تكفوون المساعدة بخصوص بطافة الاحوال (بدل فاقد)

[.. نسيم الليل ..]

السلام عليكم ورحمة الله وبركاته

أعضاء سوالف الاعزاء

بدأت قصتي قبل اسبوعين تقريباً كنت دايم اشيل المحفظة في جيبي ودايما فيها بطاقة الاحوال ..

يوم من الأيام جيت طالع من البيت وادور يمين يسار والله مافيه اثر للمحفظة ..

مشيت بدون بطاقة لين قريت شروط اختبار القدرات وانه لازم اصل بطاقة الأحوال وقلت لازم أطلع لي بدل فاقد وأنا للحين ماسويت أي شيء ..

بكرة راح اروح للأحوال المدنية وآخذ النماذج الخاصة باستصدار بطاقة بدل فاقد ..

لكن اللي اطلبه منكم انكم تعطوني أسهل وأسرع طريقة للحصول على البطاقة .. بدون تعقيد أو اي شيء

يعني أقول انها انسرقت مثلا والا اقول فقدت مني والا اقول تلفت .. وش افضل شيء يمشوونه

++

ودي تجيني البطاقة البديلة قبل اجازة الحج 4/12



ملاحظة // عندي صورة وااضحة للبطاقة واعرف كلمة السر اول ماطلعت البطاقة
علماً بأن البطاقة من يوم طلعتها اول مرة كانت من الجديدة الممغنطة واللي فيها شريحة




انتظر المساعدة

[علي العتيبي]

السلام عليكم

رح للأحوال وأطلب بدل فاقد

وراح يعطونك ورقة إنك بطاقتك مفقودة ويسون على بطاقتك

بلاغ وبهذا الوقت راح يعطونك ورقة رسميّة إن بطاقتك مفقودة

تقدر تقدمها للقياس دليل اثبات

[.. نسيم الليل ..]

^^

يمديني في نص ساعة أسوي الاجراءات !!

لأني اطلع من المدرسة الساعة 1.10 تقريبا

وعلى مااوصل للأحوال الا الساعة 1.30

ودوامهم لين الساعة 2 ..



---


وش آخذ معي بالضبط عشان مااحتاج ارجع وآخذ اشياء اضافية


آخذ معي 2 شهود وقت ماأروح ؟

أو اي أرقام ، صور ، كرت عائلة ، أي اثباتات ثانية ؟

[نادر الزهراني]

كان الله بعونك اخوي .. نسيم الليل .. على الأحوال

سؤال
في موضوعك ذاكر

ملاحظة // عندي صورة وااضحة للبطاقة واعرف كلمة السر اول ماطلعت البطاقة

وش قصدك كلمة السر لانها مامرت علي (( جديدة )) :funny:

تونا البطاقة ابو الطقة القديمة :app:

[محمد الثقفي]

والله لسه مطلع بدل فاقد قبل 6 شهور

شوف اولا ً

تروح تقدم وتاخذ نموذج بدل فاقد

خذ معاك صور شخصيه ملونه "روح للمصور وقول ليه صور لبطاقة احوال وهو يفهم "

لازم تاخذ اثنين شهود " يفضل اقربائك" او جيران وبطاقات احوالهم

عندما تذكر سبب الضياع لاتتعب نفسك اكتب مثلا اضعتها في مكه


المشكله اللي راح تصير معاك

ان حاليا اللي يفقد البطاقه لازم اوراقه تروح لمدة 14 يوم تقريبا ً للاستخبارات او المباحث لا اذكر بالضبط

عشان يشيكوا على معلوماتك واذا في اي شي لاقدر الله حصل عن طريق بطاقتك

وبمجرد مايتأكدوا يرجعوا اوراقك للاحوال وتتصور وتاخذ البطاقه الجديده


اذا كنت تبغاها بسرعه شوف واحد تعرفه يمشي لك الامور بشكل سريع في الاستخبارات حتى ترجع اوراقك خلال يومين او ثلاث للاحوال


طريقه مفيده :

