العم ابو علي و جوجل
السلام عليكم و رحمة الله و بركاته
كيف حالكم اخواني الكرام ؟
من زمان عن الكتابه في المدونه
وهذا ليس لا انني ماعندي شي اقوله لا بالعكس هناك الكثير
ولكن الواحد يشتغل بموقعه طول اليوم و بالنهايه لا جاء وقت الفضفضه راح لم فراشه و فضفض للوساده
وبعدها ينام لكي يصحى بدري و يستقبل يوم اخر <– قل قسم هههههههههههههههه
عموماً ماعلينا خلونا بالمهم
ذاك اليوم بعد تعديل و شغل بالموقع فضيت تقريباً ساعه قلت خلني استغلها و اروح اغير الزيت
المهم رحت للبنشر و انا اقول للعامل نور غير الزيت و انا بجلس انتظرك
و جلست على الكرسي اللي حوله و معي كاسة شاهي و بيني و بينكم نسيت الكاسه و حطيت راسي على الجدار
و طرى على بالي لو اني اطلع بالكلمه الفلانيه بجوجل كم بيكون زوار موقعي و لو اني اطلع بالكلمه الثانيه كم بيكون ومن هالحوسه
المهم استرسلت افكاري لا اجد اني بحيره من امري ^_^
الا و يجي يجلس العم ابو علي و دار بيني و بينه حديث عن الدنيا و عن شغل البنشر و السنوات اللي قضاها بالسعوديه
قال : وش فيك متغير شكلك و محتاس
قلت : اااااااهـ يا ابو علي لو تدري
قال : افا وش عسى ماشر
قلت : ماشر بس شي انت ماتفهمه و خلك من الموضوع هههههههه
قال : براحتك
قلت : انت شلون شغل البنشر معك و كيف الموزعين معك
قال : الموزعين يعطونك اللي تبي بس ادفع
قلت : و الزبائن اللي بالحاره ماتركوك بعد مافتح البنشر الجديد اللي بنفس الشارع
قال : لا الحمدلله الارزاق من الله و انا اقدم من البنشر الجديد و غير ذلك عندي شي مميز مع كل تغييرت زيت سيفون تحصل على غسيل مجاناً
قلت : وش دخل عمر المحل بالربح ؟
قال : لا له دخل كل ماكان اقدم بيكون له شعبيه اكثر
قلت : اخبرك تلمع كفرات و تغبر سيارات للشباب هاه كيف شغلها يا ابو علي ؟
قال : الحمدلله ماشي الشغل الشباب اجلس سولف معه و استغل الوقت و اعرض عليه خدماتك و بدال ماهو جاي يغسل تحصله يسوي 5 شغلات غيرها
قلت : ما شاءالله عليك يا ابو علي اجل خبره بالسوق الا بسألك ليش لوحتك حاط فيها تغيير زيوت قبل تغيير الكفرات مع ان الكفرات ربحها اكثر ؟
قال : ياولدي الواحد دايم يحط الخدمات المستهلكه و اللي يبحث عنها الزبون بكثره اول شي و بعدها يحط الاشياء الفرعيه
قلت : الشيوخ ابخص يا ابو علي مالي بشغل البناشر
بعدها دخل علينا محمد اخو علي قال خلاص هذا التصريح حق البنشر و جددته لا اقصى مده ممكنه
الا و ناداني نور قال خلاص غيرت الزيت و بعدها قمت و ركبت السياره
و طلعت من المحل و جلست اهوجس بكلام ابو علي و حصلته ينطبق على جوجل ^_^
عاد كل واحد و همته بفهم الفوائد من الموضوع ههههههههههههههه
يالله عن اذنكم
المصدر
العم ابو علي و جوجل
من:
مدونة سعودي
رد مع اقتباس
هههههه
المشاركة الأصلية كتبت بواسطة Mohamed Amin 
