:: اليوم حاجه غريبه شفتها في الصناعية .. ::

[Count Dracula]

السلام عليكم و رحمة الله و بركاته

أولاَ فاصل لسلامتك بإذن الله :
وأنا طالع للدوام متأخر علشان كذا مسرع على الخط السريع الرياض الدمام .. 160 كلم .. فيه صوت رجّه الكفر اللي على اليمين قدام .. وقفت .. شيكت عليه .. الهوا اوكي .. الكفر من برا اوكي .. قلت يالله بعد الدوام ان شاء الله امر البنشر و اسوي ترصيص للكفر ..
أنفجر وانا مسرع و لعبّت السيارة شوي بس الله عز و جل ستر علي و تكسر الصدام الأمامي و البدّي اللي فوق الكفر تكسّر .. ( أفيو 2007 أكيد بتسأل ) ..
حمدت الله على كل حال و ركبت مع احد الاصدقاء بسيارته و داومت ..

بعد الدوام طلعت لـ الخضرية و نزلت السيارة عند ورشة و جبت القطع المطلوبة ( اهمال رجّه خفيفة كلفني 1400 ريال مع شغل اليد ) وانتظرت عندي راعي الورشة الين يجي صديقي ويآخذني ( أحس انه تحسف انه تعرف علي :eek3: ) ..

المهم .. شفت بجنبي سيارة بيضاء كابريس وعليها شعارات واعلام نازية ( ستيكرات ) وفوق الشنطة من وراء صليب معقوف ( 卐 ) .. صراحة استغربت .. تفاجئت .. ما في بالي أسوي قضية او اكتب عنها بس قلت بشوف راعيها .. مع اني والله مو ذاك الشخص اللي يتدخل في شؤون الآخرين ولا أحكم على الشخص من مظهره ..بس حاجة غريبة ان اشوفها قدامي .. يوم جاء راعي السيارة و ركبها و شغلها .. لون البشرة كان سوف يقتل بسببه لو عاش في المانيا آيام أدولف هتلر ..
فهمتم قصدي أكيد ..
قلت له : السيارة للبيع ؟! :funny:
قال : لا

قلت في نفسي توووووبه مره ثانيه أسرع والكفر في رجّه .. :looking:

أخوكم كونت دراكولا

[saanina]

اهلين دراكولا
الحمدلله على السلامه
انافهمت سالفة السياره بس بصراحه عكفتها ودخلت بنا بجدار بسالفة السياره اللي فيها الصليب وهتلر ولون البشره ومدري وشو وبعد العكفه رجعت للسالف و قلت توبه اسرع والكفر يرج :looking:

يعني :
الكفر رج -> وقف وشيكت -> رجعت وكملت -> انفجر عليك كفر وتضررت -> رحت مع صاحبك -> لقيت سياره فيها شعارات -> تعجبت وحبيت تشوف راعيها شكله كيف -> شفت لونه غريب -> قلت توبه اني اسرع مره ثانيه !

مافهمت :shy:

[Count Dracula]

اهلين دراكولا
الحمدلله على السلامه
انافهمت سالفة السياره بس بصراحه عكفتها ودخلت بنا بجدار بسالفة السياره اللي فيها الصليب وهتلر ولون البشره ومدري وشو وبعد العكفه رجعت للسالف و قلت توبه اسرع والكفر يرج :looking:

يعني :
الكفر رج -> وقف وشيكت -> رجعت وكملت -> انفجر عليك كفر وتضررت -> رحت مع صاحبك -> لقيت سياره فيها شعارات -> تعجبت وحبيت تشوف راعيها شكله كيف -> شفت لونه غريب -> قلت توبه اني اسرع مره ثانيه !

مافهمت :shy:

حياك الله saanina والله يسلمك يارب ..
ما ابغى اقول لقيت كذا و كذا في الأخير وانتهت السالفة .. بتكون مملة شوي :con2: قلت يالله في الأخير خلني اقلب السالفة فوق تحت شوي

المختصر انت تعرف كي معتقدات النازية وانه لا لون يعلو على اللون الأبيض الخ الخ .. الرجّال اللي شفته كان لون بشرته أسود و كلنا عبيد لله عزّ و جل بس الحاجة الغريبة حاط شعارات النازية و كأنه يفتخر فيهم او شيء ..
صراحة أول مره واحد يلعّب في مخي شوي :funny:

[saanina]

الشعار مش شعار النازيه فقط
يمكن الاخ هندوسي والا مذهب ثاني :con2:
والا انه كاره اسرائيلي وقال خلينا نحب هتلر مافكنا منهم الا هتلر :funny:

والحمدلله على سلامتك اولاً واخيراً

[النجدي]

