تم ايقاف عضويتي في ترايدنت لهذا السبب

[لمسات]

بيانات التصميم

Traidtn kingdom المبلغ : 500 ريال
عدد المواقع : 8 مواقع
مدة التركيب : 24 الى 48 ساعة
تاريخ الاصدار : 2/8/2008م
النسخه : 3.7.0 فما فوق
الامكانيات :
كتابة إسم الموقع
ختم رابط الموقع على اغلب هيكلة التصميم
تركيب خمس هاكات رئيسيه



يعني مردود التصميم 4000 ريال

ياليت تعيد ترايدنت النظر في السعر

كتبت هذا الموضوع في سوالف بتاريخ 05-08-2008,

يعني تقريباً من ثلاث شهور وتفاجاأت قبل يومين ان عضويتي توقفت في ترايدنت

كلمت واحد ماقصر يستفسر عن الموضوع طلع سبب الايقاف هو هذا الموضوع اللي كتبته في سوالف


طبعا انا عضو فقط وترايدنت موقع مشهور الكثير يحاول ان يكسب وده حتي لو كانوا علي خطاء

فارجوا ان تكون منصف في الحكم قبل ان تضيف ردك علي الموضوع


انا ماهمني عضويتي في ترايدنت ولا همني الموقع كله

اللي قاهرني ليش حنا العرب تفكيرنا نبنيه علي الحقد وعدم قبول وجهات النظر

ليه حنا العرب دايم شعارنا ((رايك احتفظ فيه لنفسك))

ليه الغرب ينتقدون بوش في التلفزيون قدام العالم ومحد يقولهم شي لانهم يحترمون وجهات النظر

اناكتبت الموضوع في سوالف بدون اي سب او تجريح

فقط قلت

ياليت تعيد ترايدنت النظر في السعر

اخواني ابي رايكم بصراحه ؟ الي متي ماعندنا حريه في طرح وجهات النظر؟

[Legend KSA]

ما ودي ارد اخاف عضويتي بعد تتوقف في ترايدنت

بس تبي الجد

الصراحه من قام بعضويتك فهو جاهل اذا كان السبب كما ذكرت

بالفعل لماذا اكثر المواقع لا تتقبل الانتقاد ؟؟


الله يعين

[فتى الخفجي]

علم عليهم اكس فايف تراه مخوفهم واللي عطاك باند اكيد انه جاهل متاكد

لو تروح لاكس فايف صدقني مايقصر ورجال محترم وحقاني الله يوفقه

[رقيق المشاعر]

مثل ماقال فتى الخفجي

كلم الاخ احمد ومارح يقصر وياك

[أحمد الرشيدي]

ماتوقع السبب كذا واذا فعلاً كذا

فهي مصيبه والله !

[عربي 2]

اخوي

المفترض دخولك الى ركن الشكاوي لديهم للسؤال عن السبب

وماعليك الا طلب اكس فايف او الاتصال به

لان الموضوع اكيد فيه لبس مو معقوله باند لهذا السبب

[Bo.khaled]

لهدرجه مافي تقبل لوجهه النظر

مافي ديمقراطيه كلش ولا تقبل النقد

اخي خلك على سوالف افضل مناقشات، حريات ،تلقى في الشي المفيد

ترايدنت يعتمد على كم وليس الكيف للاسف والله

ابسط مثال شوف قسم التطوير الموقع كله سكربتات والرود الى مامنها فائده والاعضاء الطيبين اكثرهم شركات الله يستر عليهم

كل الشكر لاداره سوالف سوفت للحريه الى موجوده

[مشعل الشوق]

ماتوقع السبب كذا واذا فعلاً كذا

فهي مصيبه والله !

اتفق مع هذا الرد ,

اذكر انة تم ايقاف عضويتي في ترايدنت في عام 2005م
وكنت من اوائل الاعضاء المسجلين

لسبب تافهه جداً اخجل عن ذكرة ,

حقيقة ان لايروق لي ترايد نت واحس انة موقع اطفال ومراهقين
يعجبني سوالف سوفت لأن كل الموجودين فية ناضجين , ويعطون حرية كبيرة
للنقد حتى وان كنا ننقدهم فهم لايفعلون شي . وهذا دليل على الرقي

[majed54]

معقوله وصلنا لها المراحل من التخلف
لكن مثل ماقالوا الاخوان ما اعتقد ان تركي او احمد يعرفون بالموضوع هذا

المشكله الحين معظم المشرفين في ترايدنت بزارين واحدهم شاف نفسه من يوم صار مشرف ويقفل موضوع هذا ونقل موضوع هذا وصار المعهد ماتقدر تتكلم فيه الا تخاف يقفلون موضوع

الواحد لما يكتب موضوع تكون احتمالية اغلاقه 50% ^_^

يقولون لك مسودات ومدري شنو ايش التعقيد هذا

اتمنى لترايدنت كل التوفيق لكن بصراحه بتصرف بعض المشرفين الجاهلين فيها راح يفقد الموقع قوته ومكانته

[ميادين]

بيني وبينك الشخص اللي قام بإغلاق عضويتك هو جاهل بمعنى الكلمة لانه صار عنده غيره بسبب التصميم وانت مو الاول لا حبيبي انا قبلك وبعضهم في المنتدى انه خلاص صار مشرف يعني صار توب مع احترامي للجميع لكن انا ترايدنت ما تحترم وجهات نظر احد نهئيا وذلك بسبب التطفل اللي حاصل بالمنتدى ومنتدى ترايدنت منتدة اعتبره غير جيد من ناحية الاعداد للمشرفين احيانا يتقبلون والاخر لا يتقبل ليش لانه ليس هناك مراقبة من قبل مسؤولي الموقع ..

