لماذا هناك شح في المبدعين ؟

[جروحي]

في السابق كان هناك مجموعة من المبرمجين والمعربين , وكان طرحهم الأولي مجاناً , لكنهم لم يسلموا من الانتقاد , سواءً بالبرمجة أو بالحماية أو بالتصميم , وكنت تجد ثُلة تقوم بتجربة المنتجات وبشكل دوري وسريع .

الاهتمام كان واضح من قبل الجمهور , وبعض النقد كان مهم لصالح المبدع سواء مبرمج او مصمم وعلى الاقل يكون استفاد كثيراً من النقد في بداياته وبعدها اتجه للفكر التجاري .

انا معك ولحقت على مجموعه من المطورين والمبدعين اللي اتجه للتجارة

لكن الا تشاطرني الرائي ان ترك الجمهور والاتجاه للجانب التجاري بداية الفشل.

لان الجمهور هو من يقوم بستاهلاك الجانب التجاري .

بحسبه بسيطه مصمم ترك الاعمال المجانية وترك مساعدى الناس واتجه للاعمال التجارية راح يكن معروف لعينه من الناس. بعد ما ينتهي من التصميم لهم هل سوف يكون له سمعة او معرفة لدى المستخدم الجديد طبعاً لا.

في السابق كان هناك مصمم معروفين باعمالهم لكن لم يهملوا الجانب المجاني وكانت اعمالهم في تطور وانتشار .

لكن حالياً لك ان تشاهد وتقيس وتحسب كم عمل يقوم به المصم قبل ان يدخل في مرحلة السبات الشتوي . :court:

[جروحي]

امرن ,, لا تغلينا ولاشي مجرد غيرنا عضوية وتسدحنا لنا كم شهر نخزبق بعالم الفهاوه
اللي قاهرن عنكبوتي وينه ,, نام معنا شكله
ومن ناحية الاسباب
الاسباب اغلبها رووتينية
ستايل منتدى او واجهة موقع ,, طفشونا عام وورومنسي ,, وغير كذا يبيها بتخفيض 70%
يعني مثلا سعر الستايل ( عندي ومابي مشاكل ) يبدا من 800 ريال يجيك ويقول لا فلان يسويها بـ 300 اقوله رح لفلان وانتهى الموضوع
حاليا شغلتي الرئيسية ( دور سكربتات وعدلها وسوو تجارب وانتهى الموضوع مجرد تعفيس وتخريب يمكن نكتسب خبرة ههه)
اما عن بقية المبدعين مادري ليش مبتعدين ,,
تحيتن

يالله حيووه
<-- قسم بالله اني مستحي منك بشكل ما تتصوره :shy: بس خلها على ربك يالذيب

العنكبوتي الرجال تغرب للدراسة <-- جمله متعوب عليها. وله صولات وجولات مع القروب اللي حوله يعني متواجد على الساحه من بعيد لبعيد :1power:

مثل ماذكرت يالغالي في الاعلى هي تعتمد على الجوده وعلى نوعية الطلب [ الطالب ]

وبالنسبة لشغلتك رهيبه بس ليش ما تنزل مجاني دامه مجاني :shy:

على قولتهم منها تستفيد انت خبره ومنها تفيد غيرك يالذيب

وبالنسبة للتصميم والاسعار والاعمال هي في الاول والاخير بيد الصمم فقط. :app:

[جروحي]

مطلوب تصميم استايل مقابل غير مادى وشرط احترافى وفلاشى :funny:

واذا دفع يقول لك كذا يصممه بـ 100 ريال :funny:

يااخى يمكن اللى يطلبون حاليا بمقابلات غير ماديه اكثر من اللى يدفعوا :funny:

حياك خيوو

الكل عارف من اللي يطلب الطلبات هذي

وايش هم بالنسبة للمواقع العربية

انت فكر فيها وشوف الطلبات هذي مقدمه من مين وتعرف :shy:

[جروحي]