السلام عليكم ورحمة الله

اولاً الحمدلله على سلامتك , والله يعوضك عن اللي خسرته .. ولا تسرع مرة ثانية

ثانياً للاسف كثير يحطون شعارات مايدرون وش معناتها ! ولو سألت راعيها قلت له تعرف وش ذا شعاره ؟؟ ووش سالفة هالشعار ؟ وتعرف وش معتقدات اصحاب الشعار ؟ كان فتح فمه مايدري وش السالفة خخخخخخخ

كثير اشوفهم يحطون صور تشي جيفارا , ونصهم مايعرف اسمه ! ولا دولته ولا يعرف وش يمثل ! مجرد تقليد للغرب والرسول عليه الصلاة والسلام يقول : "لو دخلوا جحر ضب لدخلتموه" , ولا حول ولا قوة الا بالله !

وثانية مرة تذكر ( في العجلة الندامة , وفي التأني السلامة ) <--- خخخخ يبغى يسوي مثلك ويطلع من سالفة لسالفة .

ولك مني التحية,,

[Count Dracula]

الشعار مش شعار النازيه فقط
يمكن الاخ هندوسي والا مذهب ثاني :con2:
والا انه كاره اسرائيلي وقال خلينا نحب هتلر مافكنا منهم الا هتلر :funny:

والحمدلله على سلامتك اولاً واخيراً

لول شكله اكيد يكره اسرائيل بس العلم نازي ما فيها كلام :deal:
والله يسلمك ان شاء الله و يحفظك من كل شر .

[Count Dracula]

السلام عليكم ورحمة الله

اولاً الحمدلله على سلامتك , والله يعوضك عن اللي خسرته .. ولا تسرع مرة ثانية

ثانياً للاسف كثير يحطون شعارات مايدرون وش معناتها ! ولو سألت راعيها قلت له تعرف وش ذا شعاره ؟؟ ووش سالفة هالشعار ؟ وتعرف وش معتقدات اصحاب الشعار ؟ كان فتح فمه مايدري وش السالفة خخخخخخخ

كثير اشوفهم يحطون صور تشي جيفارا , ونصهم مايعرف اسمه ! ولا دولته ولا يعرف وش يمثل ! مجرد تقليد للغرب والرسول عليه الصلاة والسلام يقول : "لو دخلوا جحر ضب لدخلتموه" , ولا حول ولا قوة الا بالله !

وثانية مرة تذكر ( في العجلة الندامة , وفي التأني السلامة ) <--- خخخخ يبغى يسوي مثلك ويطلع من سالفة لسالفة .

ولك مني التحية,,

وعليك السلام والرحمة ديباج :app:
الله يسلمك ان شاء و يحفظك انا خلاص بنقل لمكان اقرب لعملي الأسبوع الجاي ان شاء الله وبخلي السرعة - 160 كلم ( بالسالب .. ريوس .. ) .

وكثير مثل ما تفضلت يحطون الشعارات ولا يعرفون شيء عنها .. بس ياليت اللي يحط شعار يكون عارف الشعار وش يرمز له على الأقل .. :con2:

انا لاقيها من الرجّال ولا لاقيها منك اخوي ديبااااج :anger2:

[t7t7.com]

اكره اجي الرياض بسبب اهلنا وربعنا الله يهديهم اقل شي يمشون 160 .. ليه سلامات ؟؟؟؟؟

بالكويت 120 والكاميرات بكل مكان يرجل اي صوره غرامه 120 دينار تقريباً مع سجن مدري كم شهر

وحلات الواحد شكاك بسيارته

يعني يمشي من يحس بشي يوقف عند اقرب كهربائي او فني يتأكد .
^
صابتني هالحاله اول ماشريت LS430 .. كل 100 متر اوقف اتاكد هههههههههههه :$ < امزح لاحد يصدق 100 متر اقصد 100 كيلو لول

[Count Dracula]

اكره اجي الرياض بسبب اهلنا وربعنا الله يهديهم اقل شي يمشون 160 .. ليه سلامات ؟؟؟؟؟

بالكويت 120 والكاميرات بكل مكان يرجل اي صوره غرامه 120 دينار تقريباً مع سجن مدري كم شهر

وحلات الواحد شكاك بسيارته

يعني يمشي من يحس بشي يوقف عند اقرب كهربائي او فني يتأكد .
^
صابتني هالحاله اول ماشريت LS430 .. كل 100 متر اوقف اتاكد هههههههههههه :$ < امزح لاحد يصدق 100 متر اقصد 100 كيلو لول

والله آمنت بالله و ان شاء الله اني تبت بعد مالعبت السيارة في راعيها :eek3: :funny:

[Secur1ty]

