لماذا هناك شح في المبدعين ؟

[المتميز السعودي]

حياك الله اخوي مزايات

ماودي اغير مسار الموضوع
لكن ممكن تقول لي اسم البرنامج الي عرفت منه ان موقعي مليان فيروسات

مع العمل ان جهازي فيه كاسبر انترنت سكيورتي 8 نسخه اصليه
ولا افتح عليه اي رساله او ملف فقط للعمل على موقعي
والجهاز الثاني حق المرح برضوه فيه كاسبر انترنت سكيورتي 8 نسخه اصليه
والسيرفر فيه برنامج clamav ويعمل بحث كل يوم ما عمره ولله الحمد حصل انه في احد مواقعي فيروسات

[Remano]

هلا أخوي جروحي موضوع فتح جروح في قلبي
تدري ليش ما فيه مبدعين
بقولك الاسباب :
1- عدم وعي المستخدم لمعنى الابداع
2- يجيك واحد يقول ابي مثل تصميم الموقع الفلاني بالضبط
3- لما تقوله سعر ما بين 1000 و1200 ريال على تصميم متوافقه مع المعايير ومطابقة لجميع المتصفحات ويحتوي على رسومات خاصه يقول لك غالي تسويه ب 500 ريال
4- كثره الاطفال المدعين التصميم وهو تركيب صوره على كم كلمه ويقولك تصميم
5- لما تنزل تصميم مجاني ومتوافق مع المعايير العالمية يحمله 2000 واحد ولما غيرك ينزل تصميم ما ابي اقول اي كلام مقبول ومليان صوره وثقيل يحمله 15000
6- لما تنزل اسعارك بنسبه 50 % وتعمل تصميم لعميل متوافق وخفيف زي ما طلب بالاخير يقول لك لا انا ابي مثل تصميم (فلان)
7- لما تقول تصميم عادي بسعر كذا وتصميم برسوم خاصه بسعر كذا يقولك ( انت تلعب علينا )

وهذا مثال عن التصميم الرسومي




بالنسبه للبرمجيه
السبب الرئيسي السعر
العميل يبي منك انك تشتغل على برنامجه مده شهر او اكثر ولا يدفع اكثر من 500 ريال
وكمثال عميل طلب مني برنامج ياخذ وقت 20 يوم يبيه ب 60 ريال

بالله بعد كذا ما يجيك احباط وتخف همتك

ياسلام عليك
نفس الأشياء حصلت معي
كأني انا من كتبت هذا الرد

[أحمد عبدالمنعم]

ياعمي هناك شُح في كل شئ. في المبدعين وفي الأفكار وفي محتويات المواقع العربية والمناخ العام أصلاً لا يشجع على الإبداع...
كل مانقوم بعمله هي النقاشات السخيفة حول الحجب.

[محمد المنقور]

:
و dezo هذا موقعه وهو عضو معنى بسوآالف بس يتغلى كثير :looking:

امرن ,, لا تغلينا ولاشي مجرد غيرنا عضوية وتسدحنا لنا كم شهر نخزبق بعالم الفهاوه

اللي قاهرن عنكبوتي وينه ,, نام معنا شكله

ومن ناحية الاسباب

الاسباب اغلبها رووتينية
ستايل منتدى او واجهة موقع ,, طفشونا عام وورومنسي ,, وغير كذا يبيها بتخفيض 70%
يعني مثلا سعر الستايل ( عندي ومابي مشاكل ) يبدا من 800 ريال يجيك ويقول لا فلان يسويها بـ 300 اقوله رح لفلان وانتهى الموضوع

حاليا شغلتي الرئيسية ( دور سكربتات وعدلها وسوو تجارب وانتهى الموضوع مجرد تعفيس وتخريب يمكن نكتسب خبرة ههه)
اما عن بقية المبدعين مادري ليش مبتعدين ,,

تحيتن

[dev/null]

^
^
مستر ديزو ،،

ما ودك ترحم حرف النون شوي

[محمد المنقور]

