من النادر انعقاد دورات للغة PHP
خصوصآ هنا في السعودية،
يعني فرصة لمن يريد تعلم هذه اللغة الـ"مربحة" كما أسميها
بالتوفيق ياجماعة ..
أشكرك على إثراء الموضوع .. وفعلا لغة php لم تكتسب شعبيتها من فراغ فهي لغة سهلة وقوية قي نفس الوقت ..
لماذا التكلف والتكليف
ضعوها في قاعة عادية وخفضوا الأسعار لتحضوا بعدد أكبر
والله احنا من واقع الخبرة لمسنا إن المكان مهم فلما يكون المكان يفتح النفس وفيه كافة الإمكانيات (بروجكترات ، قاعة مجهزة ..ألخ ) يكون إيصال المعلومة أفضل .. والفرق ماراح يكون جوهري بالسعر بالنسبة للمتدرب ..
ما ودكم تخلوها في الشرقيه
الدورة ممكن تنعقد بأي مكان سواء داخل المملكة أو خارجها شرط توفر عدد 7 متدربين على الأقل .. بالتوفيق أخوي ..
دورة اسبوعين اعتبرها دورة فاشلة مع احترامي لمن يقيمها خاصة اذا كانت php و mysql والمبلغ كبير جدا لذلك اقل من شهرين لا اعتقد انها مفيدة قد يستفيد منها شخص او اثنين لكن السواد الاعظم لن يتفيد منها
مااتفق معك أخوي .. لأنه عندنا هدف أول أنه المتدرب يستفيد لأقصى درجة .. وزي ماهو مذكور بالإعلان إن المدرب راح يواصل تواصله مع المتدرب حتى بعد إنتهاء الدورة .. وفي حال لمس المتدرب إنه فيه مشكلة أو الوقت غير كافي ممكن تمديد الوقت .. برضوا ممكن عقد لقاء دوري للمتدربين لمتطوير مهاراتهم .. يعني الجو راح يكون جو تعليمي أخوي الهدف منه الوصول لهدف إن هالمتدربين يستفيدون لأقصى درجة من الدورة وإن الدورة تكون مختلفة عن غيرها بأنها تتلافى أكبر عيب بالدورات (وهو البحث عن الهدف المادي والربح بغض النظر عن استيعاب المتدرب ) عشان كذا احنا رفعنا سعر الدورة عشان يكون فيه هامش لزيادة الوقت .. عقد لقاءات دورية .. الخ وكلها راح تكون مشمولة بالسعر .. بين قوسين هالمجموعة راح يكونون جروب يستمر المدرب معهم إلى أن يصلون للاحتراف إن شاء الله تحت بيئة عملية (على فكرة هالمفهوم مفقود بدوراتنا العربية ) ...
عموما لإثبات كلامي .. من حق المتدرب إنه يحضر 3 حصص وإذا ماعجبه يحق له يطلع من الدورة .. ويدفع قيمة كرسي حضور الصالة فقط دون دفع أي مبلغ للمدرب ..
3500 ريال / 12
الساعة تقريباً بـ 300 ريال .. أعتقد انها غالية جداً ..
خصوصاً وانها للمبتدئين ..
عموماً .. أتمنى منك أخي الكريم موافاتنا بجديد الدورات خصوصاً في الرياض ( الغالية منها والرخيصة .. )
هي غالية لأنها بتكون مختلفة .. يعني بيكون المتدربين عبارة عن جروب يتابعهم المدرب لفترة طويلة بعد الدورة وممكن يعقد لقاءات دورية .. الخ (راجع ردي السابق على الأخ )
لأنه اسبوعين ممكن ماتكون كافية لاستيعاب اللغة لذلك في هالحالة المدرب ممكن يلجأ لخيار تمديد الدورة .. راح يكون فيه لقاءات دورية .. عموما زي ماقلت قبل الهدف هو تكوين نواة لجروب عمل .. راح ننقلهم إن شاء الله لاحتراف اللغة ..
وأكرر أنه من حق المتدرب إنه يحضر 3 حصص وإذا ماعجبه يحق له يطلع من الدورة .. ويدفع قيمة كرسي حضور الصالة فقط دون دفع أي مبلغ للمدرب ..
وبالتوفيق للجميع ..
__________________
وَدّعْتُهـَـا وَدُمُــوْعِيْ مَزْجُ أدْمُعِهَا
وَقَبـَـلَتْـنِي عَلَىْ خَوْفٍ فَمَــاً لِـفَــمِ
فَذُقْــتُ مـَـاءَ حَيـَـاةٍ مِنْ مُقَبَلٍــهَا
لَو صـََـاب تـُـرباً لأحْيـَا سَالِفَ الأُمَمِ
)
المشاركة الأصلية كتبت بواسطة هنري 