أنا معكم انه فيه شح كبير في المصممين..
تركيز العرب على تصميم الجرافكيس وقليل جداً مصممي الويب اللي يحترفون الـ XHTML/CSS
شف القوالب الأجنبية للمنتديات او المدونات, تجد كثير منها يكتب كود الـ CSS من الصفر from scratch .. بينما أشباه المصممين العرب يطلبون مقابل لتصاميمهم 2000 و 3000 ريال, ويعملون على تعديل قالب معرب.
مشكلة العرب من زمان ان تركيزهم على الجرافيكس وكل شغلهم فرد عضلات في هالمجال.
أما من ناحية المبرمجين بالعكس فيه, وأعتقد ان حالياً مستوياتهم وخبراتهم أكبر من المبرمجين اللي كانوا على أيام عام 99 أو 2000
كثير من المبرمجين العرب يعمل كـ Freelancer وخدماته يقدمها للأجانب وهذا دليل على كفائتهم ومنافستهم لغيرهم.
في المشاريع الأجنبية ترى احترافية, وعمل واضح, وتواصل جيد بين الطرفين. والأهم مردود مجزي.
بينما العرب لا أفكار تستحق التعب عليها. ولا خبرة في الانترنت وتطبيقاته من قبل مدير الموقع (ولا يكلف غيره بالتنسيق مع المبرمج) ومافيه التزام بالعقد, لانه العقد المكتوب عندهم ما يلبي احتياجهم ولازم المبرمج يلقطها وهي طايرة وينفذ الكثير من المهام الغير متفق عليها لأنه المفروض يقرأها بين السطور.
ذكرتني بشخص عمل له تصميم مدونة (طبعاً أقول هالكلام تجاوزاً اذا اخذناه على قد عقله واعتبرنا التعديل الطفيف على قالب اجنبي وتغيير بعض الوانه تصميم) ويبيع التصميم بـ 2500 او 3000 ريال
طبعاً الطريف في الموضوع انك ما تمتلك التصميم, فقط تستخدمه مع العلم ان غيرك فيه أكثر من مدونة تستخدم نفس هالقالب الخطييير.
اعرف ان بعض المواقع الاجنبية تبيع القوالب والستايلات بهالطريقة, بس السعر يكون متناسب مع الخدمة, بالكثير 30 او 40 دولار (كحد اعلى) اما ان تكون 2500 او 3000 ريال, فهذا من النوادر اللي ما تشاهد الا عند العرب
وهالشي يعد تغرير بالمسلمين واستباحت لاموال المبتدئين

حياك خيوو

شوف ياطويل العمر

الابداع ابداع سوا جرفكس ولا web 2.0

هي كلها عملية اذواق ومتطلبات فا فيه مواقع ما يصلح عليها الـ web 2.0

وفيه مواقع مايصلح عليها الجرفكس

فالتنوع مطلوب ولابد منه

لكن المشكلة مثل ماذكرت انت وين الابداع

فانت بردك تؤايد ان لا يوجد في السوق اعمال ابداعية ولا ناس مبدعه.

وجميع من موجود هم مجرد مقلدين و اصحاب نسخ ولصق

وهذا هو سبب تراجع المواقع العربية

وتسلم على ردك يالغالي .....

[t-net]

موضوع جميل

بالنسبه للمصممين اخوي جروحي فيه كثير بس انتم حصرتم الموضوع على المشهورين في سوالف وهم يستحقون بالتاكيد

بس صدقني فيه مصممين عرب كثيرين ومبدعين ما ابي اذكر احد وانسى احد لكن اذا رغبت طرحت لك كم موقع


فيه نقطه مهمه اشار لها احد الاخوان هنا احب اوقف عندها
اولا الاجانب مو احسن مننا بشيء لذالك مو كل موضوع نفتحه نقول الاجانب والاجانب ونعممهم وكأنهم جميعا ناجحين حنا المفروض نلتفت للعرب الناجحين افضل من اننا نلتفت لفئه من الاجانب مثلنا ونعمم بقولنا الاجانب ليش ما نقول بعض الاجانب على الاقل ومع احترامي الشديد اغلب تصاميمهم متشابهه بنسبه 80 ومكرره اتكلم عن الاجانب واشوف ان المستوى العربي متفوق اكثر من ناحيه الذوق والشكل اما من ناحيه التوزيع وطريقه التركيب العكس صحيح

