 |
مساكم الله بالخير
كيف الحال جميعاً
يالربع انا حالياً في البحرين
وانشالله بكرة بمر الخبر مجمع الراشد الصبح ثم راجع ل قطر
بس بغيت اسئل الربع
في حد يعرف مطعم بخاري ممتازفي الخبر ويكون قريب من مجمع الراشد لان ودي اظربها ببخاري وانا معود قطر
وعسى الله يحفظكم ....
اخوكم عبدالرحمن الدوسري من قطر
__________________
تحياتي :
عبدالرحمن الدوسري من قطر
شواية الخليج في الثقبه على طريقك
__________________
-فكر قبل إن تعمل واعمل بعد آن تفكر-
اجل من عشاق البخاري
والله يا بعدي أنا موب من الشرقية ولا كان أفدتك
لكن كثير المطاعم بالشرقية ..
تعال بالرياض ومالك إلا اللي يدسم شواربك
عاد أنا بعد اسبوعين عندكم بقطر
بس ترا أول مرة
__________________
لا تسقني كأس الحياة بذلةٍ .... بل فاسقني بالعز كأس الحنظل
مثل ما قالك
عند اشارة ماكدولاندز وانت جاي من الراشد خذ يسار من عند الاشارة يعني خل ماكدونالدز على يمينك , ثاني لفة يسار تلاقي شواية الخليج وغيره لا تدور
مجود الحفر
كفو والله أحلى شي على لطريق عشان مانظيع
dev/null
هههههههههههه اي يرجال احنا عشاق جميع انواع الرز كبسة مندي بيراني بخاري لكن هالمرة اشتهينا بخاري هههههههه شوف التخطيط قبلها بيوم هههههههههههههههههههه
d-al3zeef.net
افكر امر عليك الرياض ياولد ههههههههههه الله يحفظك والله فيكم الخير ماتقصرون
اول مارجع قطر بظيفك حتى اساعدك لو تحتتاج شي في قطر ولو انك جاي مع شباب مب مع عائلة نتقابل معاك والله يجيبك ويرجع بالسلامة
sms
هلا الشيخ
يعني وانا طالع من الجسر بجيني في طريقي ولا وانا طالع من الراشد ورايح قطر ؟ الله لايهينكم يالربع
__________________
تحياتي :
عبدالرحمن الدوسري من قطر
ههههههههههههه
يا اخي ما شاء الله عليك تخطط قبل يوم على رز بخاري ..
صحة وعافية ان شاء الله ... تروح وتوصل بالسلامة
الساجي
هههههههههه
والله يخوك فاظي معندي شغل قاعد على النت في الشقة وماجاني النوم وقلت حق الشباب نعود قطر ولا نكمل كم من يوم وانا اشوف ان البحرين ملل.قلنا خلاص نصلي الفجر ونحرك عشان زحمة الجسر. قلت لهم نروح دايركت الدوحة ولا ناخذ فرة في الراشد ونعطيها بغدوة وونعين خير ونعود
قلنا بخاري وشهوني الصراحة مع اني ظارب اليوم الغدا على مطعم ايراني خخخخخخخخخخ
الله يعافيك ويسلمك واشكرك على المرور
__________________
تحياتي :
عبدالرحمن الدوسري من قطر
المهم يالربع انا اشكر الجميع على المساعدة في الموظوع
وان شاء الله بكرة يصير خير ومانظيع
وننشوفكم على خير..
اتمنى من المشرف إغلاق الموضوع
__________________
تحياتي :
عبدالرحمن الدوسري من قطر
عبدالرحمن انا من الخبر ومالها داعي وعيب اذكر لك أسماء مطاعم وانا من سكان الخبر
ارسل لي رقم جوالك او ايميل وحياك الله عندنا بكره للغداء
يعلم الله اكلمك صادق ونتشرف بزيارتكم الخبر وحنا صافطينك
انتظر ردك
بومعاذ صدقت تاكلها بالمملكة غير الكويت او اي دولة خخخخخخخخخخ
اما انت يا اخوي اللهوب ماعرف وش اقولك الا الله يكثر خيرك وعسى الله يكثر خيركم والله يعطيك على قد نياتك وانا والله ماعرف وش اقولك جزاك الله خير ويرحم الله والديك ..
والله يخوك بيني وبينك ومع الشباب مقررين خلاص نتغدى ونعود ويعلم الله ان مافيها شي وانا مب مستحي ولا شي عادي اجيك لكن خلها مرة ثانية وانا أتشرف باني ارسل لك رقم جوالي وانك تظيفني بالمنسجر
ظيفني الأن على الأميل qtr4all@qtr4all.com وباخذ رقمك لان لازم نلتقي يوم واحد
__________________
تحياتي :
عبدالرحمن الدوسري من قطر
هلا اخوي اللهوب
اسمحلي يالغالي انا الحين بروح ارقد حتى اقدر اقوم الصبح ... وانا ارسلت لك رقم جوالي من النموذج الي في ملفك الشخصي
وتم إضافتك وهذا أميلي qtr4all@qtr4all.com
واتمنى منك لو ترد عل ىالرسالة ترسلها على o55ocom@gmail.com
وفي إنتظار اتصالك وعسى الله يحفظك ويسلمك واعذرني يالغالي ان ماقدر اجيك البيت والله يكثر خيرك وماقصرت كفاية انت قلت لي حياك والله يحفظك وانت أذا تامرني بشي تراني حاظر في اي وقت....
نلتقي ان شاءالله غداً اول ماوصل قطر في هذا الموضوع ونوايفيكم بالصور واشكر الجميع على مشاركاتهم بالموضوع وماقول غير الله يعطيكم العافية...........
اخوكم عبدالرحمن الدوسري.....
__________________
تحياتي :
عبدالرحمن الدوسري من قطر
ياالدوسري تراني عزوبي يعني شبابية حياك طال عمرك فنجال وعلوم رجال
__________________
-فكر قبل إن تعمل واعمل بعد آن تفكر-
اوكي وصلني جوالك
بمشيئة الله بتصل عليك بكره وحياك الله
ضوابط المشاركة
رد مع اقتباس
المشاركة الأصلية كتبت بواسطة مجود الحفر 
