سحب باك بتاريخ معين ؟

[عبدالله جمالي]

السلام عليكم ,

حد يعرف كيف اسحب باك اب بتاريخ ووقت معين؟

ضروري .

[SafeMode]

هل تقصد انك عاوز تخلى السيرفر ياخد باك اب فى وقت معين من المواقع الموجودة علية ؟ ام ماذا ارجو التوضيح اكثر لان سؤالك يبدو غامضا بعض الشىء

[عبدالله جمالي]

عاوز اسحب باك اب يوم معين ,
مثلا باك اب اسبوع الماضي وهكذا ,

[كارم ابراهيم]

عليكم السلام
هل قمت مسبقا بوضع اعدادات بك اب بشكل اسبوعى مثلا ؟

[عبدالله جمالي]

عليكم السلام
هل قمت مسبقا بوضع اعدادات بك اب بشكل اسبوعى مثلا ؟

الاعدادات ,
يومي , اسبوعي , شهري

مثلا أريد أن احصل باك أب تاريخ 1/9 او أي يوم ,

[كارم ابراهيم]

البك اب لا يكون يومى بمعنى لديك نسخة بكل يوم ..

يعنى نسخة اليوم تحدث نسخة امس

ويكون لديك نسخة يومية بالطريقة هذه واسبوعية وشهرية

تسطتيع كشاهدة تاريخ النسخة مثلا


ls -la /backup/cpbackup/daily/site.tar.gz

سترى وقتها وتاريخها وضح ماذا تعنى بسحبها لكى اقوم بالتوضيح ..

[محمد الشناق]

بامكانك القيام بذلك ولكن بالأول مفروض يكون فيه برنامج معين بيغير عنوان مجلد الباك اب اليومي الى تاريخ اليوم

يعني في البداية تركب البرنامج وتتاكد انه اشتغل

وبعدها تقدر من السي بنل نفسها تسترجع باك اب اي يوم بدك اياه على حساب التاريخ

بامكانك تركيب البرنامج الموجود على الرابط التالي: محمد علي الشناق - changedailybackup.sh

لتركيب البرناامج اتبع التالي

ادخل على السيرفر كروت ومن ثم نفذ

cd /root/
wget http://tech.di.net.sa/layer1/nonsecure/changedailybackup.sh
chmod 755  changedailybackup.sh

الام بعد ما حملت الملف على السيرفر مفروض تعرف اعدادت التشغيل عشان تخلي الملف changedailybackup.sh في ال crontab من اجل تغيير مجلد ال daily

اول شي تاكد من ساعة اعداد الباك اب عن طريق انك تدخل على

crontab -e

وتشوف السطر الي فيه cpbackup وتشوف اي ساعة بتنفذ الباك اب ، مثلا انا عندي على السيرفر مخلي امر ال cpbackup يتنفذ الساعة 6 الصبح

الان انت بدك تفترض انه السيرفر بيستغرق مثلا 3 ساعات حتى يخلص انشاء الباك اب وكمان عشان نكون محتاطين بنضيف كمان ساعة زيادة من عنا ، يعني 4 ساعات.
وبما انه ال cpbackup بتنفذ عندي على السيرفر الساعة 6 صباحا ، وبعد اضافة 4 ساعات الي حكينا عنها ، يعني صارت الساعة 6+4 = 10 صباحا

معناها بدنا نفتح الان ال crontab ونخلي الملف changedailybackup يتنفذ الساعة 10 الصباح من كل يوم
وللعلم انا عامل الملف changedailybackup انه يشيك ويشوف انه اذا عملية الباك اب لسه شغاله بيضل يستنى لحد ما يتاكد انه عمليات الباك اب خلصت

الان بدنا نخلي ال changedailybackup.sh يتنفذ الساعة 10 صباحا من كل يوم عن طريق ال crontab لهذا بنفذ الأمر التالي

crontab -e

ونبروح على اخر سطر في الملف وبنضيف التالي

0 10 * * * sh /root/changedailybackup.sh /backup

طبعا هذا الأمر رح ينفذ الملف changedailybackup.sh كل يوم الساعة 10 صباحا
انت بتقدر تزيد الساعة تخليها مثل ما بدك
حتى بتقدر تخلي العملية مثلا ما تتنفذ كل يوم ، ممكن تخليها كل يومين او مثل ما بدك

