ما رأيكم بسيارة تويوتا يارس؟

[Maroc]

أخواني في سوالف سوفت

حبيت آخذ رأيكم بسيارة تويوتا يارس Yaris أيش رأيكم فيها، وماهي مميزاتها ومساؤها؟ وهل تنفع للمشاوير الطويلة.

وبارك الله فيكم

[Wleed.Com]

تقهرني السيارات الصغيره ’’

’’
بس يمدحونها تآيوتآ كلهآ تمام ’’ }

[Mr.Ali]

إستخفيت فيها أول ما نزلت ... لكن حلوه أشوفها مع الشباب

و طيبه في المشاوير الطويله

[MOHD MAHMOUD]

اخي لا يوجد معلومات لدي كافية عنها

ولكن اركب الياباني وانت مطمن
بس تاكد انه وارد اليابان ، وليس من مصنع جنوب افريقيا

[Renegade]

عندنا وحده وصراحه حلوه وخفيفه للطرقات وحتى الخطوط الطويلة
ومريحه من داخل صغيرة وملمومة ... كل شي في متناول اليد حتى لو عالكرسي ورا

وبصراحه شفت مره ياريس رقم الكويت ومره رقم السعوديه عندنا في الامارات
يعني ماشي فيها كل هالخط وعاادي ... السياره اوكي يعني

توكل
لو تبغي سياراات شبيهة بها وتختار

تيدا / نيسان
جاز / هوندا
سويفت / سوزوكي
ووحده ماعرف اسمها / دايهاتسو

كله ياباني وكله زين

[Misr4Host]

اسمع انها اقل سيارة فى استهلاك البنزين بين فئتها ... بس عيبها الوحيد من راى العدادت فى وسط السيارة!!
بس هيا طبعا افضل من الافيو والدايو.

واضيف على ما قاله لك الاخ : Renegade
لانسر 1300
تحياتى لك

[الأزهر]

بالنسبة لي قوطي !!

[AD4host.ae]

سيارة اقتصادية وحلوة ويكفيك البريك والـ ABS
بس عيبها انها خفيفة ، ودرجة الامان فيها منخفضة!

واحد من الشباب شراها من سنة ، وصدم فيها بالفجر كلب واقف بنص الشارع ، طبعا الصدام والكشافات والزجاج الامامي وغطاء المكينة (الكوفر) انعدمو ! مع ان الصدمة ماهي قوية كثير! فما بالك لو كانت الصدمة بسيارة اخرى ؟!

الي يعجبني فيها شكلها الخارجي خصوصا لو كانت فل اوبشن .. بالجنوط والجناح والفايبرات .. بس اكبر عيب بالشكل هو الطبون جاي شكله ومكانه غلط ( مثل الإيكو ) لان اليارس هي تكمله مشوار الايكو !!

وللخطوط الطويلة انصحك تاخذ كرورلا او كامري .. لان اليارس صممت للمشاوير الداخلية والصغيرة ( يعني ماهي حق كرف )


والله يوفقك ويعطيك خير ويكفيك شر اي سيارة تشتريها

[برتقال]

أنا عندي الياريس ،

اختيار موفق ، سيارة حلوة ، واقتصادية جدا ً جدا ً ، وصغيرة ، ومفيدة جدا ً للبحث عن مواقف
هي سيارة صنعت لمشاوير المدن ولا تنفع للطرقات الطويلة ، وبحسب الخبرة لما توصل 160 كم\س السيارة تبدأ تهتز

لذلك إذا كنت راح تاخذها للطرقات الطويلة خذ محرك بسعة 1.5 ليتر

ومبارك لك مقدما ً

[انيس حايل]

اسمع انها اقل سيارة فى استهلاك البنزين بين فئتها ... بس عيبها الوحيد من راى العدادت فى وسط السيارة!!
بس هيا طبعا افضل من الافيو والدايو.

واضيف على ما قاله لك الاخ : Renegade
لانسر 1300
تحياتى لك

موخرا سآءت صناعه تويوتا للسيآرات وخصوصا صناعه تآيلند ,,


خذ لانسر وهذا رايي مجررررب ,, لانسر لك وللزمن ,, وخصوصا للخطوط الطويله تعتبر جيدهـ

او خذ كآمري او كرولا زي مانصحوا الاخوان لانها الانسب للطرق الطويله

[abadiksa]

تبي مشاوير طويله

خذها نصيحة مني

امريكي بلا منازع .... خذلك كابرس والا لومينا .... والله ماتحس بالطريق ولا كأنك راكب سيارة

والا أكورد الجديدة .... ياعيني عليها

تحيتي لك

[انيس حايل]

تبي مشاوير طويله

خذها نصيحة مني

امريكي بلا منازع .... خذلك كابرس والا لومينا .... والله ماتحس بالطريق ولا كأنك راكب سيارة

والا أكورد الجديدة .... ياعيني عليها

تحيتي لك

اكيد الامريكي خصوصا ليا صار جديد او نظيف مرررررررره مايتفوت


لكن صاحب الموضوع يبي سيآره صغيره واقتصادية ,, والامريكي بشكل عاام معروف بشفطه للبنزين شفط مهوب صاحي :funny:

[بن جهيران]

تويوتا وبس مع اني لا اركب فيها الا سيارتين

لاندكلوزر شاص
لاندكلوزر جيب
وهي الفخامه بكل انواعها

[mad921]

انا اشوف الأفضل منها هونداي النترا

صحيح انها كوري لكنها افضل من اليارس من حيث

الرساوه في مشاوير طويله (خطوط) واقوى عزم

وتتحمل أكثر منها ونسبيأ بمقارنه مع قيمتها تعتبر

غاليه

الله يوفقك و مبروك ومقدما ويعطيك خيرها ويكفيك شرها

[جروحي]

حبيب قلبي لا تتعب نفسك ولا شي

روح مكتب تاجير واستاجر السيارة وجربتها كم يوم وشوفها وريح راسك

وبشكل عام بالنسبة لها هي

مثل ( فطيرة لوزين تصبيره ) <-- وافهم ياذكي