النقطه الاخرى ايضا وهي التوزيع او تركيب التصميم على الموقع بال css او xhtml
اولا لابد ان العميل يكون له خبره في هالمجال وعلى المصمم سؤال العميل عن هذا الشيء قبل لا يركب
لان بكل بساطه اغلب العملاء بعد استلامهم للتصميم يقومون باضافات وتعديلات مثل البنرات الاعلانيه و و و

الي صار وخلاني اركز على هالنقطه ان احد العملاء اتهمني بالاحتكار لاحظ وفسرها اني ابي استغله : ) كيف ؟

ركبت الموقع باستخدام الدريم ويفر واخرجت له موقع مطابق لمعايير w3c ومتوافق مع جميع المتصفحات .. الخ
بالنهايه بدى يحوس اخونا باستخدام الفرنت بيج ويعدل ويشيل ويضيف المهم ان الموقع قلب فوق تحت وكان التصميم لستايل منتدى

رجع لي طبعا وقال كذا وكذا وكذا قلت له المفروض ترجع لي وتطلب الي تبي وانا اسويه او انك تحرر التصميم بالدريم ويفر او Microsoft Expression Web 2

قال ما اعرف وانا استخدم الفرنت بيج وكل العالم تستخدم الفرنت بيج وش معنى انت هل مثلا تبي تستغلني وعلى كل تعديل تاخذ مبلغ

وانا لما قلت له ترجع لي قصدي اني اضيف له اي شي مجانا

بالنهايه اعدت توزيع الاستايل بالطريقه السهله بالفرنت بيج ورضى عنه رضى تام وقالي

ايه هذا الشغل المظبوط : )

نصيحه يا اخوان لاحد يشغل نفسه بالمعايير والامور هذي الا حسب الطلب او اذا تاكد ان العميل يدرك اهميه هذه المعايير ولماذا نتبعها اصلا

ولا بيروح تعبك هدر
الخلاصه يجب ان يفهم العميل اولا ويطالب بهذا الشيء عشان يجبر المصممين يتبعون هالمعايير


الامر الاخير ومعليش طولت عليكم وهو الاسعار والوقت

اما الاسعار فهذا امر يخص المصمم ولكل مصمم الحريه بان يقدر جهده وفنه لكن بحدود المعقول
واهم شيء ان النتيجه تكون مرضيه وان العمل يستاهل فعلا

هناك اعمال تبدأ من صوره وتنتهي بصوره لذالك العمل اصبح مجرد ترتيب صور لا اكثر وهذا لا يستحق
هناك اعمال تبدأ من الصفر بدون استخدام فرش جاهزه او صور وانما رسم بالكامل وهذا يستحق

ولي عوده ان شاء الله

شكرا لك

[Ameen Al-Harbi]

الابداع ابداع سوا جرفكس ولا web 2.0

هي كلها عملية اذواق ومتطلبات فا فيه مواقع ما يصلح عليها الـ web 2.0

موقع ويب = XHTML/CSS
موقع ويب ناجح = W3C Standards

المصمم اللي قدراته محصورة في الجرافكس ما نقدر نقول عنه مصمم ويب ناجح, يروح يسوي له تواقيع أفضل له. والموضوع هذا غير مرتبط بالـ Web 2.0

نصيحه يا اخوان لاحد يشغل نفسه بالمعايير والامور هذي الا حسب الطلب او اذا تاكد ان العميل يدرك اهميه هذه المعايير ولماذا نتبعها اصلا

اخالفك في هالنقطة .. اذا العميل ما يعرف شلون يتعامل مع الـ Div والـ CSS هذي مشكلته, طالما مافيه شرط مسبق حول هالموضوع, المفروض المصمم يأدي التصميم بطريقة احترافية وما يتبع اساليب أكل عليها الدهر وشرب(موب عذر الصراحة).

