هزه ارضيه بالرياض؟

[سليمان عبدالعزيز]

السلام عليكم
فيييه هزه ارضيه بالرياض ؟؟؟
لان حسيت فيه وكانت شوي وبعدها سمعت فيه صوت بس مادري وش صوته
بس حسيت بنفسي اروح يمين ويسار وانا على السرير
ونفس الشي كل الاهل حسو فيها

وسالت واحد ساكن بعيد عني تقريباً ...
ونفس الشي


( الرياض - الشمال - المروج )

[غلا السعودية]

لا اعلم جامعة الملك سعود العمادة لا شئ

[Abo Naiyf]

اما هزه ارضيه ياخوي يمكن طاح مكيف جاركم ولا شي مافي لا هزه ارضيه ولا شي حي الروضه

[ميادين]

يمكن زلزال ولا شيء ولا يمكن اسرائيل ارسلت قنبلة ولا شيء ..

ترى الطيارات جات فوق مصر امس

ما ادري وش القصة شكل في مشكلة وانتم ما تدرون ..

[سليمان عبدالعزيز]

اما هزه ارضيه ياخوي يمكن طاح مكيف جاركم ولا شي مافي لا هزه ارضيه ولا شي حي الروضه

هزه قويه لو اني واقف طحت على الارض منها ... يعني راسي لف منها يمين ويسار
موب هزه عاديه ولا صوت ضعيف
ونفس الشي عند واحد معاي على الماسنجر بس مادري ان كانه سلك لي

[سليمان عبدالعزيز]

يمكن زلزال ولا شيء ولا يمكن اسرائيل ارسلت قنبلة ولا شيء ..

ترى الطيارات جات فوق مصر امس

ما ادري وش القصة شكل في مشكلة وانتم ما تدرون ..

طيب تدري من بعد الصوت ثاني طياره تمر من فوق ( صوت ) طيارهـ

بس ماظن

[سليمان عبدالعزيز]

كل من سالته جلس يضحك وشكل خويي الثاني يتوهم ان شي اهتزٍ ...^^

< حس ان سؤاله بايخ ويلقط وجهه
ولا تواخذونا اليوم ماقيلنا ... ^^
يعطيكم العافيه

[b-najd]

اقول صل لك ركعتين وحط راسك .. شكلك ماخذ فلكة قدااام الطلاب بعد الصلاة

[خالد الثويني]

مراعي انت لفلم رعب البارح ؟

[سفير التقنية]

يمكن السرير مرتخية صواميلة

[سليمان عبدالعزيز]

اقول صل لك ركعتين وحط راسك .. شكلك ماخذ فلكة قدااام الطلاب بعد الصلاة

:funny: لاتتكلم انت
انت ثاني واحد قالي ايه حسيت ^^ .. ورحت تسال اهل ببيتكم

[b-najd]

:funny: لاتتكلم انت
انت ثاني واحد قالي ايه حسيت ^^ .. ورحت تسال اهل ببيتكم

حسيت فيها بس شكلي اتوهم

[Abo Naiyf]

اكتب سؤالك بموقع زغلول النجار يمكن بيتكم تحته قشره ارضيه ضعيفه

[iNawaf]

صحيح كلامك سمعت صوت قوي بس الاهتزاز ماحسيت فيه

[سليمان عبدالعزيز]

اكتب سؤالك بموقع زغلول النجار يمكن بيتكم تحته قشره ارضيه ضعيفه

دمك خفيف جداً ...