ب 760 جنيه فى الشهر

بس انا مشترك 512 ب 190 جنيه فى الشهر بدون راوتر

شركة متخلفة ومش عارف اعمل كنسليشن مينفعش اقعد كم يوم من غير انترنت نفسى احول ل TeData

فانا بقول ان ده مستحيل انها تبقى 7 ميجا وتقل ل 3 ميجا .. برضه 3 ميجا دى حاجة كبيرة اوى

اعتقد ان الصحيح انها بتبقى 7 ميجا لحد ما تنهى ال 6 جيجا وبعدين تقل ل 64 كيلو

ونفس الكلام على السرعة التانية بتبقى 384 كيلوبايت ولما تخلص ال 6 جيجا تبقى 64 كيلو

ياريت كلام نهائى ونفسى فى حل

الصفحة بتاعتهم اللى فيها العرض اهى وفيها نفس الكلام اللى بقوله واللى مختلف عن كلامك يا ايمن :

اتصالات

[ايمن جوجل]

بص, هي المشكلة مش ف السرعة, القضية و ما فيها هو تحجيم الداونلود بتاعك, شركات ال dsl زي لينك او teData مش هيحجموك في الداونلود "الا انو في باكدج كدا بيديك سرعة زيادة لكن بيحجمك في الداونلود", هنا الاختلاف بئا, اصل العروض زي بتاعة اتصالات او فودافون دي, هي اساسا مش للشباب بتوع التحميل الكتير و كدا, دي حلول بيزنيس طبعا و لو عندك شغل بتنجزه بدون اي عقبة, اقولك حاجة, خد الرقم دا
35346333
دا رقم المقر الرئيسي لاتصالات, ئولهم ايه الحكاية عشان "الجواب النهائي" دا
و ابئا قولنا هنا بردوا

[فكرة للدعاية]

مين قالك ان TeData و LinkAdsl مش بيحجموا الداونلود ؟؟

بعد الحوار بتاع ال Limited زى مانت عارف وفشله الزريع من وجهة نظرى

اخترعوا حوار اسمه FUP او Fair Use Policy - سياسة الاستخدام العادل -

ودى هتطبق اساسى على كل الاشتراكات .. بس محدش موضح عنها كتير

بس هتطبق حاليا على الكل القديم والجديد

لاحظ صفحة التسجيل لخدمة جديدة من تى اداتا

شوف الرابط التالى :

ADSL تسجيل للحصول على خدمة - تى إى داتا

شوف الجزء اللى فى الصورة باللون الاخضر



وده رابط فيه شرح للسياسة الجديدة :

http://www.tedata.net/new/MultiMedia...rUsePolicy.pdf

وهذه شركة Linkadsl وسياسة استخدامها العادل

Fair Usage Policy

اما شركة راية - الرائدة فى مجالها واللى للاسف انا مشترك معاهم

سرعة ال 2 ميجا عندها خيال ب 760 جنيه بس فى الشهر - يابلاش

[ايمن جوجل]

ايوا ماهو دا الي بكلم عليه