ايوا .. موبينيل عملتها وركبتها .. احدث شبكة

[فكرة للدعاية]

طبعا المصريين شاهدوا اعلانات موبينيا والتى تفيد بانها ركبت احدث وشبكة ولم تقدم اى تفاصيل اخرى تشويقا للموضوع

وكنت اعلم تمام العلم انه الشبكة الجديدة هى 3G او تزيد فى الارقام بقى يعنى تبقى 4G او 3.8G

على اساس ان اخر حاجة وصلت ليها شركة اتصالات المنافسة هى 3.75G واخر حاجة وصلت ليها لشركة فودافون المنافسة ايضا 3.7G

هى قدمت نفس الخدمات ايضا

===============================
بعد عشر سنوات حافلة بالنجاح والإنجازات، وعائلة من المشتركين تعدت أكثر من 17 مليون مشترك، تبدأ موبينيل عامها الحادي عشر في خدمة مصر بإطلاق أحد أهم وأكبر المشروعات التي قامت بها خلال السنوات الماضية، والذي سيشكل تطوراً كبيراً وايجابياً في أسلوب حياة ما يقارب ربع سكان مصر بمختلف فئاتهم واستخداماتهم لتكنولوجيا المحمول، حيث تقوم موبينيل بوضع اللمسات النهائية استعداداً لإطلاق شبكتها الجديدة تماماً في أول سبتمبر 2008، وهي الشبكة الأحدث والأكثر تطوراً في مصر والشرق الأوسط، والأشمل من حيث عناصرها إذ أنها تضم الجيل الثالث للمحمول) (3G، وHSDPA (3.5G)، وHSUPA (3.75G)، كما تحتوي علي أحدث مقومات الجيل الثاني للمحمول GSM، والجيل الوسيط GPRS، بالإضافة إلي تكنولوجيا EDGE، والتي سوف تعمل جميعها تحت مظلة شاملة تضم آخر تكنولوجيا العصر لتقدم أعلي جودة في الاتصال وأنقى درجات الصوت ، وأعلي سرعة في نقل البيانات والبريد الالكتروني، والانترنت المحمول وغير ذلك من خدمات المعلومات.

بالتعاون مع شبكات التليفون المحمول العملاقة من نوكيا وسيمينز وهواوي ، فلقد قامت موبينيل بنشر وتجهيز 700 موقع بتكنولوجيا 3G في أغسطس 2008. قامت موبينيل بتوسيع شبكتها الأساسية من خلال ثلاثة سويتشات إضافية وبسعة تتجاوز ثلاثة ملايين مشترك على أساس التكنولوجيا الأفضل تطوراً للجيل الجديد من هواوي ( هواوي نيو جنيريشن - NGN ). تم استبدال أكثر من 2000 هوائي لاسلكي.

قامت موبينيل بتجهيز فريق مشترك مع ألكاتيل لوسنت لدعم نقل المشتركين من قاعدة البيانات التقليدية إلى قاعدة البيانات المتطورة الحديثة " نيو جنيريشن ". لغرض استيعاب النمو ومتطلباته ، فلقد قامت موبينيل بالشراكة مع ألكاتيل لوسنت وموتورولا لغرض المزيد من التوسعات في شبكتها بتكنولوجيا 2G. لقد كانت موبينيل هي الشبكة الأولى في الإعلان عن استخدام إستراتيجية EDGE ( ايدج ) القوية لدعم وتقوية معدلات البيانات مما يفتح الفرص للمزيد والمزيد من تطبيقات البيانات في أكثر من 2200 موقع.