ماتوقع بالوقت الحالي لي يرتفع نسبة وبعدين نرحمه ههههههههههه

تحيتن

[جروحي]

هلا أخوي جروحي موضوع في غاية التميز , وصراحة طرح موفق

انا اتوقع و هذا مجرد رأي شخصي

إنه ما فيه عوائد مرضية للمصممين و المبرمجين , ولا يعتمد عليها كدخل ثابت شهري يعني على حسب الشغل شهور تلقاهم فاضيين ولا فيه طلبات و شهور العكس فهي أتوقع مواسم , يعني كمثال البرمجة تلاقي أغلب أصحاب المواقع تعتمد على البرمجيات الجاهزة و التصميم بعد الطلب قليل في الأيام الأخيرة هذا غير إنه المصممين كثروا و أفكارهم تقليد بتقليد يعني تلقي موقع تميز بفكرة تصميم يجيك مصمم يسوي نفس فكرة المصمم الأساسي , يستخدم نفس الطرق و بأسعار أقل , و لاتنسى الل يكونون مقبلين على زواج و راح يكون وقته ضيق ما بين بيت و أصدقاء و عمل , يعني فيه أكثر من سبب , لكن أتوقع السبب الرئيسي للمبرمجين قلة الطلب و للمصممين كثرة المصممين و سرقة الأفكار .

لكن تتوقع لو فيه طلب متزايد البرمجة الخاصة كان شفت المبرمجين الكبار تركوا الشغلة ؟

و المصممين لو فيه يحفظ حقوقهم ما يجيك موقع يقلد فكرة تصميمك و يبيع التصميم بنصف السعر كان تركوا المجال ؟

يسلمك ربي ويخليك وهذي شهاده اعتز فيها يالغالي

بالعكس انا عكس كلامك انت تقول مافيه عوائد مرضية

حسبه بسيطه اي مصمم ياخذ في التصميم من 3 الى 5 ايام والشهر فيه 30 يوم بمعدل [ 6 تصاميم في الشهر ] قيمة التصميم بـ 1500 ريال <-- كا متوسط طبعاً على الشغل الاحترافي.

9000 ريال في الشهر ؟ هل هذا شغل بلا عوائد ؟

بالعكس يعتبر دخل اضافي ما اقولك دخل اساسي بعكس الكثير من الممصين يعتبرون دخل اساسي لانه اذا حافظ على سمعته وعمله راح يكون دخل اساسي.

بس اذا هو تلاعب واخلف في مواعيده اكيد يبي يجي يوم مايجيه احد طبعاً هي مسالت سياسية وقوانين.

بعدين بالنسبة لقلة الطلب مستحيل ارجع لمواضيع سوالف + ترايدنت + الويب العربي ... الخ شوف كم موضوع بخصوص طلب مصميمن محترفين مصممين يستاهل كل ريال يدفع له.

ماهو شغل خرابيط يخط لك خطين وقال خذ هذا تصميم.

وبالنسبة لنقطة الارتباط العائلي انا معك بس اكيد يكون فيه وقت فراغ.

وشاكر لك مرورك بالغالي

[qtryat]

مطلوب تصميم استايل مقابل غير مادى وشرط احترافى وفلاشى :funny:

واذا دفع يقول لك كذا يصممه بـ 100 ريال :funny:

يااخى يمكن اللى يطلبون حاليا بمقابلات غير ماديه اكثر من اللى يدفعوا :funny:

[جروحي]

التصميم والبرمجة والإدارة ... فنون وأي فنان مبدع يجب أن تكون له فلسفة مبنية على :

روح منفتحة وهدوء الأعصاب .

هذه أساس أي فنان مبدع.

كما أن روح البحث عن المعرفة والإسكشاف سمات الفنان فإن محفزات طبيعة الفن عند الإنسان هي إندماجه مع الطبيعة وإستكشافها وملامستها والتعرف على مختلف الحياة البرية والطبيعة البحرية والفلكية... يجب أن يكون عنصر من الطبيعة ....

