يا أهل الكويت وشلون أسعار ....

[Khalid S. AL-Ghamdi]

السلام عليكم ورحمة الله وبركاته

كل عام وأنتم بخير

بغيت أسئل الأخوة اللي من الكويت الحبيب
عن أسعار السيارات الأمريكية الجديدة هل فعلاً نزلت اسعارها
عن ماكانت عليه في السابق



دمتم بحفظ الله

[هورنت]

لا ياخوي مافي شيء للحين

بس يحطون كل فترة بالجرايد صور لسيارات ويقولون " تحطيم الاسعار "

سابقا السعر 9000 دينار وحاليا 8888 دينار <<<< وين تحطيم الاسعار ؟

خلها على الله وانا اخوك ,, حنا في الخليج عموما اخر من يوصلهم تخفيض في الاسعار , مو بس بالكويت


والله المستعان واعلم

[Waleeed]

لاحظت اسعار الفورد الفكتوريا صار الوكاله 5600 .. واتوقع كان سعره اول فوق 6 الاف صحيح ؟؟

وخبر سمعته امس بديوانية يقولون ههههههه ان الساير عنده كوامري 2005 نظيييييفه باسعار خياليه وقسط 35 دينار < قسط ثلاجة البيت هههههههههههه >بروح لهم اليوم او بكره وبتأكد بنفسي ^_^

اما من ناحية الاسعار ماطاحت حيل حيل .. بس حسب ماعرفه انها بتنزل والعروض الحاليه تصفية لأخر العام ..

[Khalid S. AL-Ghamdi]

لأني شفت هذ الخبر
http://www.alweeam.com/news/news-act...ow-id-6778.htm
ان الأسعار نزلت عندكم 50%

فقلت أجل بجئ اطلع السيارة من عندكم

[سيڨيل]

وعليكم السلام ورحمة الله وبركاته
لو كنت محلك أخي الكريم أبو الوليد
كنت لأفكر بشركة غير أمريكية كنوع من عدم مساعدتهم في أزمة السيارات الحالية
والتي إن حدث ما يخشونه ستعتبر القاضية على اقتصادهم حيث تشكل 10% منه.

لديك خيارات أخرى قد لا تفي بالمطلوب لديك ولكنها تؤدي الغرض ويكفيك أنك لن تدعمهم للاستمرار بظلمهم للبشرية.

وإذا أردت أخذ فكرة عامة:
فورد , كرايسلر , جنرال موتورز على وشك الإفلاس!!! - سوالف سوفت

أرجو منك تقبل ردي برحابة صدر
وبالتوفيق

[رقيق المشاعر]

خارج نطاق الكويت

ليش ماتشتري سيارة كورية

[سليمان عبدالعزيز]

فورد جنرال موتر كلايزلر < هذي اسعارها بتكون متدنيه جداً .. والسبب ان الحكومه شارطه عليهم انها تدخل بشركه وحدهـ .. ويدعمونهم ..
سمعت كلام من اكثر من شخص ان البانوراما ( مرسديس ) من الجفالي ( الوكيل ) نازل سعره 40 الف...

[M. Al-Dhafeeri]

والله مادري عن اسعارنا :\

[هوازن العرب]

خبر غير صحيح
قبل العيد انا بشركة الغانم الاسعار زي ماهي

ماتحرك شي
بالعكس الكويتيون الان يشترون من الخفجي سيارات جنرال موتورز وبالتحديد من شركة التوكيلات

على العموم التجار لدينا لازال بمكانك راوح بالكويت
ولكن قد يكون الخبر يقصد السيارات المستعملة..؟!! والتي انا بالاساس كنت ابحث عن سوبربان منذ فترة والاسعار المستعملة لازالت كماهي الا شئ قليل

[سليمان عبدالعزيز]

يقولون البيام صار سعره 210 الاف
2006 شارينها اذكر بـ 260 ...
يعني 50 الف فرق .. واتوقع توصل اقل بس مادري سبب النزول
لان 2009 بينزل عشان كذا نزل سعر 2008 والـ 2009 بيكون شكله غير بالكامل
او بسبب الأزمه العالميه

[ويب سيرفس]

نصيحه لوجه الله انتظر 3 شهور فقط لترى الاسعار الجديده في الخليج بشكل عام ..

الحكومه الامريكيه دعمت الشركات الثلاث بــ 15 مليار دولار رغم انهم طالبوا بـ 34 مليار ..

وتم الغاء فكره دمج الشركات الثلاث ..

النزول سيكون الى 30% تقريبا

انتظر فقط ولاتخسر مالك بالعجله ..