مساعدة في طريق لدخول صحراء ...

[Renegade]

السلام عليكم

ممكن مساعدة بخريطة او وصف طريق لدخول صحراء الربع الخالي من السعودية
طريق يتعمق داخل هذه الصحرا وطريق ( نقول غير صعب جدا ) ,,
مع تسمية منطقة الدخول والخروج واي شي ممكن يساعد في الرحلة هناك .



رجاء محد يقولي سير اسأل من منتديات متخصصه لاني اعلم انه هناك متخصيين هنا في سوالف في هذا المجال ...

[internet cafe]

دخول الربع الخالي اولا خطر


وثاني اعتقد فيه اماكن ممنوعه

وتحتاج لتصريح من حرس الحدود

وعلى قولتهم اهل مكه ادرى بشعابها شوفلك احد من اهل الديرة

[ميادين]

قبل فترة ماتت عائلة في صحراء الربع الخالي ..

وعلى فكرة اذا تبي تروح اتمنى انك تهتم اولا بأخذ طن من الاكل والماء عشان يكفيك هذه نصيحة لا اكثر

[ريموت]

اذا تريد المبيت وقطع مسافات طويلة او تريد الصيد المسئلة ليست خريطة وتمشي عليها فقط.

تحتاج الى عدة وعتاد ورفقة كبيرة لاتقل عن ثلاث سيارات وشخص عارف بتضاريس المنطقة او شخص متمرس وله خبرة في المناطق الصحراوية فهناك مناطق جبلية وصخور وعرة وهناك رمال متحركة.

وانا ودي افيدك لكن انا حدى الدهنا والصمان

انصحك اذا كنت ملزم تذهب لمنتدى مكشات

رجاء محد يقولي سير اسأل من منتديات متخصصه لاني اعلم انه هناك متخصيين هنا في سوالف في هذا المجال ...

[Renegade]

مكشات مافيه شي يفيد كلها رحلات صغيرة فقط
انا ابغي مغامرة , باقي الطريق فقط
الباقي كله متوفر ان شاء الله

[محمد بن عبدالعزيز بن سيف]

الطريق ياطويل العمر
فيه ماجلان والقارمن

فيه خرائط منزلينها شباب للربع الخالي والدهنا

[V I P]

أخوي من الصعب الدخول للربع الخالي

هذه مجموعة خرائط

• خريطة رقم 15 حوطة بني تميم وجزء من شمال الربع الخالي
• خريطة رقم 16 حوطة بلدة يبرين وجزء من شمال الربع الخالي
• خريطة رقم 17 مركز شبيطة والجزء الشرقي من الربع الخالي
• خريطة رقم 18الجزء الشرقي من الربع الخالي
• خريطة رقم 19الجزء الجنوبي الشرقي من الربع الخالي
• خريطة رقم 20 الخرخير وجزء من جنوب الربع الخالي
• خريطة رقم 21 شرورة وجزء من جنوب الربع الخالي
• خريطة رقم 22 نجران والجزء الغربي من الربع الخالي

المصدر
Maps and Map Sites

[oO(الباسل)oO]

بعد ماتحصل المعلومات ... اكتب وصيتك

من المفروض اي واحد بيدخل الصحراء يعلم فيها حرس الحدود ! في حال غيابه لفترة طويله داخل الصحراء اكيد تعرض لشئ ما يضره .. وهذا يسهل للحرس بوجود معلومات

عن الاشخاص

[عبدالرحمن الدوسري]

لاتنسى تطلع لك جوال يشبك على الأقمار الصناعية وليس على الأرسالهذا موقعهمhttp://www.thuraya.com/والله يوفقك ويرجعك ل اهلك سالم

[Renegade]

لاتكبرون الموضوع وايد لاتخافون
كل شي موجود
انا مابسير بروحي
نحنا شلة مكونة من 7 وبنسير بدراجات مب سيارات
دراجات polaris اذا تعرفونها ( عندنا 7 دراجات بو 800 سي سي ) تقدر تشل وزن 350 كيلو فوقها )
POLARIS -- The Way Out

والاكل والماي والبترول والثريا والكهربه وكل الاحتياجات موجوده

بنطلع من الامارات وساحبين الدراجات بسياراتنا وعالرياض وثم للربع الخالي
فقط احتاج بعض الخرايط
عموما شكرا للجميع وشكرا عالخرايط استاذ VIP

[ليث الشرس]

تبي الصراحة .. انت لا تهون الموضوع ولازم تاخذ احتياطاتك 150 % !

[][ شهاب ][]

على طاري الربع الخالي

قبل كم يوم كنت اخذ لفه فيه بالقوقل ايرث و فيه خاصية قياس مسافات
شفت خطوط كثبان رملية او على قولتنا طعوس .. كان طول الواحد يوصل الى 50 كيلو متر و عرضه كيلوين و شوف كم ارتفاعه
الدباب اللي تتكلم عنه شفته
بيني و بينك تراه ثقيل و الطعوس الممتده على طول عشرات الكيلوات ماضنتي فيكم شدة تدورون من وراها .. و دباباتكم الثقيلة مع هالاوزان ما راح تقدر تطلع هالارتفاعات الرملية .. و اذا انت مصر تتعمق امش بنفس اتجاه امتداد الطعوس للداخل بدل ما تقطع هالطعوس بالعرض و يصير طريقك صعب نازل و طالع

[عبدالرحمن الدوسري]

اخوي بالفعل على الاقل موتر واحد او موترين
اخوي انصحك على الاقل موترين واحد لاندكروزر وواحد شاص للحمل العدة والبترول لانه خفيف الوزن والمكينة قوية

لاتنسى التسجيل لدى حرس الحدود

الله يحفظكم