ايهما افضل :ارامكو او الكلية التقنية

[عقل الكمبيوتر]

السلام عليكم ورحمة الله

حبيت استشيركم في موضوع مهم بالنسبة لي وربما مصير حياتي مرتبط به

اولا انا خريج الكلية التقنية تخصص برمجيات بمعدل 4.72

ولله الحمد والمنة

تم قبولي في برنامج البكالوريوس الخاص بالكليات التقنية والتي تقدمة الكلية التقنية بالرياض

وتم قبولي في برنامج التدرج الخاص بشركة ارامكو الخاص بخريجي الكليات التقنية واجريت الفحص الطبي في جدة اليوم .



ايهما افضل من وجهة نظرك , ولماذا؟؟

ردودكم تهمني

والسلام عليكم

[Dns]

ارامكو

السبب ان الدولة عندنا ووزارة التعليم العالي غير معترفة بالمؤسسة العامة للتعليم الفني والتدريب المهني (اعتقد الحين غيرو اسمها) ولا فيه اي اهتمام بالطلاب والخريجين مثل الاهتمام بطلاب الجامعات الثانيه

لا اماكن قبول ولا توظيف ولا ابتعاث ، نادر ما تلقى احد معطي وجه لخريجي الكليات التقنية

ياخي يكفيك اسم ارامكو

[انيس حايل]

ارامكو

السبب ان الدولة عندنا ووزارة التعليم العالي غير معترفة بالمؤسسة العامة للتعليم الفني والتدريب المهني (اعتقد الحين غيرو اسمها) ولا فيه اي اهتمام بالطلاب والخريجين مثل الاهتمام بطلاب الجامعات الثانيه

لا اماكن قبول ولا توظيف ولا ابتعاث ، نادر ما تلقى احد معطي وجه لخريجي الكليات التقنية

ياخي يكفيك اسم ارامكو

نفس كلام اخوي مآازيد عليه


يكفي انك تقول بآرامكوا

[فتى الخفجي]

شف حبيبي انا اعرف ارامكو اكثر منك بدايت ارامكو عاديه لكن بالمستقبل صدقني ... راح تنبهر ..والله لاتحمدالله ..
رح ترى كل مالها تصعب الوظايف .. لاتفوتك ارامكو ياذيب الله يوفقك

[زعيم2000]

الوظيفه مهمه والدراسه ايضاً مهمه ..

نصيحتي لك ادخل ارامكوا وادرس في الجامعه العربيه المفتوحه انتساب كمثال او اي جامعه اخرى بدون تحديد بس تراعي انك موظف ..

لإنك ماتدري شالظروف .. يمكن بعدي ربي يسهل لك وتلاقي عروض اقوى منه ارامكو بحكم ان وقتها راح عندك خبره موظف بارامكوا + شهاده البكارليوس ..

هاليومين الشهاده مالنا غنى عنها وانا اخوك .. إذا الحين شهاده الثانوي كنها شهاده ابتدائي مانقول إلا الله يستر من القادم ..

لازم تضمن مستقبلك من الجهتين ..

لايخفى عليك الوالد كان موظف ارامكو والآن اخوي موظف ارامكو منذ اكثر 10 سنوات على نفس نظام التدرج يقول لي اخوي تشوف ناس اصغر منك روساء عليك بس عشان شهادتهم جامعيه ومهما تكرف تعتبر منت جامعي عندهم اي قريد 11 .. فعشان كذا اقول لك امسك الحبل من الطرفين .. لاتضيع هذه ولا هذه .. كلاهما مهمين ..

ودعواتك لي بالتوفيق يالغالي ..

وبالتوفيق ..

[اكوي]

ارامكو....

[عقل الكمبيوتر]

مشكورين اخواني على المشاركات

والظاهر اني بسوي نفس اللي قال علية الزعيم2000

يعطيكم الف عافية

[R7ABY]

اخوي اول شي الله يوفقك فيما اخترت

ثانيا حبيت اسالك سؤال خارج موضوعك واسمح لي

انت خريج اي سنه دبلوم ؟

وهل فعلا كلية الرياض ترفض ان المتدرب يلتحق الا بعد سنه من تخرجه من الدبلوم ؟؟

ومتى قدمت على كلية الرياض للبكالريوس ؟

ومشكور طال عمرك

[الأزهر]

أرامكو ...

[محمد بن عبدالعزيز بن سيف]

ارامكو

وظائف رايقه

رواتب عاليه جدا جدا

احترام للموظف

الخخ

[A.M.J.A.D]

نصيحتي كمل البكالريوس اول بعدين دورلك وظيفه لان ارامكو بكره تستغني عن الموظفين تجلس بالدبلوم وهذا اللي صاير بالشركات

[dev/null]

المعدل حلو ..
ورا ما تقدم على بعثه ؟ وتكمل البكلوريوس برا ؟

[مشعل السليمان]

استخير

[عقل الكمبيوتر]

يعطيكم العافة
--------------
R7ABY
انا تخرجت من الدبلوم الصيف الماضي ورفضوا يقبلوننا الترم الاول بعد التخرج >> ما ادري ليه
فقدمت الترم الثاني كان التقديم يمكن في شهر 12 الماضي
وانقبلت الحمد لله
وبتبدأ الدراسة السنه هذي لان كان عندي مواد تأهيليه درستها بالترم الماضي
--------------------------
الأزهر | شبكة الاصيلة
مشكورين على الرد

--------------------------
A.M.J.A.D
صدقت يا اخوي امجد
لكن الدراسة في الرياض صعبة من ناحية المعيشة ومدتها 3 سنوات والمكافئة 990 ريال
اما ارامكو سنة دراسة وبعدين ممكن أواصل البكالوريوس وانا موظف
--------------

dev/null
المشكلة ان التعليم العالي الى الان ما فتحت المجال لطلاب الدبلوم للبعثات
واخاف افوت ارامكو من يدي وما انقبل في البعثات
-------
ابو وائل
جزاك الله خير
باستخير وان شاء الله يصير خير