تحذير من -------> ONECARD.COM

[ABU WSAM]

السلام عليكم ورحمة الله

ياشباب لا احد يشتري كروت ون كارد بجميع انواعها

السبب / الشركه خسرت .

[ff5006]

السلام عليكم

الكل يقول مثل كلامك , انا قبل 8 شهور تقريباً جربت الخدمه , اشتريت دومينات , وضبطت معي الشغله ...
صحيح انه طلع لي اخطاء برمجيه , بس تم الشراء وشحنت حسابي بموقع الدومينات وكل شئ تمام ,
بس إذا دخلت منتداهم تشوف كل العالم تـــسب

[تطوير]

غريبه مع انه ماكان لها منافس.. لكن يمكن الدعوى اختلاسات ومشاكل من داخل الشركة.

بانتظار تاكيد الخبر.

[فتى الخفجي]

ولاخسرت تخسرنا ؟ ولا شلون؟

[جوال المسلم]

اذكر اني اشتريت مشكلتها الوحيده انه الشارج مالهم عالي جدا يعني اذكر اني كنت ابغي اشترك في موقع تحميل قيمة الاشتراك مثلا 100 درهم لازم ادفع 25 درهم علشان يحولون من حسابي البيزات الى حساب الشركة الثانية طبعا غير بيزات الكردت اللي دفعتها بينها اي شركه ثانية ممكن تاخذ 2 الى 5 دراهم فقط على 100 درهم

بس بخصوص المشاكل ما حصلت معاي اي مشاكل ... و الحمد لله .

[B A S e M]

< اخوكم في الله قاطع 80 كيلو رايح اشتري ون كارد ..

لفيت أكثر من 8 اسواق ومكاتب ادور عليها ما حصلتها !!

[عالم المبدعون]

يا اخوان ون كارد وش تشترون فيها ؟

[Legend KSA]

يا اخوان ون كارد وش تشترون فيها ؟

الرئيسية | ون كارد

[علي العتيبي]

< اخوكم في الله قاطع 80 كيلو رايح اشتري ون كارد ..

لفيت أكثر من 8 اسواق ومكاتب ادور عليها ما حصلتها !!

ماله داعي

تقطع كل المسافة ذي

بإمكانك تشوف أحد من معارفك بالرياض يوفرها لك

وتحوّل المبلغ بحسابه

[NaMr]

ابووسام

من وينلك المعلوومه بان الشركه خسرت

[محمد المنقور]

الشركة ربحانه 200% بعد سالفة ترافيان

[Abu Fahd]

الشركة ربحانه 200% بعد سالفة ترافيان

وانت الصادق انها ربحانة في لعبة ضياع الوقت وسرقة الأموال، الصراحة لو كان بإمكاني كان فتحت شركة مثلها لكن بأسلوب أكثر رقة ورسميتاً .

[vb1000]

يامرحبا بالجميع

والله ياجماعة الخير أنا من ضمن أحد الضحايا

لي أكثر من عشرة ايام محول لهم عن طريق الصراف وأكثر من رسالة تبليغ ولاحياة لمن تنادي
وعن طريق الرقم (920006616) أتصلت فيهم وكانت الأعذار

مره يقولون فيه مشكله بالموقع
ومره يقولون قيه مشكلة مع البنك

وزي منتو عارفين شهر رمضان ,, وأنا أقول حسبي الله ونعم الوكيل ... راحت فلوسك ياصابر

وشكرا لكم

[راعي الأوله]

انا حولت لهم مبلغ قبل اسبوعين

والى الآن مافيه شي

مثل الاخ vb1000 اعذار وتحديث وكلام فاضي ..

حسبي الله عليهم

[ABU WSAM]

تسرعت بالموضوع العذر والسموحه يا اخوان

انا قبل شوي شريت كرتين بلاتنيوم 150 - 150 يعني 300 ريال

وجربتها على موقعهم برابط السعوديه والحمد لله شحن وشريت ايضاً .

البطاقات العاديه والبلتنيوم والسلفر وحدوها بحيث عند شحن اي نوع من انواع البطاقات تقدر تشتري من موقعهم اي منتج .

وهذي الطريقه ممتازه جداً من وجهت نظري .

اكرر اسفي

فمان الله