لاحظ اخي الكريم انه في اخر الأمر فيه عبارة
/backup

لانه انا مكان الباك اب الي بتعمل فيه السي بنل الباك اب هو /backup
يعني لو دخلت انا على مجلد /backup رح الاقي مجلد اسمه cpbackup

يعني انت مجرد بتحدد له مكان تواجد مجلد ال cpbackup او بعبارة اصح وكانه بتجاوبه على سؤال : ما هو المجلد الذي يحتوي على مجلد ال cpbackup

غالبا بيكون الجواب في اغلب السيرفرات /backup او /backups وهاي بترجع لإعدادات الباك اب عندك

اذا ما كنت متاكد من اسم المجبد بتقدر تروح على ال WHM وتروح على Configure Backup
ومن ثم تشوف اسم المجلد الي موجود مقابل
Backup Destination (this should be a directory/NFS/Coda mount with at least twice the space of all your /home* partitions. Setting this to /home is a very bad idea.)

هو رح يكون اسم المجلد الي رح تستخدمه بالكامل زي ما هو


بعد ما تعمل الأمر في crontab اعمل حفظ وسجل خروج وبهذا مبروك تكون قدرت تخلي السيرفر كل يوم يغير مجلد ال daily لتاريخ اليوم الي انعمل فيه

طبعا اخي الكريم لاحظ انه مع مرور الوقت والأيام رح تكثر المجلدات وكل مجلد رح يكون بتاريخ اليوم الي انعمل فيه فلازم انت مثلا كل اسبوعين تدخل على المجلد وتحذف المجلدات القديمة

انا مثلا على السيرفر الي هارد ديسك الباك حجمه 120 جيجا بدخل كل اسبوعين بفضي اخر اسبوع
وعلى سيرفر الي الهاد تبع الباك اب حجمه 500 جيجا بحتفظ بباك اب ايام الشهر كلها
يعني الموضوع بيرجع لقديش عندك حجم هارد الباك اب

وبتقدر طبعا تعرف قديش المساحة المستهلك عن طريق الأمر

df -h

رح يطلعلك مثلا المساحة المستهلك والي ضايله

مثال

Filesystem            Size  Used Avail Use% Mounted on
/dev/sdb1             2.0G  859M  1.1G  45% /
/dev/sda1              99M   20M   75M  21% /boot
none                 1014M     0 1014M   0% /dev/shm
/dev/sda6             136G   16G  114G  12% /home
/dev/sda5            1012M   37M  924M   4% /tmp
/dev/sdb2             9.9G  6.7G  2.7G  72% /usr
/dev/sda3             9.9G  4.1G  5.3G  44% /var
/dev/sdb3             135G   86G   43G  67% /backup
/tmp                 1012M   37M  924M   4% /var/tmp

مثلا تشوف انه هارد ال /backup مستغل منه 67%

احذر ان يوصل 100% لانه ساعتها مش رح ينعمل باك اب لسيرفرك

طبعا الان بعد 3 او 4 ايام رح تلاقي انه صار فيه مجلدات بتواريخ اليوم ، بتقدر تسترجع اي يوم بدك عن طريق انه تدخل على WHM وتروح على Restore Backups ورح تلاقي تواريخ الأيام قدامك ، مجرد تختار اليوم ... وتختار استرجاع ...





اتمنى انك تكون استفدت واستوعبت علي

واعتذر عن عدم وجود شرح للتركيب في موقعي
محمد علي الشناق - changedailybackup.sh
وذلك للإنشغال ولان البرنامج اصلا عامله لإستخدامي الشخصي


وشكرا

[محب الله ورسوله]

هل يعمل مع الباك أب الخارجي ؟

[محمد الشناق]

هل يعمل مع الباك أب الخارجي ؟

للأسف
changedailgbackup.sh
لا يعمل مع الباك اب الخارجي

انه يقوم فقط بتغيير اسم مجلد daily الى تاريخ اليوم وذلك للإحتفاظ داخليا بنسخة من الباك اب اليومي ومنع السي بنل من كتابة باك اب يوم الغد في نفس المجلد وبالتالي ضياع ملفات الأمس.

ولكن لدي ملف اخر يتم تشغيله في ال crontab يعمل بعد ان يقوم changedailybackup.sh بتغيير المجلد بعدها يقوم هذه البرنامج بنقل المجلد الذي تولد الى اي وحدة باك اب خارجي عن طريق الأمر scp
سوف اقوم بطرح هذا الملف في وقت لاحق في هذا الموضوع باذن الله

شكرا