===============================

وتوجد خدمات مثل الراوتر والمودم والانترنت والفيديو كووووول

خدمات : http://www.mobinil.com/aboutmobinil/...g/default.aspx

مصدرالخبر : http://www.mobinil.com/Arabic/aboutm...y/default.aspx

[moramo]

شركة لك والله خبر حلو بس ياريت يغيروا فكرة موبينيل عند الناس لان فيه ناس كتير فاكرة موبينيل شبكة سيئة
انا حاليا شغال على اتصالات ماشاء الله الشبكة قوية جدا ولا بتقل دقيقة واحدة وعلطول جيل تالت فى اى مكان اروحة الاول كانت فودافون واكله الجو بس دلوقتى فودافون وقعت خالص وكل يوم مشاكل عندها فى الشبكة تخيل الشبكة full واللى يكلمنى بيقول له غير متاح وتأكد من الموضوع ده اكتر من مره

حاليا اتصالات شبكتها جديدة برضو وعامله شغل حلو فى البداية
وانا معايا التلات شبات بس اكتر اتنين بشغلهم فودافون واتصالات بحس ان موبينيل شركة عتيقة شويا وشبكتها هلكت ودا برضوا اللى حصل لفودافون الفتره الاخيرة

[young coder]

شركة orange اشترت شركة موبينيل .. اعتقد ان هذا هو سبب التحديثات الحالية

[فكرة للدعاية]

انا شغال موبينيل وكويسة معايا

هو مسألة نسبية .. حسب استخدامك .. وحسب حظك مع الشبكة وقت استخدامك

بس حقيقة التنافس بين الثلاث شركات جميل جدا بجد والمستفيد هو المستخدم

[ELMaDAh]

على فكرة موبينيل اقوى اقوى شبكه حتى من قبل التجديد

تغطيه تقريبا 100% لدرجة اننا كنا نتصل واحنا فى فلسطين و فى الاردن بخطوط جوال موبينيل

لا تقولى فودافون ولا تقولى اتصالات

موبينيل القمه

فوادفون الوسط

اتصالات قاع القاع و اسفل السافلين فاشله بكل كل جدارة لا يقولك جى 3 قال ههههههههه اسوء تغطيه مع اتصالات

[mr.kindy]

شركة orange اشترت شركة موبينيل .. اعتقد ان هذا هو سبب التحديثات الحالية

شركة اورانج هي شركة تابعة لأوراسكوم تليكوم وكلنا عارفين اوراسكوم تليكوم هي الشركة الام لموبينيل ايضاً

[فكرة للدعاية]

اذا سألت عن اورانج .. .. اورسكوم .. وينج .. موبينيل

فاسأل عن نجيب ساويرس

[Mix4Adv]

والله انا بفضل فودافون عن اي شبكة
مش عارف ليه
بس بحس انهم بروفيشنل اوي في شغلهم سواء دعم
والشبكة قوية جدا
صحيح العروض مش زي موبينيل بس في الاخر فودافون الافضل
اعتقد ان معظم رجال الاعمال يستخدمون فودافون
ومبروك لموبينيل الشبكة الجديدة
بس ماتنساش فودافون مش هتسكت علي كده

[mr.kindy]

والله انا بفضل فودافون عن اي شبكة
مش عارف ليه
بس بحس انهم بروفيشنل اوي في شغلهم سواء دعم
والشبكة قوية جدا
صحيح العروض مش زي موبينيل بس في الاخر فودافون الافضل
اعتقد ان معظم رجال الاعمال يستخدمون فودافون
ومبروك لموبينيل الشبكة الجديدة
بس ماتنساش فودافون مش هتسكت علي كده

اذا كانت فودافون لديه شبكه جيدة فأنها لا تمتلك الادارة الجيدة و الفريق التطوري الجيد

واكثر ما يدل علي وجود التخطيط الجيد لموبينيل انها استطاعت انجاز ما انجزته اتصالات فيما يزيد عن سنة في شهر اغسطس فقط دون شعور العملاء بهذا التغير بأستثناء يومين او ثلاثة فقط طوال الشهر
الفريق التسويقي من موبينيل وكلنا يعشق ان يشاهد اعلانات موبينيل من اجل المتعة وتسير علي نفس المنوال اتصالات في فريق التسويق علي العكس تماماً من اعلانات فودافون
الدعم الفني لموبينيل تحل مشكلتك خلال يومين ويتابع المشكلة معك احد المختصين خلال اليومين وتجد حسن التعامل في خدمتهم بل تحس بأبتسمبتهم في الهاتف

