هموم مواطن حساوي مع الاتصالات والدي اس ال

[سامري]

بسم الله الرحمن الرحيم

السلام عليكم ورحمة الله وبركاته

وش اقول غير معاناه

خدمه سيئه مليئه بالكذب وعدم المصداقية وكل شخص تتصل عليه

يعطيك كذبه عشان يسكتك غير اللي قبله

اذا شركه تعتمد على الكذب وعدم المصداقية فـ لا خير فيها

شركة الاتصالات خدمة الانترنت الدي اس ال عند اهل الاحساء تقريبا المشكله عند نصف اهل

الحسا الى الان

انقطع قبل شهرين ا وشهر ونصف لمدة اسبوعين

ايضا انقطع عندي من تاريخ 20 رمضان ومابعد رجع الى الان انا اكتب هالمووضوع

الوضع متعب جدا نفسيا مواقعنا وماصلحنا ومرتبطين مع ناس بتصاميم ومانقدر ندخل

مشكله مافيه بدييييييييل حسبنا الله عليهم

اوربت وغاااالي جدا وشغلته شغله ،، اشتريت شريحة موبايلي وانا الان داخل منها

وبطيئه جدا كأنها ايزي نت ،،

الكونكت مشاكلها كثير يعني انا الان مثلا من سكان الاحساء وساكن في منطقة لاتدعم الجيل

الثالث يعني الكونكت ماراح يكون على صلاح وياك

والاتصالات السعوديه لايوجد عندها اي مصداقيه لا هي ولا اللي يشتغلون فيها

والله اني نفست بصراحه صارت معي حالة نفسيه في عز نومي اقوم كذا فجأه واطالع المودم

اذا اشتغل ولالا وكل شوي عيني على هالمودم سواء بالنوم او بغيره

تتصل الصبح يقولون على الظهر راجع لك الظهر تتصل على العصر راجع لك واخر شي يقولون

قبل نصف الليل وهذا احنا وياهم وكلها كذب في كذب وتعشيم ان الخدمه ترجع وماترجع ولاشي

شركه مو راس مالها بل مكاسبها بالمليارات كل سنه يعني ميزانية دول مجتمعه

كثير خرباتها وشبكتها سيئه جدا والمشكله لابديل

ياربي متى نطور بس ونشوف البديل وتعديل بالشغل عندهم حسبنا الله عليهم

اللي عنده بديل يقول لنا ونفتك منهم حسبنا الله عليهم

اهم شي يكون البديل مقبول وسريع وفتك من وجع راسهم

[t7t7.com]

مااقول غير الله يعينك والله

[جمال2]

قريت الخبر في موقع سبق , الله يعينكم الصراحة شركة الاتصالات هي الخصم وهي الحكم \..

[majed54]

لاتشكيلي واشكيلك

احنا عندنا معاناه اكثر من معاناتك

لا دي اس ال ولاجيل ثالث

ولا اعتقد الدي اس ال بيوصلنا قبل 5 سنوات بالقليل

والجيل الثالث يمكن سنتين او اكثر

والواي ماكس ردد ياليل مطولك ^_^



خذ لك انترنت ستالايت واشبكه على موبايلي

[oO(الباسل)oO]

السلام عليكم ...

نفسي بالضبط انت . من سبعه ايام والنت مو شغال في البيت .. وكل مااتصل عليهم صرفوك بعد الاتصال الاول بعد ساعتين بيشتغل .. الاتصال الثاني بعد يوم .. الاتصال الثالث (المشكله عموميه) الاتصال الرابع ( الاشتراك الشامل مشاكله كثيره وحولنا الى العادي ودون حل المشكله ) الاتصال الخامس هذا خربها معي .. انتظر لما يجيك الفرج لان المشكله يبي لها وقت على حد كلامه الاتصال السادس ( المشكله من شركة هواوي بالرياض ) والله اعلم وش السالفه اتوقع انها تالفه من كثر الكذب والتصريفات الي مالها داعي وخذ لك بعد على كل اتصال اجريته اتصال مابين ربع ساعه الى نصف الساعه عشان يردون عليك
والعيد على الابواب مين بيفضى يصلح لنا المشكله الاغلب في اجازة ...

على كل حال اقدم اعتذاري للناس الي يتصلون علي واشغالهم متعطله بسبب سوء الخدمه من الاتصالات وايضاً للناس التي اتصلت تسئل عني وعن سبب اختفائي المفاجئ


اجازة للجهاز والانترنت للاسبوع الفات والاسبوع الجاي لانهم مااعتقد بيحلون المشكله لانها اتوقع انها كبيره عليهم الكباين تعبانه يمكن اصابها مرض انفولونزا

ياليت واحد من اهل الحسا يقدم شكوى على الانفصالات ويطالب بتعويض لنا

واذا يبي توقيع معارضه على سوء الخدمة يجيب الخطاب لي اوقع وابصم واختم بعد وا

والله اني مقهور والله يصبرني عليهم وعلى مشاكلهم

[عبقور]

الحال من بعضوو

ما بقى إلى القليل يا خوك

اللي اسمعه انه فيه شركة للإتصالات للثابت بتنزل عن قريب في السعودية او بالأصح انزلت ولكن ما بعد تشتغل

و مو بايلي قربت على بث خدمة الدي اس ال بل على ما سمعت بثته في الدمام و الرياض و جدة

باقي الأحساء

ولو بثته في الأحساء

طريقته زي البنوك تحط مودم في بيتكم لكن دون اسلاك و المودم هذا يأخذ من الأبراج

يعني اراج خاصه لدي اس ال

خلها على ربك

الله يعين عليهم والله

انا المكالمه الثانيه قالي هذا العطل عام قلت له طيب متى يرجع

جاوبني بكل صراحه ما ادري ولا اي موظف يدري توقع يرجع في اي وقت

يمكن يطول يمكن يرجع اللحين ولو موضف عطاك جواب فهو مجرد تخمين يمكن يصيب ويمكن يخيب


هذا اللي قالي في المكالمه الثانيه

ادع بس انه الله يفرجها

[oO(الباسل)oO]

رجع النت مساء هذا اليوم السبت الساعه سبع

الله يسلم هالرقم 8002444455

[مشعل السليمان]

رجع النت مساء هذا اليوم السبت الساعه سبع

الله يسلم هالرقم 8002444455

مبروك هههههههههههه

شر البلية مايضحك , والانفصالات السعودية للأمام سـر ..

وقديمك نديمك ( ديال أب )

[سامري]

يعطيكم العافيه ياشباب على الردود

الباسل شكلهم يلعبون معنا كوره الاتصالات

انا رجع معي اليوم الظهر

لكن الجماعه اللي كان مفتوح معهم هالاسبوع اللي طاف الانترنت طفى عندهم

يعني شكلهم يسكتونا يفتحون لنا الانترنت والثانيين اللي كان شغال عندهم اقطعوه عليهم

يعني شكلنا احنا بعد اسبوع رح ينقطع علينا عشان يسكتون اللي قبلنا ويحرقون دمنا مره ثانيه

حسبنا الله عليهم

انا جالس الان احاول اخلص اشغالي استعدادا للانقطاع مره ثانيه هههههههههههه