افضل بنك لفتح حساب ؟

[من الرياض]

ناوي افتح حساب في احد البنوك خصوصاً انه ما عندي ولا حساب واحد احفظ فلوسي فيه


النظرة اتجهت على سامبا والبلاد لأنهم ما يآخذون رسوم شهرية اذا قل رصيدك عن 1000 ريال

وما يآخذون رسوم بطاقة صراف مثل الراجحي ،



بس قلت اسئل الأخوان هنا فهم أكيد بيفيدوني ... جزاكم الله خير

[ALSA3QAH]

أنا في سامبا ومن دخلت في سامبا وأنا راتبي منزوعة منه البركة وهذاني الأسبوع الجاي بسددهم قرضهم كله وبطلع للبلاد


ياخي العالم إنهار وحلت به اللعنة بسبب الربا روح لبنك البلاد الإسلامي أحسن من سامبا يخلط فلوسك بالربا وتصير كمن يحارب الله


والله مو بس الأسبوع الجاي بسدد قرضي والله حتى بقول قفلوا حسابي تماماً ما أبيه يكفي نزع البركة اللي أنا فيه

[من الرياض]

وش نسوي ياخوي محتدين عليه

خدماته سريعه

وما يآخذ رسوم على الرايحة والجاية مثل الاهلي والراجحي

[ALSA3QAH]

أي رسوم اللي تقولها


أي عملية تحويل لبنك غير البنك اللي أنت فيه ياخذون 15 ريال


سامبا يأخذ 25 ريال


وش على بالك سامبا .... الحين الكل يقدم خدمات ما عاد هي حصر على أحد


الآن الأفضل لمن يتميز في جودة الخدمة مش في تقديم الخدمة


وفي النهاية ربا سامبا نزعة بركة الفلوس الله ينزع بركتهم

[من الرياض]

^^^^

انا قلت خدمات سامبا ( سريعة ) مو كثيرة !!

[ميادين]

تصدق باله انا فتحت حساب في بنك الرياض ولحد الان ما حطيت ولا ريال واحد فيه والغريبة انه شغال معي ولا حتى استفدت منه الا بشغله واحد بس اني اسدد الفواتير عن طريقة وبس وانا ما اسددها طبعا لكن اخواني سددزنها بس

[moramo]

انا من مصر بس عندى حساب فى الراجحى هو من احسن البنوك اتوقع فى السعودية لان تعاملته سريعة جدا وفيه كمان خدمات الكترونية من على النت ممتازة والتحويل دولى كمان موجود من النت

[ABU WSAM]

كل البنوك تعبانه

اول قلنا الراجحي وبعدين طلع طلعه عجيبه باللخبطه بالحسابات .

على طاري بنك البلاد

واحد من اقاربي قبل اربع ايام سحب من صرافت البلاد الف ريال طع له 400 والباقي 600 والرجال تورط يقول لازم اراجع بنك البلاد بالرياض الله يعين بس للمعلوميه ( الصرافه اللي معه صرافت البنك الاهلي وحسابه بالبنك الاهلي ) اعتقد ان هذي المشكله .


سامبا وما ادراك ما سامبا والله من النصب .

[vb3vb3]

سامبا الافضل وتقدر تسوي خدماتك جميعها من الهاتف المصرفي او النت

بالنسبه للتحويل من بنك سامبا الى اي بنك اخر في السعوديه يتم خصم رسوم قدرها 12 ريال فقط بناء على تجربتي في اكثر من تعامل

أنا الان اعمل في أحد البنوك بس من جد ابتعد عنه هو للحين ما احد ذكر اسمه

ههههههه بس والله هو اللي ياخذ الرسوم بقووووووووووه


بداح

[من الرياض]

يعطيكم العافية جميعاً ع النصايح


ابشركم فتحت بسامبا والشغله ماخذت شيء الا رسوم بطاقه ب 75 ريال


شكراً لكم جميعاً

[ZYTOON.NET]

بنك الراجحي رغم انه يدعي انه بنك اسلامي إلا أنه بنك نصاب والا وش اللي أحل لهم السرقة من حسابي 7.5 شهرياً... وعذرتم تدري وش هيه... قالوا حساب منخفض الرصيد... طيب يا جماعة الخير إذا الحساب منخفظ الرصيد ليه تزيدوني تلسون منه..

صدق من قال الحمل دايماً في ظهر الضعيف.

إما بالنسبة لأخلاق الموضفين فلا تسأل عنها أحسن لك.

[من الرياض]

^^^^

ما يحتاج اسال معروفين باخلاقهم الزفت الا ما ندر

يقال بأن الراجحي هو الافضل لمن يملك 100000 الف فما فوق

لانهم يعاملونك كآدمي حينها اما اقل من كذا فما يعطونك وجه !!!!!

[MANTEK]

الله يخس بنك الراجحي
يستغلون الدين ودع ما يريبك الى مالا يريبك وهم اهل الريبة كلها
كل البنوك لو مات صاحب القرض يسامحونه الا الراجحي لو مات صاحب القرض يروحون لعياله

الرياض (سبق) أحمد العضيب :
أثار حكم بسجن ولدي متوفى كان مدينا بقرض لمصرف الراجحي جدلاً واسعاً بين الورثة خصوصا وأنهم ابدوا استعداداً لبيع منزل لسداد المتبقى من القرض .

وحكم القاضي خلال جلسة عامة بسجن ولدين من ورثة المتوفي الذي كان قد أخذ القرض من مصرف الراجحي لبناء منزل لاسرته.

وطالب المصرف بتسديد قيمة القرض رافضا إعفاء الأسرة من المديونية بحجة وجود بيتين في تركة المدين .

ولم تمانع أسرة المتوفى في بيع أحد البيتين لسداد المبلغ ، لكن القاضي قرر سجن ولديه القاصرين ( 16 – 14 عاما ) لمدة شهرين حتى سداد المديونية ، ما سبب صدمة قوية للأسرة التي أطلق بعض أفرادها صيحات غضب داخل أروقة المحكمة.

ويحاول وكيل الورثة حالياً عمل ما يلزم لإيقاف الحكم على الشقيقين القاصرين قبل التنفيذ وأكد استعداده بالكفالة الحضورية والغرامية إنقاذا لهما وحفاظا على بقية الورثة .

[M. Al-Dhafeeri]

خلك مع البنوك الاسلاميه.. صحيح انه الحال من بعضه ولكن اهيا تعتبر الأفضل من الأسوء..

وكل واحد واللي يسعى له.. وربي يوفق الجميع ^^

[شبكة النظم]

كل البنوك توقعك بالربا
فلا مناص ولا مفر من الربا
فاحذر وابتعد افضل لك