[مزايات]

ِيا اخ انت ما تفرق بين مصمم جرفكس ومصمم مواقع
المهم ويب تو وثري والتوزيع ووو .. هذة الي يسويها ماهو مصمم يا عزيزي الي يسويها مطور وتخصصة بالتصميم محدود جداً لانة يستخدم في تصميمها بنسبة 95% استايلات الفتوشوب المتاحة لكن مالها اي حس ابداعي او فني .. لكن المصمم الفعلي الي حسبتك تكلم عنة مصمم جرفكس وهذة اتحداك واتحدي اي شخص يجيب لي مصمم اجنبي يتقادا علي تصميم كامل لموقع جرفكس فعلي سعر مثل سعر العرب
اعرف مصممين اجانب كثير جداً الصورة يتقادا 600 دولار عليها وطبعا ابداعية وفنية فوق الوصف
وعن تجربتي الخاصة صممت من قبل مجموعة صور لموقع اجنبي تقضيت بها ما اتقضاة عن تصميم 3 مواقع عربية كاملة
ولو تنتظر عدة ايام من الممكن اريك موقعي مزايات . ف80% من المصممين قالو لي اهذا مصمم بالفتوشوب ؟!
لا اتحدث عن نفسي بل عن تجربتي الخاصة بمجال التصميم
تحياتي واحترمي
,,

[M H J O L]

تدري وش الي خرب سوق النت والتصاميم والخ ؟

هالمبزره الي مدري من وين طلعت ؟

كل من مسك كيبورد فتح موقع طيب ميخالف يفتح موقع ويهتم فيه ووو الخ .. لكن تدري كم يخسر فيه ؟

من 100 ريال الى 300 ان زادت ؟ ايييه راحت الايام الخوالي يوم كان الواحد يدفع شهرياً من 1500 الى مبلغ وقدره

يجيك الحين واحد ما كمل عمره 13 ويطق له منتدى ويروح لم ترايدنت < الي اغلبه اطفال > ويحط موضوع ( تبادل اعلاني ) طيب مو مشكله يبي يستفيد

يجي بعد ايام ... يزرف تصميم .. ويعدل عليه شوي ومدري وش بعد ويقول تحت ( حقوق التصميم محفوظة ل منتديات ...... )


وبعد فتره يطلب مصمم ومثل ما قال اخونا في الله ( طلب تصميم بمقابل غيري مادي ) وما ادراك

انا عن نفسي .. موقعي مصممه الاخ ديزو الله يوفقه دنيا واخره .. وتصميمه في قمة الروعه والابداع واعجب اعضائي ولله الحمد


قبل 7 سنوات كنت اشارك لموقع خالي .. سألته ؟ قلت كم تدفع للموقع ؟ .. قال اييييه ياولد اختي دجيت وانا ادفع

قلت ابفتح لي موقع ؟ ضحك وقال توظف وافتح .. والحين مبزره جالسه بالبيت لا شغل ولا مشغله وعنده موقع او يمكن ثلاث مواقع وتلقى نص المبزره الي بالبيت معهم مواقع ( طفه وتعدي ) وكلها افكار مسروقه

الا ليت الزمان يعود يوما وافتح لي موقعاً واشتهر فيهوو ( متعوب عليه ) :nice:

لأن الحين لو بتفتح موقع وتبي تشهره ! يبيلك اقل اقل شي 5 الاف هذا اقل شي .. واذا تبي تشهره من جد اوووه يبيلك مبالغ ( بس على حسب طريقتك العقليه ) يمكن انك ذكي وتشهره بدون ريال واحد

واحد من العيال الله يستر عليه توظف .. واول ما توظف اخذ قرض ، نص القرض لموقعه . وما شاء الله شف موقعه هالحين من ابرز المواقع ومشهور وكلن يعرفه بس منب قايلن اسمه :app: ( لا يكثر تكفى )


عموماً يطول الكلام .. بس اعجبتني حركه سوتها ترايدنت جديده :nice: وهي ان اي واحد يعرض تصاميم استايلات او عروض لازم يكون مؤسس شركه .. بس بنفس الوقت ما تفيد .. كل واحد بيسوي شركه ويا ترى وش هالشركه ؟ هههههههه كلها دومين ومساحه ويكتب بالاندكس قريباً ( موقع ...... لتصميم الاستايلات والمواقع والسكربتات ) :looking:

ياونتن ونيتها من جروحي ( مهب انت يا ثامر ) لازمتني لحد القروضي :funny:

اعترف اني طولت بالكلام لكن من الشبه الي بصدري ( تكفى يا شيخ ؟ )


شكراً ثامر وما تقصر ياخلفهم وكثر من هالمواضيع الخنفشاريه ( هي تسذا ؟ ) تراك تعجبني يا صديقي

[Abo-Ahmed]

والله موضوع جدااا رائع ...

