الإحتيال على طريقة الطيران السعودي

[Secur1ty]

السلام عليكم ورحمة الله وبركاته
اكتب هذا الموضوع وأنا توني الحين راجع من المطار حدثت مشكله كبيره لم استطع اصنفها بخطأ فني او أي خطأ غير النصب

الإقلاع الساعه 5 لجده المسافرون الوالد وأحد أخواتي البيت قريب من المطار تسحرنا بعد صلاة القيام ثم مشينا للمطار
وصلنا نقص البودنق في الجهاز لقييت مافيه إلا مقعدين قلت زين مجهزين لكل واحد مقد توماتيك تطور يعني اخترت المقدر ثم موافق يقول فشل في اختيار المقد واشوف اللي جنبي نفس المقاعد فقط اثنين فارغ و العالم خلفي توهم وشوي مفيه ولا مقعد ياولد وش الهرجه يقول الجهاز راجع الموضف عدد المسافرين أكبر من عدد المقاعد
بعد زحمه عند الموضف ورفع اصوات تارة ونكبر راسه بالمدح تارة أخر كان الوالد و اختي اخر ناس تم قبولهم في الطياره وباقي الناس اللي عندهم حجز اوكي ولابسين حرمهم رجعوا للرياض مع أن الحجز ok



السؤال هو كيف تم منح تذاكر ok اكبر من قدرة أستيعاب الطيارة ليش أستاذ االملك فهد وحنى ماندري :eek2:

[dev/null]

كل شيئ الا الطيران السعودي ...

يخوي ذولا ماعليهم شرهه .. لا تشره عليهم

[الداهية]

تعيش وتشوف اكبر منهالحركة ..

[BOMBER]

الله يعوض عليك وعليهم ،،،

انت الى الحين ما آمنت ان الخطوط منتهيه ولا راح تتعدل.

يازين السيارة

[الـعـمـيـد]

الله يرحم ايام الخطوط بس بعد سما وناس ..

ذبحونآ ..

[Abu Fahd]

نفس القصة اصبر لين تشوف شركة عالمية تفتح مثل زين وتكون لها مطار واراضي خاصة وطيارات ملك لهم ذاك الوقت تعلم فكر ادرس مدري شنو المقولة.

[فارس القبيلة]

يمكن غيروا الطياره وتغير معها عدد المقاعد

[عبد الرحمن الحامد]

اخي فارس القبيلة
ماذنب المسافر في تلك الحالة اذن..!!!

[v.i.p_99]

لا اخي هنا الواسطات تعلب دورها تلقى الطيارة ما تستوعب الا100 والموظفين يشغلون الوسطات ويطلع عليها 150حجز اوكيه ومن سبق لبق خخخخخخخخ

وبالتوفيق-

[عقل الكمبيوتر]

الاسف السعودية مافيها طيران زي الناس
لا الخطوط ولا سما ولا ناس

[فتى الخفجي]

صعبه الواحد يحجز ويجي من مدينه ثانيه واخر شي مافيه ؟ طيب المفروض يحسبون حسابهم يشوفون يكفي ولا لا انا اعتقد انهم ياخذون زياده 10 بالميه عشان اللي مايجي من نصيبهم ولا شلون

[خالد الحربي]

انت هين

واحد من الشباب عمره 30 سنه و وزنه 90

وعطوه تذكرة رضيع خخخخخخخ

وسفل فيهم بالمطار وطلعوه على درجة اولى وقال يالليت كل مااطلع الطيارة اطلع رضيع >>عجبته الدرجة الاولى لوووول

[مغرور]

اوووووووووووووه يا كثر السوالف الي صارت لي معاهم هههههههههههه

عاد اقرا هذي وانت احكم بنفسك

طلعت الدمام جده جده الدمام ولما طلعت مطار الملك بالدمام البوردنق قص لي الساعه 9 المسا ورحلتي اصلا الساعه 6 واستغربت ان المقاعد فاضيه بصراحه ههههههه بس من العجله رحت على طول للبوابه عشان يقول لي الموظف هذي مو الرحله هذي انتظر قلت يا ولد عندي شغل ومرتبط والحجز اوكي وما عندي مشكله الا البوردنق والخطا من جهازكم مو مني قال والله ما في يدي شي اطلع بطياره الساعه 9 :eek3:

قلت امنت بالله وانتظرت وطلعت وفي رجعتي من جده لما قص لي الموظف البوردنق قال لي لحضه لحضه قلت نعم قال انت رحلتك الدمام جده مو جده الدمام لان رحلة جده الدمام اخذتها انا هنا انصمعت :eek2: وقلت بخاطري ذا اهبل ولا يستهبل :con2:

قلت له يا الاخو الحين انا ويني فيه ؟
قال جده
قلت اجل شلون انا اخذت جده الدمام :looking:

قال الله يعينك روح غير مسار الرحله وصلحها

قلت طيب واروح اصلح مسار الرحله عشان ياخذ قيمة التغيير ويقول لي الرحله راحت عليك وروح بالي بعدها :anger2:

للمعلوميه ترا والله ماهي الا موقف واحد من عشرين موقف يمر علي كل ما جيت اطلع

يعني انت تأذن في خرابه مثل ما يقولون :1power:

[abadiksa]

ياخي انا طلعت الاسبوع الماضي في سما

الله لايوريك كأنك راكب باص

لا واتصلوا علينا وقالوا تعالوا قبل موعد الرحلة بساعتين لان السواق مستعجل بيروح يتكس في الرياض

وماتحركنا الا بعد الموعد الاصلي بساعة

تخيل نحنا في المطار ننتظرهم من الساعة 3 الفجر الى الساعة 7:30 حتى مشينا

والله ياذل من آخرة هالطيران

[الساجي]

ترى انا اروح بالنقل ولا اروح بالطيران السعودي خخخخخ

على الأقل الحجز اوكية ههههههههههههههههههههه