حقيقتاً اذا اردت ان تدرس مادة تتختص بأدارة الاعمال ادرس شركة اورسكوم تليكوم - موبينيل بالتحديد - ومعها الشركة العريقة ميكو - ميكروسوفت - فقمة النجاح الاداري التي سيتحدث عنها الاف الكتب عن هاتين الشركتين ولم توافيهما حقهما

[فكرة للدعاية]

فكرتنى بحكاية الاعلانات

اعلانات فودافون السنة دى كلها .... No Comment

بعكس اعلانات موبينيل .. هما عملوا اعلانين وتحس انك عايز تتفرج عليهم كل شوية

اتصالات هريانة اعلانات .. على الفاضى

[abdelrahman]

موبينيل ممتازة ودعمها وعروضها فوق الممتاز وشغال بيها من زمان

[O33O]

موبينيل هى القمة والباقى اى كلام

[moramo]

مش عارف سبب ان الكل بيقول ان اتصالات فى القاع بالعكس والله اتصالات حاليا اقوى من شبكة فودافون ثم ان فيه فرق كبير وانجزت اتصالات الشبكة فى وقت قياسي وكانت بتصارع الزمن لانجاز جميع الابراج كاملة بخدمات الجيل التالت

انا عاوز اسئل فعلا موبينيل غيرت الشبكة القديمة بالكامل يعنى الابراج القديمة حقيقى اتباعت لجمهورية شونكونجو

[Mix4Adv]

اذا كانت فودافون لديه شبكه جيدة فأنها لا تمتلك الادارة الجيدة و الفريق التطوري الجيد

واكثر ما يدل علي وجود التخطيط الجيد لموبينيل انها استطاعت انجاز ما انجزته اتصالات فيما يزيد عن سنة في شهر اغسطس فقط دون شعور العملاء بهذا التغير بأستثناء يومين او ثلاثة فقط طوال الشهر
الفريق التسويقي من موبينيل وكلنا يعشق ان يشاهد اعلانات موبينيل من اجل المتعة وتسير علي نفس المنوال اتصالات في فريق التسويق علي العكس تماماً من اعلانات فودافون
الدعم الفني لموبينيل تحل مشكلتك خلال يومين ويتابع المشكلة معك احد المختصين خلال اليومين وتجد حسن التعامل في خدمتهم بل تحس بأبتسمبتهم في الهاتف

حقيقتاً اذا اردت ان تدرس مادة تتختص بأدارة الاعمال ادرس شركة اورسكوم تليكوم - موبينيل بالتحديد - ومعها الشركة العريقة ميكو - ميكروسوفت - فقمة النجاح الاداري التي سيتحدث عنها الاف الكتب عن هاتين الشركتين ولم توافيهما حقهما

مين قالك كده يااستاذي العزيز
لا تنظر الي كام واحد مشترك في موبينيل وكام واحد مشترك في فوادفون
مش بتتحسب كده ابدا
هل تعلم ان مكسب شركة فودافون في 2007 اكبر من نسبة مكسب موبينيل وتقدر تتأكد من البورصة لو انت متابعها
المكسب هو الي يحدد مين الافضل
ياراجل انا ليا واحد صاحبي فاتح سايبر اي عميل موبينيل اخره كارت ب10 و25 .. والله ياراجل بقالي سنة ونص بقعد معاه عمري مالقيت واحد طلب كارت ب50 او 100
وبسم الله ماشاء الله فودافون لغاية 100 وبيع زي ماانت عايز
انا عن نفسي عندي خطين فودافون وخطين موبينيل وواحد اتصالات
عمري مافكرت اشغل الموبينيل ابدا
مشغل الاتنين الفودافون
اما عن موضوع الشبكة اكبر وافضل شبكة في الشرق الاوسط وغيره
مين الي يحدد انها افضل شبكة في الشرق الاوسط ؟
موبينيل الي بتحدد كده في موقعها .. ياريت ننتظر رأي الخبراء في الجرائد وغيره