اوافق الإخوان .. صراحه كلامهم واقعي جدااا .. خاصه نحن نختلف عن الغرب من ناحيه وهي إنهم يقدرون التقنيه ويطورونها .. ونحن اكثر شعبنا فاتحين يادردشه او منتدئ مايستفيد منه إلا تضيعه الوقت فقط الكلام والله طويل ولي رجعه ..

أنا مع كلام الأخ :M H J O L و t-net

و الاخ المتميز السعودي كلام ولا أحلى

يعطيكم العافيه ..

[M H J O L]

باك

شوفوا معي كيف سرقة التصميم وش وصلت عليه !

المشكله والي قاهرني ان راعي الموقع الي سارق الاستايل اسمه ينتمي الى الديره الي انا عايشن به وافشيلتاه


لاحظوا معي

الاستايل المسروق
http://www.bnat-alqsim.com/vb/


الاستايل الرئيسي
http://www.r-mbd3.com/vb/index.php


لاحظوا انه لعب بالفوتر بس والهيدر لعبه بسيطه وحركه سهله


حتى كلمة ( عالم لا سكون له ) ما خلاها هههههههههه :nice:


هذا السارق




والغريب في ذلك انه كاتب تحت
جميع الحقوق محفـوظه لـ بنات القصيم .. تصميم : ! وهــم !
شي مضحك

يسرق حقوق غيره وينتميها له

ثامر بس حبيت ابيك لك نقطه معينه ؟ ان هذا تفكير المصممين الجدد ( سرقة الافكار )
وللمعلومية : راسلت موقع ريشة مبدع بشوف هو منزل مجاني والا لا

وهذا الرد

ياهلا فيك اخـوي
الآستايل مو مجاني طبعاً ..
واللي سرقاه ونزلاه مجاني .. حرام عليه وماحلل اي احد ياخذه ويستعمله

حياك ربي

[جروحي]

موضوع جميل

بالنسبه للمصممين اخوي جروحي فيه كثير بس انتم حصرتم الموضوع على المشهورين في سوالف وهم يستحقون بالتاكيد بس صدقني فيه مصممين عرب كثيرين ومبدعين ما ابي اذكر احد وانسى احد لكن اذا رغبت طرحت لك كم موقع

اخي العزيز انا لم احصر احد نهائياً انا عطية امثله فقط لا اكثر ولا اقل


فيه نقطه مهمه اشار لها احد الاخوان هنا احب اوقف عندها
اولا الاجانب مو احسن مننا بشيء لذالك مو كل موضوع نفتحه نقول الاجانب والاجانب ونعممهم وكأنهم جميعا ناجحين حنا المفروض نلتفت للعرب الناجحين افضل من اننا نلتفت لفئه من الاجانب مثلنا ونعمم بقولنا الاجانب ليش ما نقول بعض الاجانب على الاقل ومع احترامي الشديد اغلب تصاميمهم متشابهه بنسبه 80 ومكرره اتكلم عن الاجانب واشوف ان المستوى العربي متفوق اكثر من ناحيه الذوق والشكل اما من ناحيه التوزيع وطريقه التركيب العكس صحيح

حلو كلامك منطقي احنا متفوقين في الجرفكس للصور فقط وليس جرافكس الابداع والاعمال الخالية من الصور [ اقصد اعمال الرسم ] بس كا توزيع وشغل نظيف اهم متفوقين علينا كثير بمراح جداً وبالنسبة لتصاميم الاجانب تشابها بسب انها كلها web 2.0 واغلب الاعمال اللي نشوفها للاجانب كلها جداول وتصاميم web 2.0 والسبب لاننا لم نراء اعمال لهم جرفكس لان صعب تعريبها ومثل ما انت عارف عشان كذا تجد فقط المعرب من اعمال الاجانب الجداول وتصاميم web 2.0.

