السلام عليكم ورحمة الله وبركاته
اولا كل عام وانت بخير بمناسبه حلول شهر رمضان الكريم
حبيت ان اضع عنوان الموضوع ويكون رحلة البحث عن بديل لان ما قمت به يعتبر رحله استغرقت اسبوع فى التحويل والبحث عن بديل لمنتديات vb واعتقد ان ان شاء الله الموضوع هيفيد ناس كتير عندها منتديات vb منزوعة كود التبليغ او غير مرخصه
كتير منا عايز يخرج عن سيطرة منتديات الvb والتحويل لاى نظام منتديات مجانى اخر منتدي يكون فيه امكانيات لو مش هتتساوى مع الفى بى على الاقل يكون فيه الاساسيات التى يجب ان تكون فى اى منتدي يخش له زوار
البدايه كانت فى مشكله لود عالى اوي من المنتدي بتاعى على السيرفر مع ان عدد زوار موقعى يوميا كان حوالى 5 الالاف زائر واعرف ان عدد الزوار بيسحب باندويث لكن ما بيعملش لود الا لو فيه شئ غلط حاولت بعدة طرق لكن للاسف كان اللود زي ما هو اضطريت ان استغنى عن هاك فى بى سيو وطبعا كل الحجات دى انا مركبها منزوعة كود التبليغ لكن استمرار المنتدي والموقع دلوقت هو اللى يهمنى رغم ان فعلا هاك الفى بى سيو هاك بيعمل نتايج كويسه فكرت ان احول المنتدي لمنتدي مجانى او الاوبن سورس مش عشان معيش حق نسخة الفى بى لا طبعا الحمد لله المنتدي فعلا استفدت منه والحمد لله كنت مشغله عروض ليد مع ادبيرت وجوجل كان الحال ماشى ولكن المشكله نفسها فى الفى بى واستغنائى عن هاك vbseo اللى كان عامل لود على السيرفر واللىاعرفه ان المنتديات المجانيه والاوبن سورس بيكون خفيف وثلث وخفيف على اى سيرفر ففكرت وخدت القرار للتحويل وكان اول شئ فكرت ان احول ليه هو منتديات phpbb من كتر الكلام اللى بسمعه عنه وعلى راي المثل اسئل مجرب وكان فى سوالف الكلام عن phpbb لا ينقطع وكان ناس كتير واصوات بتايد هذا النوع وبيقولو انه فعلا اقوى نظام منتديات ويمكن بينافس الvb ولكن بعد تجربه وعذرا لو حد هيزعل من كلامى
اغبى انواع المنتديات هو phpbb منتدي غبى بمعنى الكلمه ويكفى مثال واحد بعد عملية التحويل وكل ده على السيرفر الشخصى حبيت اشوف ايه نظام الهاكات ملحوطه(( سكربت التحويل ايضا غبى غباء منقطع النظير )) يعنى هتلاقى مشاكل بالجمله ونت بتحول المهم حولت وشوفت منتدايا باقاعدة بيانات حجمها حوالى 60 ميجا بعد التحويل صار حجمها 100 ميجا قولت معلش مش مهم المهم حولت للعملاق phpbb كما كنت اسمع عشان بس اظهر اقسام المنتدي الفرعيه فى رئيسيه المنتدي لازم تركب هاك مدة تركيب الهاك 3 ساعات بلسته طويله عريضه كلها تعديلات على قوالب وملفات
ساعتها حسيت اد ايه انا بتعامل مع نظام غبى وعلى هذا المنوال اغلب الهاكات هاكات تسد النفس فى تركبيها وستيالات اجارك الله مفيش اى شئ خالص يفتح النفس لحد دلوئت فى منتديات phpbb
((طبعا كلامى عن منديات phpbb ممكن هيدايئ ناس لاسيما ان فيه دعم لهذا المنتدي موجودين فى سوالف لكن هذه وجهة نظرى ونتيجة تعاملى مع مثل هذه النوعيه من المنتديات))
لذالك كان لازم يكون فيه بديل جربت منتديات mysmartbb العربيه وفعلا كان خطوه كويسه ان سكربت التحويل من فى بى الى ماى سمارت موجود وسهل وفعلا جربت لكن برضو صعب اضع مستقبل موقعى ومنتدايا فى سكربت دعمه عربى موجود النهارده غدا لست ادري موجود ام لا وطبعا فيه فرق كبير فى الهاكات وبالمختصر المفيد مش شايف انه ممكن يكون البديل للفى بى
المشكله دلوقت ان لسا ما وصلتش لبديل فكرت فى ip لكن لم اجربه الصراحه لان الكلام اللى كنت بسمعه عن phpbb اكتر بكتير من اى كلام عن اى منتدي اخر
الى ان جاء البديل الفعلى فى حين بحثى عن طرق التحويل وجدت منتدي شبيه جدا بالفى بى والروابط كلها html بصيت فى فوتر المنتدي وجدت انه نسخه منتدي MYbb
فعلا منتدي فيه اماكانيات لم اجدها فى اى بديل اخر على سبيل المثال فى النسخه 1.4
الروابط كلها html بدون تركيب اى هاكات النسخه معدله ونازله من الدعم الاجنبى متظبطه ان روابطها تكون صديقه لمحركات البحث
نظام الهاكات مفيش اسهل منه شبيه جدا بالورد بريس يدوبك ارفع الهاك لمجلد بلجان واخش لوحة تحكم الادمن اعمل تفعيل للهاك
ستايلات جيده وتقدر تتطوع اى ستايل انه يكون شبيه بالفى بى والدعم الاجنبى والعربى كويس جدا
اللى شدنى فى الmybb انه فعلا شبيه جدا بالفى بى وانا كنت عايز ايه اكتر من منتدي ما يحسسنيش انه مختلف عن نظام الفى بى يكون مجانى ويكون مابيعملش لود على السيرفر خفيف وسهل للاعضاء ويستحمل ويكون ذكى فى التعامل معاه ويكون فيه دعم وما يهنيش دعم اجنبى او عربى ولكن يوجد الاتنين دعم اجنبى قوى وكمان دعم عربى جيد
مميزات الmybb كتير الصراحه بالمقارنه مع المنتديات المجانيه الاخري ولكن عيوبه حتى الان عشان اكون عادل ان لسا مفيش محرر متقدم ولكن فى الدعم بيقولوا ان المحرر المتقدم هينزل مع النسخه التاليه لكن فيه هاكات للمحرر المتقدم ولكن فيها مشاكل لكن ايضا فيه ناس قدرت تركب محررات متقدمه وتطوعها على الmybb على سبيل المثال محرر الفى بى ولكن المشكله ان اكيد المحرر له حقوق لشركه فى بى لذالك هيكمل من وجهة نظرى كل مميزات الMybb بنزول محرر متقدم معتمد للهذه النوعيه من المنتديات
وده مثال على موقعى بعد تحويله
http://rab7net.info/vb/
ورمضان كريم