الفنان المبدع هو شخص يستطيع أن يصور لنا جمال ومنطقية الطبيعة في إنتاجاته وكلما كان إنسانا دارسا ومتقفا ومنفتحا على معرفة أفكار الغير من السابقين والحاضرين . كلما كانت إنجازاته أكثر جمالية ودقة.

قصدي أن الإنسان المبدع ليس هبة ولكن نتيجة لإندماج الإنسان مع نقاء وروعة الطبيعة الإلهية ودقة تقديرها.

وإذا جئنا نرى أجمل اللوحات فهي ما تقترب من حقيقة وجمال الخلق.
إذا جئنا نرى أجمل الخوارزميات الرياضية فهي لا تحاكي تقدير بعض خوارزميات المخلوقات.
....

شكرا لك أخي على هذا الموضوع الأكثر من رائع.

لا تعليق .....


واشكرك على الكلام والرد والمرور

[جروحي]

الحين هو وقت سرقه و سرقه الافكار !

ايام التصميم الاصلي هي ايام اول ايام رويال للتصميم و كم موقع ثاني

اي سرقة الله يسلمك

الاحتراف مستحيل ينسرق

ولو تسال اغلب اصحاب المواقع يعرف التصميم هذا من هو تصمميه من قبل يشوف الحقوق.

الابداع وربي لو بيدين ورجلين الشخص مايقدر يسرقه ولا يطبق مثله لو يفحط :shy:

[Ameen Al-Harbi]

أنا معكم انه فيه شح كبير في المصممين..

تركيز العرب على تصميم الجرافكيس وقليل جداً مصممي الويب اللي يحترفون الـ XHTML/CSS

شف القوالب الأجنبية للمنتديات او المدونات, تجد كثير منها يكتب كود الـ CSS من الصفر from scratch .. بينما أشباه المصممين العرب يطلبون مقابل لتصاميمهم 2000 و 3000 ريال, ويعملون على تعديل قالب معرب.

مشكلة العرب من زمان ان تركيزهم على الجرافيكس وكل شغلهم فرد عضلات في هالمجال.

أما من ناحية المبرمجين بالعكس فيه, وأعتقد ان حالياً مستوياتهم وخبراتهم أكبر من المبرمجين اللي كانوا على أيام عام 99 أو 2000
كثير من المبرمجين العرب يعمل كـ Freelancer وخدماته يقدمها للأجانب وهذا دليل على كفائتهم ومنافستهم لغيرهم.
في المشاريع الأجنبية ترى احترافية, وعمل واضح, وتواصل جيد بين الطرفين. والأهم مردود مجزي.
بينما العرب لا أفكار تستحق التعب عليها. ولا خبرة في الانترنت وتطبيقاته من قبل مدير الموقع (ولا يكلف غيره بالتنسيق مع المبرمج) ومافيه التزام بالعقد, لانه العقد المكتوب عندهم ما يلبي احتياجهم ولازم المبرمج يلقطها وهي طايرة وينفذ الكثير من المهام الغير متفق عليها لأنه المفروض يقرأها بين السطور.

وماهي قصة خروج كل ما عرف يخط له خطين في الفوتوشوب وقال انا مصمم

ذكرتني بشخص عمل له تصميم مدونة (طبعاً أقول هالكلام تجاوزاً اذا اخذناه على قد عقله واعتبرنا التعديل الطفيف على قالب اجنبي وتغيير بعض الوانه تصميم) ويبيع التصميم بـ 2500 او 3000 ريال
طبعاً الطريف في الموضوع انك ما تمتلك التصميم, فقط تستخدمه مع العلم ان غيرك فيه أكثر من مدونة تستخدم نفس هالقالب الخطييير.
اعرف ان بعض المواقع الاجنبية تبيع القوالب والستايلات بهالطريقة, بس السعر يكون متناسب مع الخدمة, بالكثير 30 او 40 دولار (كحد اعلى) اما ان تكون 2500 او 3000 ريال, فهذا من النوادر اللي ما تشاهد الا عند العرب
وهالشي يعد تغرير بالمسلمين واستباحت لاموال المبتدئين

