يأهـــــل الحســـا القيصـرية شلــي جاهـــــا
شـــب الحـريــق بجذوعهــا مــــع ثراهـــا

ماتـــت جــــــدة الســــــوق القديـــــــمة
الله يجــــــبر عزاكـــــم فـــي عزاهــــــا

الله أكـــــــبر علــــى أيـــــــام تعــــــدت
أيــــام باقــــي طعمهــــا فـــي بقاهــــــا

القيصــــــرية مثـــــــل أم حنـــــــــــون
القيصـريــــة تعتـــــبر كـــــل ضناهـــــا

القيصـــــرية عنــــــوان كـــــل ضائـــــع
القيصـريــة تحتضـــن كــل مـن نصاهـــــا

القيصــــرية ماتـــت مع النـاس القديـــــمة
ماتــت وماتــوا آبائنــا وجدادنــا معاهــــــا

القيصــــرية ريـحــــــــة الأول مـــــن أول
القيصـريــة الله عطـى نـاس مـما عطاهــــا

القيصرية دكاكـين وأســـواق وعمـــدان ورواق
سقفهــا جـذوع والجـص والطـين مبناهــــــا

القيصـــرية عمـــــرت بيــــــوت كثــــيرة
وتربـت أعيــال أهــل سوقهــا في حشاهـــــا

وتعــارفـت نــاس في وسطهــــــا بالمحبــــــة
وربطــت روح الصداقـــة فـــي مداهـــــــا

القيصــــرية عــــــزت رجـــــال كثـــــيرة
القيصريـة ما خيبـت مـن دخلهـا أو وطاهــــا

القيصـــرية تضحـــك إذا تقبـــل عليهــــا
أطلــب أي شـىء حتـى لـو تطلـب صباهـــــا

القيصــــرية فيهــــــا أنـــــواع كثــــــيرة
مـن حبـة السـوداء إلى فراشـك مع غطاهــــا

القيصــــرية فيهـــــا رجــــــال خبـــــيرة
هـم أظبــاء طبهـم وعلاجهــم مـن دواهـــــا

القيصــرية فيهـــا بشــتك ولبســك وأكـلـك
فيهــــا عيــن ترتـوي مـــن شـرب ماهـــــا

القيصرية فيهـــا نعالـك وغـترتـك وعقــالك
وملابـس عيـالك وكــل شــىء قــد حواهـــا

القيصرية فيها قهـوة وهيـل وزعفران وزنجبيل
فيها العـود واللبان والشـب لعيون أحسداهـــا

القيصـــرية ســــوق الـهـــدم والنداديـــف
القيصـريـة شمعـة حسـبي علـى من طفاهـــا

القيصـــرية فيهــــا شـــــيوخ القبايــــــل
فيهـا رجـال أصايـل عشقهـم نسمـة هواهــــا

القيصـــرية فيهــــــا أبــــواب تهلــــــــي
تدخــــل مــن أي بــاب عينــك تراهــــــا

النعاثـــل يدخلــــون مــــن كــــل فتحــــة
والكـوت يقبلـون عليهـا مـن وجهـا أو وراهـــا

وأهـــل الرفعــــة صــــارت فـي وسطهـــــم
والحـواري كلهــا تجيهـا والصالحيـة معاهــــا

القيصــــرية ترحـــــب بالمبـــرز وأهلهـــــا
ومدينـــــة العيــــون وباقــــي قراهـــــا

وأهــــل القـــرى ونخيلهـــا شــرق وشمـــال
وأهـــل الهجــر والباديـة في قاصـي حساهــا

وأهــــل الخليــج والوافديــن جيتهـم محبـه
يقضـــي واحدهــم حاجتـه اللـي ما قضاهـــا

القيصـرية فيهـا أشياء قديمـة وهـي عديمــة
مـن يدور عليهـا في غيـر القيصرية ما لقاهــا

القيصــرية فيهــــا شيــــخ هــــو حبصهـــا
الحبــص رمــز القيصــريـة هــــو حلاهـــا

القيصـريـة تجمــع الشــايـب مــع صديقـــه
ويذكــر الواحـد منهـم سوالـف قــد نساهــا

القيصــريـة فيهـــا اللــي تغــزل غزلهـــــا
واللــي تبيـع رشوش وحنـا مع أرطـى أسقاهــا

القيصــرية فيهـا حدادين في صنعتهم جــداره
فيهــــا فـــــن ومهــــاره صعبــه أسواهــــا

القيصــريـة كــــم فكــت للمحتــاج أزمــــه
وشـــدت للتعبـان عزمـه وتعكـز في عصاهــا

القيصــريـة ما تقصـــر أن كسـبت ما تخســر
وأن يســــــرت ما تعســـــر الله حباهــــــا

القيصــريـة ذكـــرى جميــله وهــي جميلــة
كـــم صغيـر شـــاب وأحتمـــى في حماهــــا

القيصــريـة مسـتمدة روحهـا وطيبها من أهلهـا
وأهــل الحســا بالحيــل ما يعجبهـم سواهـــا

القيصــريـة عمارهــا يعمــر قلــوب حزينــة
ويجمــع شـتات نــاس ضاعــوا فــي ذراهــــا

القيصــريـة لازم ترجـــع الـــروح فيهــــــا
القيصــريـة لو تبــاع كـل بروحـه شراهـــا

القيصــريــة مــن عجايـب الدنيـا العجيبـــه
وهــي حبيبــة الله يعــز مـن يعـزز خطاهــا

القيصــريـة محبتهــا مــن محبــة هاالوطــن
والوطـــن غالــــي وآل سعــود أعضداهـــــا

فـي وطنــا ماينــام خايــف ومكســور خاطــر
كحامنــا للمعضــلات الموجعــه هــم شفاهــــا

ننتخــي فيهــم ولنــا حـــق فيهــم ننتخـــي
ونفتخـر وهم فخـرنا وللقيصرية هـم رجاهــا

والوفــــاء طبـــع حكامنـــا هــــو طبعهــــم
الله يعـــز حكامنــا في بدايتهـــا ومنتهاهـــا

وصلـــوا وسلمـــوا علـــى خيــــر البشـــــر
محمـــد هـادي النفـــس اللــي الله هداهـــا


وسلامتكم