السلام عليكم ورحمة الله

اولاً الحمدلله على سلامتك , والله يعوضك عن اللي خسرته .. ولا تسرع مرة ثانية

ثانياً للاسف كثير يحطون شعارات مايدرون وش معناتها ! ولو سألت راعيها قلت له تعرف وش ذا شعاره ؟؟ ووش سالفة هالشعار ؟ وتعرف وش معتقدات اصحاب الشعار ؟ كان فتح فمه مايدري وش السالفة خخخخخخخ

كثير اشوفهم يحطون صور تشي جيفارا , ونصهم مايعرف اسمه ! ولا دولته ولا يعرف وش يمثل ! مجرد تقليد للغرب والرسول عليه الصلاة والسلام يقول : "لو دخلوا جحر ضب لدخلتموه" , ولا حول ولا قوة الا بالله !

وثانية مرة تذكر ( في العجلة الندامة , وفي التأني السلامة ) <--- خخخخ يبغى يسوي مثلك ويطلع من سالفة لسالفة .

ولك مني التحية,,

هههههههههه لايكون تشي جيفارا الشيوعي أبو شعر زين هذا اكثر صورة في النت كله
عشان شكل شعره بس ويستخدمه بعض الهكر في اختراقتهم يضنون انه زي صوره الهيكل العضمي وشكله حق مضارب ولا يدرون وش السالفة

[تونتي للتصميم]

آول شي الحمدلله على السلامة في الحديد ولا فيكــ ...

______________________________________________________

والله يآخوك لاتتفاجاء عآدي ...

الحين تشوفلك بزر مع سيارة واحط لي شعار والا كلام والله لو تقولة وشو هذا قال مادري ..

قبل فترة تقريباً شهرين ..

واحد كآتب على القزازة اللي ورا وكاتب فيها !!

( Your sister with me )

شفتو قلة الادب بعينة وعلمة !!

والله قلة آدب صآيرة ووقاحة والا الثاني حاطلك صورة لميس !!

والا خذلك هذا حاط على الاصطب اللي ورا

(technology boy)

يالله حلهآآ والله من الفداغة ..

والا اللي سافر لندن وكآتبلي ورا

فتى لندن بالعربي وبالانجليزي (London Boy)

يآآناس وربي جيل الاطفال في ايامنا هذي مايفكرون والله ..

يعني لو تشوف واحد بكرة حاط مساحات اعلانية على سيارتة عآآآآدي

يعني علشان كذا آقولك

Take it easy

[mad921]

وش مشكله طيب ...؟

[Count Dracula]

هههههههههه لايكون تشي جيفارا الشيوعي أبو شعر زين هذا اكثر صورة في النت كله
عشان شكل شعره بس ويستخدمه بعض الهكر في اختراقتهم يضنون انه زي صوره الهيكل العضمي وشكله حق مضارب ولا يدرون وش السالفة

اووه اخوي Secur1ty ..ذكرتني !
مجرم بهّذل شرطة إمريكا إلين قتلوه وصار اسطورة !
طبعاَ السطر السابق تفسير ولد جارنا ومثل ما تفضلت تماماَ :app:
طبعاَ قلت له :
يا اخي تعجبني يا ولد مبارك !!

[Count Dracula]

آول شي الحمدلله على السلامة في الحديد ولا فيكــ ...

______________________________________________________

والله يآخوك لاتتفاجاء عآدي ...

الحين تشوفلك بزر مع سيارة واحط لي شعار والا كلام والله لو تقولة وشو هذا قال مادري ..

قبل فترة تقريباً شهرين ..

واحد كآتب على القزازة اللي ورا وكاتب فيها !!

( Your sister with me )

شفتو قلة الادب بعينة وعلمة !!

والله قلة آدب صآيرة ووقاحة والا الثاني حاطلك صورة لميس !!

والا خذلك هذا حاط على الاصطب اللي ورا

(technology boy)

يالله حلهآآ والله من الفداغة ..

والا اللي سافر لندن وكآتبلي ورا

فتى لندن بالعربي وبالانجليزي (London Boy)

يآآناس وربي جيل الاطفال في ايامنا هذي مايفكرون والله ..

يعني لو تشوف واحد بكرة حاط مساحات اعلانية على سيارتة عآآآآدي

يعني علشان كذا آقولك

Take it easy

الله يجزاك خير و يسلمك اخوي تونتي وزي ما تفضلت يمكن بكرا تشوف اعلانات google adsense على سيارات عرابجة الرياض :con2:
يالله بس حبيت اوضح لكم اللي لعب في مخي شوي

[Count Dracula]

وش مشكله طيب ...؟

ما فيه مشكلة mad921 ويعلم الله ماقد حكمت على شخص من مظهره او ملبسه .. بس اللي صار لي كانه مقلب :eek3: