لخبراء بطاقة ماستر كارد البنك الاهلي ( مسبقة الدفع )

[سلطان المالكي]

بسم الله الرحمن الرحيم
السلام عليكم ورحمة الله وبركاته

اخواني الكرام للي يملكون بطاقة ماستر كارد من البنك الاهلي السعودي ( مسبوقة الدفع )
انا انسرقت بطاقتي ( انسرقت جميع البيانات ) وتم استعمالها .. ويظهر لدي في الحساب عن طريق الاهلي اون لاين
مبلغ وقدره ( -1.087.97 ) <<< بالسالب " لون احمر "
ودقيت على الهاتف المصرفي امس وقالوا هذا مبلغ عليك ولازم تسدده ...
ورحت للبنك اليوم وقالوا هذا المبلغ لك .. ولازم تاخذه
ورحت فرع ثاني .. قالوا لا هذا المبلغ لازم تسدده لانه تمت عمليات شرائية والرصيد حقك ( 0 )
واتصلت قبل ربع ساعه من الان على الهاتف المصرفي .. وقال لا " بطاقات مسبوقة الدفع لو كان بالسالب ما يضرك ومو لازم تسددها .. الخ

الصراحة انا ما ادري اصدق من واكذب من ...

قلت ما لي الا اخواني في سوالف يفيدوني .. ادفع ولا لأ .. لاني اريد اصدر بطاقة جديدة وهي الثالثة ^_^ وببيانات جديدة .

طبعاً البطاقة موقوفة لكن بعد ما حصلت العمليات الشرائية ...

اتمنى منكم المساعدة ....


___

نصيحة بخصوص البطاقة ومن واقع تجربة <<< انسرقت عليه بطاقتين

النصيحة الاولى ( لا تعطي حد من اخوياك البطاقة وحتى لو ايش << اسألوا مجرب )
النصيحة الثانية ( بطاقة القرين كارد وما قرين كارد اتركوها ترونهم سحبوا فلوسي هم واكلتها انا )

وتحياتي لكم :nice:

[علي العتيبي]

الي اعرفه إن بطاقة الفيزا مسبقة الدفع ما تقدر

تسحب بالسالب

رح لفرعك اليّ طلعت منه البطاقة وقله هذاي بطاقة فيزا مسبقة

الدفع مو بطاقة فيزا العادية

بطاقة مسبقة الدفع تشحنها بـ 100 ريال

تشتري بها 100 ريال يعني ماتسحب بالسالب إلا

البطاقة الفيزا العادية ولها شروط معقدة لازم تكون موظف

ولازم تفتح حساب عندهم

عكس مسبقة الدفع تطلعها بدون فتح حساب وحتى لو كنت

عاطل..

[Wleed.Com]

^^
صحيح .. !

[أطياف]

مافي شيء إسمه سالب في مسبق الدفع

أنا تأجل إصدار البطاقة شهر علشان هذه النقطة

قالوا لاندفع شيء بيجيك سالب إنتظرت إنتظرت مافي فايدة دقيت عليهم بعد مدة كلمني الموظف وقال لازم تدفع وضحت له بأنه موظف ثاني قال تجي سالب

قال لا مافي أي طريقة إلا أن تدفع لأن هذا مسبق الدفع

لذا أوضح لك بأن مسبق الدفع يعني + مافي -

لذا راجعهم وكلك ثقة أنت ماتقدر تسحب وحسابك 0 فغيرك من باب أولى

[فيصل الشريف]

فعلاً مثل ما قالوا الاخوان حتى لو كان رصيدك بالبطاقة سالب مليون ماراح يطالبونك بهذا المبلغ لأن اصلاً هي فاضيه وما تقدر تشتري اي شي بها حتى تشحنها
اذا ما حصلت حل راسلني

domain at mail.net.sa

[LiveIslam]

كما ذكر الاخوان ميزة البطاقة لايمكن أن تسحب مثل الفيزا العادية والمخصصة للشراء من المحلات وخاصةً الذين يستخدمونها في مناطق أخرى وبعضهم يحتاج الفيزا ليسحب بالسالب من رصيده ثم يخصم من راتبه القادم وميزة ماستركارد الأهلي مسبقة الدفع تستطيع ربطها بحسابك بحيث تستعلم عن العمليات المعلقة والعمليات الأخيرة ومن أي موقع أو شركة تم الشراء وليس لها ايضاً علاقة بحسابك الجاري وتستطيع أن تحول مبلغ معين من حسابك في الأهلي أون لاين إلى بطاقتك مثلاً 500 ريال لتستخدمها في الشراء ، والأفضل في الوقت الحالي أن تتصل بالرقم المجاني 8002446666 وتستعلم من الموظف عن آخر ثلاث عمليات وكم المتبقي وأنا أستخدم البطاقة من 4سنوات لم أواجه أية مشاكل ولله الحمد .