روح قدم اوراقك واعمل كل شي

ثاني يوم روح اجلس عند المكتب اللي يستلم منه مبعوث الاستخبارات الملفات

هو شخص يأتي بشكل شبه يومي لاستلام الملفات ويرجعها خلال 14 يوم

ممكن تنشب فيه مثل مافعلت انا وكلمته وقال لي ابشر راح احاول اخلصها لك وصدق الراجل وجابها اليوم الثاني وخلص في ثلاث ايام تقريبا


في النهايه القانون هو القانون اذا مشيت بشكل رسمي راح تاخذها بعد 14 يوم




ملاحظه مهمه جدا جدا :

اذا طلعت بدل فاقد ووجدت المحفظه مستقبلا ً ان شاءالله

انصحك باتلاف البطاقه القديمه واحراقها حتى لا تدخل في مشاكل مع القانون لاقدر الله


موفق

[mad921]

مايحتاج تاخذ شهود خذ صوره لبطاقه الأحوال لأثنين وعب نموذج وصوره لبطاقتك المفقوده

وصور شخصيه اربعه في سته

بس ماراح تطلع الى بعد اسبوعين من الأرشيف


برايفت :: مامعك رخصه او تصريح او جواز سفر تقدر تدخل به

وسمعت من واحد تالفه بطاقته راح مدرسه بصورته و ختموها له بأسمه

وغيرها من بيانات مر على الوكيل عندكم واستفسر منه عن ورقه هاذي وان شاء الله

يفيدك

[Ameen Al-Harbi]

لازم تاخذ اثنين شهود " يفضل اقربائك" او جيران وبطاقات احوالهم

مدري من وين جبت هالافضلية ؟

ان حاليا اللي يفقد البطاقه لازم اوراقه تروح لمدة 14 يوم تقريبا ً للاستخبارات او المباحث لا اذكر بالضبط

عشان يشيكوا على معلوماتك واذا في اي شي لاقدر الله حصل عن طريق بطاقتك

اذا كنت تبغاها بسرعه شوف واحد تعرفه يمشي لك الامور بشكل سريع في الاستخبارات حتى ترجع اوراقك خلال يومين او ثلاث للاحوال

ثاني يوم روح اجلس عند المكتب اللي يستلم منه مبعوث الاستخبارات الملفات

هو شخص يأتي بشكل شبه يومي لاستلام الملفات ويرجعها خلال 14 يوم

ممكن تنشب فيه مثل مافعلت انا وكلمته وقال لي ابشر راح احاول اخلصها لك وصدق الراجل وجابها اليوم الثاني وخلص في ثلاث ايام تقريبا


في النهايه القانون هو القانون اذا مشيت بشكل رسمي راح تاخذها بعد 14 يوم

انت كلمت الرجال اللي من الاستخبارات ؟ وقال لك انا من الاستخبارات ؟ وساعدك ؟

سؤال بريء يقرقع في صدري, انت سعودي أساساً ؟

الغريب انك مشرف

[Ameen Al-Harbi]

خذ العلم اللي يجمد على الشارب

لو بطاقتك مصدرها من نفس المدينة اللي انت تبي تصدر بدل فاقد منها, فقط قدم الطلب وصور بطاقة احوال اثنين معرفين, ما يحتاج وجودهم انت وقع بدالهم في النموذج وارفق صور بطاقاتهم.
اذا سلمتهم اوراقك الصبح ترجع بعد الظهر تستلمها.

أما لو كان المصدر مدينة اخرى لازم تنتظر 14 يوم الا أن يتم ارسالها للمصدر للتأكد ان لديهم أصل ملفك اللي قدمته, ويردون للاحوال اللي انت مقدم عليها بعد 14 يوم. وبعدين تستلم البطاقة في نفس اليوم.

استأذن من مدرستك ولك حق تستأذن وعذرك عذر رسمي مقبول او غب وجب لهم ثاني يوم البطاقة يتأكدون من تاريخ اصدارها ويعتبر عذرك رسمي مقبول.

طبعاً بتلقى كثيرين يحاولون يستغلونك وينصبون عليك, يبيعونك معروض بـ 10 ريال واوراق مالها داعي, لا تهتم لكل هالخرابيط. ادخل وخذ ابلكيشن بدل فاقد/تالف من داخل.

الاعلان لا يشترط الغوه من زمان, وأساساً ماصاروا يعتبرونه اخلاء مسؤولية, حالياً مالك الا تصدر بدل فاقد فقط.