[جروحي]

لست مبدعا
لكن لو كنت مبدعا لم تستطيع ان تراني لسببين
الأول اني سأعمل لحساب شركة بمقابل
والثاني مفهوم الأبداع مشهوه في الجانب العربي بنسبة 99%
1% غير مبالغ فيها بل هي غير موجوده اصلا
هذا بالجانب التصميمي

وكذلك الأمر ينطبق على الجانب البرمجي

كيف تريد ان ترى مبدعا بدون ان يكون هناك مواقع عربيه اصلا !
المواقع العربيه كلها منتديات كيف سترى الابداع في البرمجة مثلا

تفكيرك واحترمه جداً

بس فيه مبرمجين ومصممين معروفين وشغالين في شركات ويشتغلون لحسابهم الخاص.

واستغرب كلامك ان لا يوجد مواقع عربيه ؟

بالعكس اخوي الغالي المواقع العربية موجوده والافكار الجديده والمبتكر موجوده

لكن للاسف وين المبرمجين اللي يطبق لك العمل ويلتزم لك في المواعيد ويسلمك الشغل مثل ماتبي.

لا تلقي جميع اللوم على المستخدم. فا تاخر وعدم تطور المواقع العربية بسبب المطورين والمبرمجين والمصممين.

[جروحي]

موضوع جميل ...
ومن وجهة نظري المبدعون متواجدين لكن اين الطلبات التي تستحق الابداع ؟
وجهة واستايل ب 1200 ريال < ويجي العميل يطلب وياها 5 بنارات . و 5 توقيعات , وشعار بملف مفتوح ...
سأكتفي بهذة النقطة فقط من عشرات النقاط التي تقتل المبدعون في العرب
تسلم اخوي ,, كلامك وسام علي صدري والله :shy:
,,

وين المبدعين اخوي اللي يلتزم لك في الوقت والطلب مثل ماتبي واهم نقطه مايبع التصميم على اكثر من شخص.

اتمنى منك ذكر اسماء ولها بصمه معروفه في الانترنت ودقيقه في المواعيد.

وبالنسبة للي انت تتكلم عليه 1200 ريال هذي اسعار مبالغة على التصميم اللي تقدم من قبل المصمم.

وهي عرضو يقدمها المصمم على قدراته ومعرفته للتصمميم

ابو 1200 ريال جرب بس تتصفح الموقع عن طريق متصفح غير الاكسبلورر + دخله فحص المعايير وشوف الحفله كيف تكون . :shy:

تسلم والله على مرورك يالغالي

واريد اقولك شغلة اخيره : يقتل المبدع [ غروره في نفسه , طمعه وجمع اكثر من عمل في نفس الوقت ] وانا متاكد ان النقطه هذي راح يتفق عليها اكثر من شخص فاهم وعاش عصر مصممين معروفين.

[جروحي]

هلا أخوي جروحي موضوع فتح جروح في قلبي
تدري ليش ما فيه مبدعين
بقولك الاسباب :
1- عدم وعي المستخدم لمعنى الابداع
2- يجيك واحد يقول ابي مثل تصميم الموقع الفلاني بالضبط
3- لما تقوله سعر ما بين 1000 و1200 ريال على تصميم متوافقه مع المعايير ومطابقة لجميع المتصفحات ويحتوي على رسومات خاصه يقول لك غالي تسويه ب 500 ريال
4- كثره الاطفال المدعين التصميم وهو تركيب صوره على كم كلمه ويقولك تصميم
5- لما تنزل تصميم مجاني ومتوافق مع المعايير العالمية يحمله 2000 واحد ولما غيرك ينزل تصميم ما ابي اقول اي كلام مقبول ومليان صوره وثقيل يحمله 15000
6- لما تنزل اسعارك بنسبه 50 % وتعمل تصميم لعميل متوافق وخفيف زي ما طلب بالاخير يقول لك لا انا ابي مثل تصميم (فلان)
7- لما تقول تصميم عادي بسعر كذا وتصميم برسوم خاصه بسعر كذا يقولك ( انت تلعب علينا )
وهذا مثال عن التصميم الرسومي