[سلطان المالكي]

وفقك الله تعالى

الله يعطيكم العافية

اخواني انا راح اتصل بهم بس بعد عودتي من الجامعه ان شاء الله ..

اخواني انا كان رصيدي ( 0 ) وتم سحب عمليات شراء وهي بالخصوص حقين القرين كارد سحبوا كلها وصار المبلغ بالسالب

يعني افهم من كلامكم ان مسبقة الدفع ما فيها سالب .. حتى لو كنت رابطها بحسابي في الاهلي

والله يوفقكم ان شاء الله وما نتغني من مساعدتكم

[جروحي]

كسرها واحذفها ولا تفكر فيها

وطلع لك بطاقة جديده

<- السالب في بطاقتي 12 الف ريال تقريباً

والسبب نظام البنك الغبي

بالنسبة للبطاقة احذفها وطلع جديده وببيانات جديده

واتحدى البنك واطلق مليون بنك مثله يطالبك بريال واحد

لانها بكل بساطه بطاقة شحن واسمها كذا

يعني نظامياً وعقلياً مستحيل تشتري وهي فاضية

[محمد الفارس]

نظام البنك الأهلي للبطاقات مسبقة الدفع لا يعجبني أبداً. حتى كشف الحساب online لا يتيح لك ترتيب العمليات بحسب التاريخ، فتراه يخلط التواريخ مع بعضها البعض

أذكر أنه سبق وكانت بطاقتي بالسالب، واتصلت بالبنك واخبرني أنه لا يمكن أن تكون بالسالب وأن المبلغ سيعود. وبناءاً على كلامه أضفت مبلغ لأني ارغب في استخدام البطاقة، فتفاجأت أن المبلغ استخدم في سداد المبلغ الذي بالسالب وأضافوا لحساب البطاقة الفرق فقط

يعني كان المبلغ بالسالب حوالي 1400 ريال. وأضفت أنا حوالي 5000 ريال. فصار حساب البطاقة 5000 - 1400

كلمت البنك، ليخبرني بأن المبلغ سيعود ولم يعد أبداً. تعبت من كثرة الاتصال بهم ولم يصلني شيئاً إلى اليوم

هذا الكلام قبل ثلاثة سنوات تقريباً

[حسام الكثيري]

وش هالحظ يا سلطان

الله يكون في عونك بس

وعلى فكره ترى لك وحشه

لا تخاف مشكلتك ان شاء الله بسيطه بس مثل ماقالو الاخوان لاتشحن الا لما يروح المبلغ اللي بالسالب

[سلطان المالكي]

اتصلت عليهم وقالوا لي ان لابد من سدادها

قالوا ان في حسابي كان ( ريال واحد ) والمبلغ كان 1.088.97 ريال وتم سحب ريال وباقي 1.87.97 سددوها عني البنك وحطوها بالسالب , وقال لازم تسدد يقول نظام الماستر كارد نفس نظام الفيزا وما ادري الحين من اصدق .

وقالوا ارسل طلب ( بخط اليد ) الى فاكس في ( 02 ) مدري اتوقع الشرقية او جدة ^_^ واذكر فيه انها انسرقت وانك ما استفدت منها .... الخ

وانا توقعت بقيول بريدون عليك بكرة بعده ... قال في شهر 2 / 2009 ^_^

شكلي بكسرها وبرتاح من وجع الراس
اخي فيصل سوف اقوم بمراسلتك ان شاء الله .
شكراً لكم جميعاً على المساعدة .

[ABOSALEH]

اعتقد الراجحي يقدم خدمة بطاقة مسبقة الدفع .. هل هناك مصارف أخرى تقدم نفس الخدمة ؟؟ وما الأفضل .