واذا تبي اتصل على وكيل مدرستكم اتوسط لك ماعندي مانع

الله يوفقك

[1tesh]

الله ياعينك

لزم تبلغ عنه وتجلس فتره

فوق شهر

وتحقيق وقلق

ويعطونك بعدين

[سليمان عبدالعزيز]

مدري من وين جبت هالافضلية ؟







انت كلمت الرجال اللي من الاستخبارات ؟ وقال لك انا من الاستخبارات ؟ وساعدك ؟

سؤال بريء يقرقع في صدري, انت سعودي أساساً ؟

الغريب انك مشرف

وشوله التحجير :funny:
سلك تعش تنتعش

[محمد الثقفي]

اهلا S.Wanderer

الله يحييك ونعم انا سعودي

الافضليه حتى اذا سألوهم يجاوبوا وبمجرد مايعرفوا انهم اقاربك ينتهي الموضوع
وكلها كم توقيع وخلصنا

انا ماسألت الراجل اذا هو من الاستخبارات او لا لانه اصلا ليس من حقي والمفروض مايجاوب

فقط سألت اللي شغال بالمكتب وهو قال لي ان في واحد يجي من طرفهم كل يوم ياخذ هذه الملفات تعال واستناه وكلمه وهذا ما فعلته بكل سهوله لان كنت محتاج تطلع البطاقه بسرعه

وسبب سؤالي له هو انني فهمت منه ان الملفات تتحول وقلت مافي غير ان اتكلم مع هذا الشخص عشان اخلص اموري بسرعه


شغل مخك تمشي امورك بسرعه


سؤال لك :
ما الرابط بين انني سعودي اساسا والغريب كوني مشرف؟ وما الهدف من سؤالك والخروج عن الموضوع ؟

[Saleh AlMatrafi]

عندي طريقة سهلة جداً تخليك تطلع البطاقة خلال يومين

إذا تعرف أي واحد عنده بطاقة ثانية يعني مثلاً لقى بطاقته القديمة بعد ما طلع بدل فاقد

خذها من عندها وخليها تاخذ كم لفة في الغسالة والغي ملامحها بس على الاقل توضح انها بطاقة احوال

وروح ودها لهم وقول ابي غيرها بس

بدون سين وجيم

[Ameen Al-Harbi]

اهلا S.Wanderer

الله يحييك ونعم انا سعودي

الافضليه حتى اذا سألوهم يجاوبوا وبمجرد مايعرفوا انهم اقاربك ينتهي الموضوع
وكلها كم توقيع وخلصنا

انا ماسألت الراجل اذا هو من الاستخبارات او لا لانه اصلا ليس من حقي والمفروض مايجاوب

فقط سألت اللي شغال بالمكتب وهو قال لي ان في واحد يجي من طرفهم كل يوم ياخذ هذه الملفات تعال واستناه وكلمه وهذا ما فعلته بكل سهوله لان كنت محتاج تطلع البطاقه بسرعه

وسبب سؤالي له هو انني فهمت منه ان الملفات تتحول وقلت مافي غير ان اتكلم مع هذا الشخص عشان اخلص اموري بسرعه


شغل مخك تمشي امورك بسرعه


سؤال لك :
ما الرابط بين انني سعودي اساسا والغريب كوني مشرف؟ وما الهدف من سؤالك والخروج عن الموضوع ؟

الرابط اني كنت شاك في انك سعودي, كلامك غريب وما ينبلع, شكلك راجعت ادارة الاحوال المدنية في جزر الواق الواق.

المعرفين يطلبون توقيعهم في الابلكيشن وصور بطاقاتهم ولا يستوجب حضورهم, من قال لك انه يتم استجوابهم ؟

الدعوة لا فيها استخبارات ولا سين وجيم والحين اصدار بدل الفاقد/التالف سهل جداً أسهل منه قبل الاحداث الارهابية.

اي سعودي جرب يطلع بدل فاقد يعرف انه اذا سلمتهم اوراقك الصبح تستلمها بعد الظهر, بالكثير اليوم الثاني, الا لو قدمت طلب فاقد في الدمام ومصدر بطاقة احوالك الرياض على سبيل المثال, في هالحالة يرسلون لمصدر بطاقة الاحوال يتأكدون من وجود ملف الأساس. وفي هالحالة تاخذ 14 يوم, ولو انت سافرت للمدينة اللي اصدرت منها بطاقتك راح تطلعها في يوم.