بالنسبه للبرمجيه
السبب الرئيسي السعر
العميل يبي منك انك تشتغل على برنامجه مده شهر او اكثر ولا يدفع اكثر من 500 ريال
وكمثال عميل طلب مني برنامج ياخذ وقت 20 يوم يبيه ب 60 ريال

بالله بعد كذا ما يجيك احباط وتخف همتك

حياك ربي يالغالي

بصراحه انت جمعت نقاط رائعة :
ونبداء بالنقطة الاولي : بالنسبة للوعي هذا موضوع مفروغ منه وذالك لكثره المستخدمين والشي هذا مايجي في يوم وليله الكل يتعلم ياخوك كلنا قبل اربع خمس سنين ما نعرف شي.

ثانياً : النقطه هذي تعتمد على المصمم فيه مصممين يرفض نهائي لو تعطيه مبالغ عاليه . فهي ترجع لامانة المصم نفسه.

ثالثاً : مسالت الاسعار والمطلوب هذي تعتمد عليك انت يا المصمم وصدقني المبدع يجيه اللي يدوره وابسط مثل شركة انا طلبت منهم تصميم من بعد رجوع الدوامات تقريباً في 11 موعد الدور حقي في 2 - 11 وبنفس المبلغ اللي هم حطوه والسبب ان شغلهم نظيف وعارف انه يستاهل القيمة. وعليهم طلبات مشاء الله تبارك الله. والسبب شغلم نظيف ودقة في المواعيد.

رابعاً : النقطه هذي حدث ولا حرج وبصراحه هذي يلام عليها المواقع التطويريه المفروض يكون فيه ناس متابعة للاشخاص المطورين وتمميزهم عن اطفال الفرش والاعمدة. :shy:

خامساً : النقطه هذي تعتمد على الرغبات وتفكير الاشخاص واصحاب المواقع فهي مسالت حسابات بس لو تلاحظ استايلك اللي متوافق ودقيق يركبه مواقع كبيره ولها ترتيبها . بس الاستايلات الثانية شوف من يركبها . ..... حدث ولا حرج .

سادساً : نفس النقطه هذي تكلمنا فيها فوق ترجع لـ اتفاقك انت والعميل و مسودة العمل.

سابعاً : اممم اللي يقول لك تلعب علينا هذا جاهل في الانترنت وثق ثقه تامة انه اول مره في حياة يطلب تصميم وبعدين اللي انا اعرف صاحب الطلب هو اللي يحدد لك يعني انت تستقبل الطلب وبناء علي الكلام اللي مكتوب تعرف وش نوع العميل هذا وتقدر تقرر هل تتكلم معه عن الرسم والابداع او يريد اي استايل بصور ومشي حالك.

بالنسبة للاسعار هذي تختلف من موقع لموقع. مابي اقولك امثله لكي لا اظلم الناس

لكن بشكل بسيط اعمالك البرمجية هي اللي تحدد سعرك بصراحه [ تجيب لي برمجيات ضعيفه جداً وتطلب فيها مبالغ وقدرها ] اتوقع مايبي يجيك اي يبرمج عندك الا ابو 500 ريال . فهي عملية عكسية تعتمد على قوة الكود البرمج الخاص فيك وطريقة عرضك للعمل.

وفي الختام تقبل محبتي وتقديري على الرد

ويعطيك الله كل العافيه .....

[جروحي]

ياعمي هناك شُح في كل شئ. في المبدعين وفي الأفكار وفي محتويات المواقع العربية والمناخ العام أصلاً لا يشجع على الإبداع...
كل مانقوم بعمله هي النقاشات السخيفة حول الحجب.

والله ياصاحبي الموضوع هذا يعتمد على نقاط كثيره

منها [ التهاون في قوانين المنتدى ]

ولك تحياتي ...