النقطه الاخرى ايضا وهي التوزيع او تركيب التصميم على الموقع بال css او xhtml اولا لابد ان العميل يكون له خبره في هالمجال وعلى المصمم سؤال العميل عن هذا الشيء قبل لا يركب
لان بكل بساطه اغلب العملاء بعد استلامهم للتصميم يقومون باضافات وتعديلات مثل البنرات الاعلانيه و و و الي صار وخلاني اركز على هالنقطه ان احد العملاء اتهمني بالاحتكار لاحظ وفسرها اني ابي استغله : ) كيف ؟ ركبت الموقع باستخدام الدريم ويفر واخرجت له موقع مطابق لمعايير w3c ومتوافق مع جميع المتصفحات .. الخ بالنهايه بدى يحوس اخونا باستخدام الفرنت بيج ويعدل ويشيل ويضيف المهم ان الموقع قلب فوق تحت وكان التصميم لستايل منتدى رجع لي طبعا وقال كذا وكذا وكذا قلت له المفروض ترجع لي وتطلب الي تبي وانا اسويه او انك تحرر التصميم بالدريم ويفر او Microsoft Expression Web 2 قال ما اعرف وانا استخدم الفرنت بيج وكل العالم تستخدم الفرنت بيج وش معنى انت هل مثلا تبي تستغلني وعلى كل تعديل تاخذ مبلغ وانا لما قلت له ترجع لي قصدي اني اضيف له اي شي مجانا بالنهايه اعدت توزيع الاستايل بالطريقه السهله بالفرنت بيج ورضى عنه رضى تام وقالي ايه هذا الشغل المظبوط : )

كلامك جميل ومنطقي بس انت هنا تتكلم على الناس اللي تصمم ولا هي عارف وش تبي بالتصميم انت طحت لك في واحد مبتداء في المواقع لانه من البديهي ان اي صاحب موقع يعرف التوزيعه اللي هو يبيها ويعرف اماكن البنرات ويطلب من المصمم تركيبها له قبل يستم التصميم. فحالتك هذي لا تعم عليها فيه شواذ وسبق وتكلمنا فيها ان النوعية هذي من المبتدئين في المواقع ومن النوع اللي يهمه الشكل فقط ولا يهتم في سلامة الاستايل من الاخطاء ولا توافقة.

نصيحه يا اخوان لاحد يشغل نفسه بالمعايير والامور هذي الا حسب الطلب او اذا تاكد ان العميل يدرك اهميه هذه المعايير ولماذا نتبعها اصلا ولا بيروح تعبك هدر الخلاصه يجب ان يفهم العميل اولا ويطالب بهذا الشيء عشان يجبر المصممين يتبعون هالمعايير

كلامك جميل وهذا ما تكلمت عليه في الاعلى لازم المصمم يعرف طلب العميل قبل يتعب.


الامر الاخير ومعليش طولت عليكم وهو الاسعار والوقت اما الاسعار فهذا امر يخص المصمم ولكل مصمم الحريه بان يقدر جهده وفنه لكن بحدود المعقول واهم شيء ان النتيجه تكون مرضيه وان العمل يستاهل فعلا هناك اعمال تبدأ من صوره وتنتهي بصوره لذالك العمل اصبح مجرد ترتيب صور لا اكثر وهذا لا يستحق هناك اعمال تبدأ من الصفر بدون استخدام فرش جاهزه او صور وانما رسم بالكامل وهذا يستحق

عليك نور يالغالي اصبت في النقطه هذي هذا ما اتكلم عليه انا يجيك مصمم ويركب لك كم صوره على كم فرشة ويقول انا صممت لك تصميم وتعبت عليه وسعر التصميم 2000 ريال ليش الاسعار المبالغ فيها وبالنسبة للشغل الاحترافي صدقني اغلب العملاء يقدرون الشغل النظيف ويعطون حقه بدون ما يقول المصمم شي. وبالنسبة للاسعار مثل ماتفضلت انت وقلت هي تعتمد في الاول والاخير على المصمم وضع الاسعار لكن بشي معقول ويدخل العقل