نيجي للدعم .. بقي موبينيل دلوقتي دعمها كويس
ياراجل انا بتصل مرة وانا مشغل خط الموبينيل علشان اشغل موبينيل ليف
اتصلت مرة قالي هنشغله ومش عارف ايه
قعدت يوم ومافيش اي حاجة
اتصلت تاني قالي نأسف اعمل الكونفجريشن ده وريستارت
ومافيش
اتصلت تالت لقيت واحد بيقولي طيب يافندم المفروض اعمل ايه
كل الخطوات الي عندي سليمة وبيقفل معايا علشان ينهي المكالمة

واحد صاحبي واحد اتصل بيه وحصل مشاكل وقاله هقفلك خطه
وبالفعل قافله خطه لان في واحد زميله شغال في موبينيل

ياسلام شركة كبيرة فعلا لما واحد يهددك ويقفلك خطك علشان نزاع خارجي

ثانيا بالنسبة للتسويق
اعتقد ان فوافون مش محتاجة تسويق اكتر من كده واعتقد لو ان موبينيل زي ماانت بتقول احسن شبكة في مصر كنت انا وغيري حولوا موبينيل
مين مايعرفشي فودافون
امشي في الشارع .. فودافون
هذا الفيلم برعاية فودافون
افتح الماسنجر شوف تحت تلاقي فوادفون
ولا احنا شعب بنحب الاعلانات وساعتها بنختار الشركة علي الي اعلانها بيضحكك هههههههههه

لو صحيح فودافون لا تمتلك الادارة الجيدة والفريق التطوري الجيد ماكنتش هتكون افضل شبكة في العالم مش في مصر


انا فودافون

[mr.kindy]

هل تعلم ان مكسب شركة فودافون في 2007 اكبر من نسبة مكسب موبينيل وتقدر تتأكد من البورصة لو انت متابعها
المكسب هو الي يحدد مين الافضل

سواء سعر او ربح سهم في البورصة موبينيل اعلي الشركة المصرية لخدمات التليفون المحمول - اللي هي موبينيب - يوم الاربعاء وصل سعرها 124 جنيه للسهم فودافون مش لاقيها في القائمة بس انا شوفتها من فترة كان سعرها في السبعينات تقريباً

اما عن تشغيل موبينيل لايف بدون اتصال شغلت الخدمة من قائمة الخدمات بس في العدد الغير مدعمة لازم تتصل بيهم

واحد صاحبي واحد اتصل بيه وحصل مشاكل وقاله هقفلك خطه
وبالفعل قافله خطه لان في واحد زميله شغال في موبينيل

لو انت علي حق متتأخرشي وقدم شكوي في الشركة وشوف الموظف اللي عمل كده

اعتقد ان فوافون مش محتاجة تسويق اكتر من كده واعتقد لو ان موبينيل زي ماانت بتقول احسن شبكة في مصر كنت انا وغيري حولوا موبينيل
مين مايعرفشي فودافون
امشي في الشارع .. فودافون
هذا الفيلم برعاية فودافون
افتح الماسنجر شوف تحت تلاقي فوادفون
ولا احنا شعب بنحب الاعلانات وساعتها بنختار الشركة علي الي اعلانها بيضحكك هههههههههه

ده المبررات الاعلانات جزء من التسويق زي موضحت قبل كده كل اعلانات فودافون مملة ومفهاش تطوير بقالها 3 سنين
وجزء تاني من التسويق هي العروض اللي انت بتعترف ان موبينيل اقوي من فودافون في عروضها

لو صحيح فودافون لا تمتلك الادارة الجيدة والفريق التطوري الجيد ماكنتش هتكون افضل شبكة في العالم مش في مصر

ده كلام اعلانات فودافون لأن هناك شركات كتيرة زي -t-mobile
orange
وكتير يعتبر الافضل علي مستوي العالم بما فيهم شبكات اوراسكزم تليكوم