تقول :

ممكن تنشب فيه مثل مافعلت انا وكلمته وقال لي ابشر راح احاول اخلصها لك وصدق الراجل وجابها اليوم الثاني وخلص في ثلاث ايام تقريبا

الحين جابها اليوم الثاني ؟ ليش اخذت 3 ايام طيب ؟ بمجرد وصولها من المصدر يسلمونك بطاقة بديلة في نفس اليوم.
لو بطاقتك كانت من مدينة مختلفة, معك واسطة ولا مامعك الـ 14 يوم لازم تاكلها, لان المسألة مرتبطة ببريد رسمي, لو مستعجل خذها من قاصرها وسافر للمدينة اللي طلعت منها بطاقة الاحوال
ولو من نفس المدينة معناته تطلع في نفس اليوم بدون فضل أحد.

طيب عندي لك سؤال بريء ثاني..

انت تقول :

الافضليه حتى اذا سألوهم يجاوبوا وبمجرد مايعرفوا انهم اقاربك ينتهي الموضوع
وكلها كم توقيع وخلصنا

طبعاً انت اكيد جبت معاك شهود.. لانك تقول كملت اوراقك رسمي قبل سالفة الاستبخارات
هل فيه احد حقق مع هالشهود ؟ وكم عدد التواقيع اللي وقعوهم عليها بعد سؤال الشهود


معليش اخوي بس كلامك موب منطقي, مدري هي وسيعة ماقدرت انا ابلعها ولا انت مضحوك عليك وطبيت في ناس بالأحوال المدنية عملوا فيك مقلب.

[محمد الثقفي]

احوال مدنيه ومضحوك علي ومقلب ؟؟؟!! ماتجي

اخوي البطاقه مصدرها جده وانا رحت ايضا لاحوال جده

يعني مافي داعي الف وازيد وارجع اعيد كلامي

سلمت الاوراق المطلوبه وقالوا لي 14 يوم وتجي قلت ليهم ليش ؟
قالوا لازم تروح على الاستخبارات ويشيكوا عليها وبعدين ترجع تتصور وتستلم بطاقتك في نفس اليوم

قلت ليهم انا محتاج البطاقه تكون عندي في اسرع وقت وكلمت واحد كان بالطابق الثاني في احوال جده وقال لي :
كل يوم يجي مبعوث من الاستخبارات ياخذ الملفات وماليك غير انك تستناه وتكلمه وهذا اللي عملته "ثاني يوم"

كلمته وقال لي اوكي و "ثالث يوم" رحت الاحوال ولقيت ملفي موجود ومختوم وكل شي تمام ونزلت اتصورت واخذت البطاقه وسلام عليكم

الدعوة لا فيها استخبارات ولا سين وجيم والحين اصدار بدل الفاقد/التالف سهل جداً أسهل منه قبل الاحداث الارهابية.

اخوي هذا اللي صار معاي بشكل شخصي ومااتوقع ان في داعي ان اغير من اللي صار معاي ودك تقتنع اقتنع لان شايفك مو مقتنع بكلامي "ايش استفيد انا لو اقول كلام ثاني"

الراجل طالب مساعده قلت ليه اللي صار معايه وايش عملت

بالنسبه للشهود هذا المطلوب منهم كان "حضورهم" عشان يوقعوا

ماافتكر كم توقيع صراحه بس بالاحرى هو واحد مع وجود صور من بطاقاتهم

ولا في لا سين ولا جيم هذا شي يرجع للاستخبارات فقط ان وجدوا شي اثناء التدقيق

والسلام عليكم ويعطيك ربي الف عافيه وارجوا ان تعفيني من الاسئله البريئه الاخرى

لان ماراح ارجع اعيد نفس الكلام

[.. نسيم الليل ..]

مشكووووورين كلكم

وماقصرتم ..

رحت اليوم واخذت النموذج وطلب مني 2 شهود + صورة 3×4

<<~ اخلي الشهود يوقعون في النموذج من دون مايروحون عندهم !!

والا لازم يوقعون هناك ..