ولي عوده ان شاء الله
وفي انتظار عودتك يالغالي ولك تحياتي ...
شكرا لك

اخيراً : اشكرك اخوي على الرد وعلى مرورك بالموضوع وعلى النقاش الرائع

[جروحي]

موقع ويب = XHTML/CSS
موقع ويب ناجح = W3C Standards

المصمم اللي قدراته محصورة في الجرافكس ما نقدر نقول عنه مصمم ويب ناجح, يروح يسوي له تواقيع أفضل له. والموضوع هذا غير مرتبط بالـ Web 2.0

صحيح كلامك اخوي وهذي النقطه اللي نعاني معها حالياً مصمم ومسوي زحمه وفي الاخير تقطيع التصميم مايعرف له.

اخالفك في هالنقطة .. اذا العميل ما يعرف شلون يتعامل مع الـ Div والـ CSS هذي مشكلته, طالما مافيه شرط مسبق حول هالموضوع, المفروض المصمم يأدي التصميم بطريقة احترافية وما يتبع اساليب أكل عليها الدهر وشرب(موب عذر الصراحة).

ويعافيك ربي على التعليق والعوده للموضوع

ولك تحياتي ...

[جروحي]

ِيا اخ انت ما تفرق بين مصمم جرفكس ومصمم مواقع
المهم ويب تو وثري والتوزيع ووو .. هذة الي يسويها ماهو مصمم يا عزيزي الي يسويها مطور وتخصصة بالتصميم محدود جداً لانة يستخدم في تصميمها بنسبة 95% استايلات الفتوشوب المتاحة لكن مالها اي حس ابداعي او فني .. لكن المصمم الفعلي الي حسبتك تكلم عنة مصمم جرفكس وهذة اتحداك واتحدي اي شخص يجيب لي مصمم اجنبي يتقادا علي تصميم كامل لموقع جرفكس فعلي سعر مثل سعر العرب
اعرف مصممين اجانب كثير جداً الصورة يتقادا 600 دولار عليها وطبعا ابداعية وفنية فوق الوصف
وعن تجربتي الخاصة صممت من قبل مجموعة صور لموقع اجنبي تقضيت بها ما اتقضاة عن تصميم 3 مواقع عربية كاملة
ولو تنتظر عدة ايام من الممكن اريك موقعي مزايات . ف80% من المصممين قالو لي اهذا مصمم بالفتوشوب ؟!
لا اتحدث عن نفسي بل عن تجربتي الخاصة بمجال التصميم
تحياتي واحترمي
,,

حبيبي الدعوه ماهي تحدي ولا شي

الدعوه نقاش عادي جداً واختلاف الرأي لا يفسد للود قضية.

واذا حنا ما نفهم شي ولا نعرف نفرق ياليت تنورنا وتعلمنا

واذا انت مستكثر مبلغ 600 دولار هذي تعادل بالريال [ 2250 ريال ] يعني قيمة استايل او نصف استايل عند مصممين متحرفين .

واذا انت تشوف ان السوق العربي على كلامك مامنه فائده ليش تشتغل فيه خليك عند الاجانب والله يوفقك. ليش تجي للعرب اللي مامنهم فائده غير الخساير والتعب.

وحياك الله في الموضوع وارجع اذكرك اخوي [ الموضوع مجرد نقاش هادف وليس تحدي وفرد عضلات ]

[جروحي]