المهم بإختصار شديد انا عضويتي تقفلت مرة ورجعت بسبب اني نزلت تصميم وعليه شعار لموقعنا وازيدك من الشعر بيت وبعد ما نزلت التصميم عمل اغلاق للموضوع تبعي ليش لانه تصميم ليس برابط مباشر للتحميل ههههههههه

على العموم ترايدنت استفيد منها لتحميل السكربتات فقط لا غير وانا ما راح استفيد منها بأي شي اخر ..

[oO(الباسل)oO]

المهم بإختصار شديد انا عضويتي تقفلت مرة ورجعت بسبب اني نزلت تصميم وعليه شعار لموقعنا وازيدك من الشعر بيت وبعد ما نزلت التصميم عمل اغلاق للموضوع تبعي ليش لانه تصميم ليس برابط مباشر للتحميل ههههههههه

..

اخوي ميادين ! هذا قانون وشرط تلتزم به بعدم وضع روابط خارجية والاكتفاء بروابط تحميل مباشره وهذا شئ رائع للاعضاء والزوار لك ولغيرك اغتنام للوقت ومن حق الادارة والمعهد تعمل هذا الشئ واخذ الزبده من الموضوع بدون لف ودوران .. اما انك تكتب موضوع بطول وبعرض واخر شئ تضع رابط يجبر الزائر بالتسجيل بمنتداك او بموقعك ليش !هذا يعتبر اعلان للموقع والادارة تمنع مثل هذه الاشياء ...تبي تعلن عن صفحه من صفحاتك توجهه لصفحة الاعلانات وانظر للاسعار .. حالك من حال المعلنين او ان الموضوع سوف يكون هناك ظلم ... وانت قلتها بنفسك! انزل السكربتات منهم !! ترايدنت وفرت لكم مركز تحميل لترفع تصاميمك او ملفاتك لتشارك بها الاخوه اعضاء المعهد وزوارها والمرفقات مفتوحه للزوار والاعضاء

وبنسبه للاخ لمسات! انتظر الرد قريب قد يكون هنا خلل في الموضوع! ام انك تقول قضية انك علقت بان السعر غالي وتم اعطائك باند فهذا الكلام لايدخل المزاج ! وانا كلمت الاخ بوغدير للنظر في الموضوع

وايضاً بقضية الاشراف ! الاعمار تبدا من 19 الى 29 سنه ! يعني الي يقول اطفال يثبت لك ! وحتى وان كان فهو يطبق قوانين وشروط تضعها الادارة تصب في مصلحة المعهد بدرجة الاولى ومن ثم بالدرجة الثانيه لزوار المعهد ! وكل موقع له حرية التصرف انت شخصياً لاشأن لك .. ان عجبك الوضع اهلا وسهلا ماعجبك! لاتتقعد تتكلم فالناس مايرضون تتكلم من وراهم وهذه طبيعة الانسان مالها داعي وعيب واي خطأ من المفترض تحاسب عليه هنا وهناك

كل الشكر والتقدير تحيتي اخوكم سعد

[oO(الباسل)oO]

اخ لمسات! اتاني رد من الاخ تركي ! بان هناك خلل بالموضوع وسوف يتخذ الاجراءات بذلك وينكر كصاحب المعهد الاتهام بان وجهة نظرك بالتسعير تم اعطائك باند . اعتقد بالموضوع سوء فهم او اخطاء .. والانسان ليس معصوم من الخطأ

وهو يعتذر لك ! ومستعد يتاسف لك بمكالمتك هاتفياً ان اردت ..وهذا مو شئ غريب على انسان صريح ومحب مثل بوغدير جزاه الله الف خير

وهذا بريدي abo_turki@msn.com اذا اردت ارسال رقمك عليه

والله اعلم / حبيت اساعدك وافيدك بالموضوع

[صحراء]

oO(الباسل)oO
ماشاء الله مدافع جيد

بعدين المشرفين ماهم كلهم فوق 19
اعرف ناس مشرفين اعمارهم 16 خلها مستورة

[oO(الباسل)oO]

oO(الباسل)oO
ماشاء الله مدافع جيد

بعدين المشرفين ماهم كلهم فوق 19
اعرف ناس مشرفين اعمارهم 16 خلها مستورة

هلا اخوي الصحراء .. والله ماعندي علم عن اعمارهم بس كلام الاخ تركي اعمارهم من 19 الى 29 وهذا يمكن من طرف تركي

يظهر ان الادارة عندهم متشعبه وكل واحد يعيين على كيفه وبمزاجه او بالواسطة لانها تلعب دور كبير ... فالله يعين هذا اعتقد اخطاء بالتحكم الاداري

وباعتقادي الملاحظه يمكن عندهم التعيين بعدد المشاركات وكثرة المواضيع وتواصل وكثرة العضو بقسم معين يتم تعينه على حسب وجهة نظر الاداري ... ولا اهتمام

بالتخصص وبالخبرة وبالاسلوب لذاك الزود ..

بس بشهادة حق اعرف ناس اعمارهم 16 و17 و 18 ماشاء الله قمة بالخبرة والتطوير والعلم لاكنهم مو بترايدنت ولا في سوالف (مستقلين)

اذا كان كلامك صحيح ياصحراء ! فلا لي تعليق اكثر مما ذكرته اعلى ! انا مجرد علاقتي جيده فقط مع بوغدير فلا اعرف اي شخص غيره من ادارة ترايدنت @ فسوف اتحدث معه مرة

اخرى لتعديل مايحصل

[majedona]

طيّب وش دخّل العرب في السالفة ؟

فيه عرب يقبلون النقد .. وفيه عجم لايقبلون ..

والشباب اللي ردوا عليك كلهم عرب واستنكروا الموقف ..