تدري وش الي خرب سوق النت والتصاميم والخ ؟
هالمبزره الي مدري من وين طلعت ؟
كل من مسك كيبورد فتح موقع طيب ميخالف يفتح موقع ويهتم فيه ووو الخ .. لكن تدري كم يخسر فيه ؟
من 100 ريال الى 300 ان زادت ؟ ايييه راحت الايام الخوالي يوم كان الواحد يدفع شهرياً من 1500 الى مبلغ وقدره
يجيك الحين واحد ما كمل عمره 13 ويطق له منتدى ويروح لم ترايدنت < الي اغلبه اطفال > ويحط موضوع ( تبادل اعلاني ) طيب مو مشكله يبي يستفيد
يجي بعد ايام ... يزرف تصميم .. ويعدل عليه شوي ومدري وش بعد ويقول تحت ( حقوق التصميم محفوظة ل منتديات ...... )
وبعد فتره يطلب مصمم ومثل ما قال اخونا في الله ( طلب تصميم بمقابل غيري مادي ) وما ادراك
انا عن نفسي .. موقعي مصممه الاخ ديزو الله يوفقه دنيا واخره .. وتصميمه في قمة الروعه والابداع واعجب اعضائي ولله الحمد
قبل 7 سنوات كنت اشارك لموقع خالي .. سألته ؟ قلت كم تدفع للموقع ؟ .. قال اييييه ياولد اختي دجيت وانا ادفع
قلت ابفتح لي موقع ؟ ضحك وقال توظف وافتح .. والحين مبزره جالسه بالبيت لا شغل ولا مشغله وعنده موقع او يمكن ثلاث مواقع وتلقى نص المبزره الي بالبيت معهم مواقع ( طفه وتعدي ) وكلها افكار مسروقه
الا ليت الزمان يعود يوما وافتح لي موقعاً واشتهر فيهوو ( متعوب عليه ) :nice:
لأن الحين لو بتفتح موقع وتبي تشهره ! يبيلك اقل اقل شي 5 الاف هذا اقل شي .. واذا تبي تشهره من جد اوووه يبيلك مبالغ ( بس على حسب طريقتك العقليه ) يمكن انك ذكي وتشهره بدون ريال واحد
واحد من العيال الله يستر عليه توظف .. واول ما توظف اخذ قرض ، نص القرض لموقعه . وما شاء الله شف موقعه هالحين من ابرز المواقع ومشهور وكلن يعرفه بس منب قايلن اسمه :app: ( لا يكثر تكفى
عموماً يطول الكلام .. بس اعجبتني حركه سوتها ترايدنت جديده :nice: وهي ان اي واحد يعرض تصاميم استايلات او عروض لازم يكون مؤسس شركه .. بس بنفس الوقت ما تفيد .. كل واحد بيسوي شركه ويا ترى وش هالشركه ؟ هههههههه كلها دومين ومساحه ويكتب بالاندكس قريباً ( موقع ...... لتصميم الاستايلات والمواقع والسكربتات ) :looking:
ياونتن ونيتها من جروحي ( مهب انت يا ثامر ) لازمتني لحد القروضي :funny:
اعترف اني طولت بالكلام لكن من الشبه الي بصدري ( تكفى يا شيخ ؟ )
شكراً ثامر وما تقصر ياخلفهم وكثر من هالمواضيع الخنفشاريه ( هي تسذا ؟ ) تراك تعجبني يا صديقي

حياك ربي ياصاحبي

وتسلم والله

وشوف انا برد على ردك الثاني ماهو هنا

بس حبيت اشكرك على كلامك الرائع :shy:

ولك تحياتي ...

[جروحي]

والله موضوع جدااا رائع ...
اوافق الإخوان .. صراحه كلامهم واقعي جدااا .. خاصه نحن نختلف عن الغرب من ناحيه وهي إنهم يقدرون التقنيه ويطورونها .. ونحن اكثر شعبنا فاتحين يادردشه او منتدئ مايستفيد منه إلا تضيعه الوقت فقط الكلام والله طويل ولي رجعه ..
أنا مع كلام الأخ :M H J O L و t-net
و الاخ المتميز السعودي كلام ولا أحلى
يعطيكم العافيه ..

العفو اخوي

وشرفنا تواجدك في الموضوع

بس بيت القصيد عندنا ماهي التخلف الغرب عندهم دردشة وعندهم كل شي وعندهم مواقع هابطه وكل شي فا هي هي العملية واحده ياخوك.
المشكله ماهي في المستخدم المشكله في مقدم الخدمه.
تحصل لك اثنين ثلاثه اربعه خمسه عرفوا شغله واشتهروا فيها خلاص على باله انه ملك معاد يطالع الناس الا بطرف عين وان قدم لك خدمه ذلك فيها قبل يعطيك هي من تاخير في التسليم ومن تطنيش وعدم الرد عليك ... الخ مثل ما انت شايف كل يوم موضوع وكل مشكله واغلب المشاكل هذي مع ناس معروفه ولها اسمها .