السلام عليكم ورحمة الله وبركاته
أولاً قبل ما أبدأ المسألة ماهي تصفية حسابات أو انتقام , بالعكس انا مابيني وبين ترايدنت أي شي وتقدرون تراجعون مشاركاتي كلها , بالعكس حاولت بقدر الإمكان احل المشكلة بدون أي بلبلة لكن تصل المسألة إلى هز سمعتي أمام الملأ وبالقوة هنا فيه خط أحمر .
انا وقفت على اللي حصل مع الأخ الغالي أبوهيثم , حاولنا حل المشكلة مع المشرفين أو مع الإدارة ولكن بدون أي جدوى , حصل من عندهم عدم مبالاة مقصودة , واستقصاد تشويه سمعة .
اللي حصل أني انا طوّرت سكربت للتوبيكات ممكن يكون معروف عند الكثير , طبعاً السكربت كان مفتوح بالكامل بما أنه نسخة مطورة ولا لي أي حق بتشفيره عدا ملف واحد اللي كتبته كامل في السكربت .
طبعاً بعد فترة المخربين فكوا الملف هذا طبعاً كانت عندي معرفة بالموضوع لكن الشيء الكبير انها كانت تباع بعد فكها وتشفيرها مره ثانية .
الشيء الكبير في الموضوع ان الملف مفكوك تقريباً من أسبوعين بعد طرح السكربت لكن فيه مشاكل كبيرة وأخطاء قاتلة في الملف بعد الفك , لكن اللي سرقوا السكربت أخفوا المشاكل بحجة انهم أصحاب النسخة الأصلية وقاموا يسوقون على ان النسخة الموجودة عندهم هي النسخة الأصلية ومافيها اي مشاكل بدليل وجودها في المواقع اللي مركبه النسخة الأصلية من طرفي .
ماسبق توضيح للمسألة اللي حصلت , لكن مادخلنا في لب الموضوع .
لعدم إمتلاكي عضوية في المنتدى طلبت من أخي أبوهيثم إضافة موضوع في قسم الإعلانات لتوضيح الحاصل ولتنبيه البعض من عملية سرقة فعلاً تضرر منها الكثير من اللي اشتروا النسخة المفكوكة .
الموضوع نقل فوراً إلى قسم تطوير المواقع - ليش ؟ لاحد يسألني - طبعاً ما ابديت أي اعتراض مع الموضوع كان يمس المنتدى التجاري بشكل واضح .
بعدها بدقائق رد مشرف القسم شيخ البلد - تذكروا الأسم - بشراسة وأتهمني بأستغلال المنتدى للنصب على الأعضاء ! .
الموضوع على الرابط
http://www.traidnt.net/vb/showthread.php?p=10422508
في البداية توقعنا الموضوع سوء تفاهم , راسلنا المشرف للسؤال عن سبب رده عن طريق موقعه وعن طريق المنتدى , لم نجد أي تجاوب مع أن المشرف كان متواجد نفس اللحظة .
الخطوة الثانية أضاف الأخ أبوهيثم موضوع في قسم الإقتراحات , مرت نصف ساعة لاتجاوب مع أن عدد كبير من المشرفين كان موجود بالمنتدى المسألة هذي ماراح أفسرها تفسيرات خطأ , راح أفسرها بالأهمال فقط .
طبعاً لبجاحة رد المشرف وأتهامه لي بالنصب أمام الجميع المسألة لاتحتمل الإنتظار قام الأخ ابوهيثم مشكوراً بإضافاته موضوعه الأخير في قسم المنتدى العام طالباً من المشرف شيخ البلد متابعة الشكوى , ماراح أقولكم وش حصل فقط تابعوا :
::TRAIDNT FORUM::
بقدرة قادر المشرف شيخ البلد رمى سهمه الأخير في الموضوع وتقفل بعدها - مين قفله ؟ لاتسألوني - .
طيب الآن كل شي واضح عندكم , وعند إدارة ترايدنت أعتقد لكن الشيء اللي تجهلونه :
من هو شيخ البلد ؟
بعد ماتابعت الموضوعين لفت نظري شيء في توقيع المشرف في ترايدنت شيخ البلد , وش تتوقعون ؟ ابداً شفت عنوان موقع عادي .
لكن .. بوقف الآن وبآخذ رايكم في شيء .
تخيّل منتدى بحجم ترايدنت مشرف قسم تطوير المواقع يكون حرامي مثلاً ؟ , حرامي بجيح بعد ؟ ومع ذلك مستمر مع ترايدنت ؟ أحد يقولي وش رايه ؟
نرجع لتوقيع شيخ البلد اللي شفته يا أخواني عنوان موقعه
اللي هو :
.
.
.
شبكة حرآمي : أكبر ملتقى ترفيهي فى الوطن العربي : انتظرونا قريبآ
طيب وش الغريب في الموضوع ؟
أنا بصراحة دخلني الشك , أنا اتذكر اني شفت شي بخصوص عنوان الموقع هذا , قادني شكي للبحث عن الدومين في محرك بحث سوالف .
وكانت الفاجعة صراحة .
بصفتي مراقب في سوالف فقسم المحذوفات مفتوح عندي وكان الموضوع الفاجعة في قسم المحذوفات .
طبعاً مالي صلاحيات أني أنقل لكم شي من قسم المحذوفات , لكن الضرورات تبيح المحضورات والمسألة كبيرة
الصورة كبيرة فافتحوها في اطار جديد
:court:
:nice:
ياسبحان الله .
ملاحظين شي في الصورة ؟
مكتوب العضوية مستعارة :funny:
طبعاً الأهم انه يعرض سكربت مسروق ما اعتقد تحتاج توضيح .
طيب نرجع له في ترايدنت
طبعاً جميع الروابط في التوقيع تحول لنفس الموقع 7ra.me وما اعتقد فيه حاجة لأثباتها لانكم تقدرون تشوفونها مباشرة من توقيعه لكن احتياط إذا عدله .
الآن لو ترجع لبداية موضوعي وتحط نفسك موقفي , يجي واحد نصاب وحرامي مثل هذا يتهمك بالنصب وفي منتدى عام بحجم ترايدنت ومشرف بعد .
عرفتوا ليه قفل موضوعي وهاجمني بالطريقة هذي .
لسبب واضح أعتقد :nice: لأنه كان يبيع النسخة المضروبة من سكربت التوبيكات وبقطع عليه رزقه كذا . :deal:
أنا من سوالف حبيت أبين ماحصل , اللي صار ماينسكت عنه واعذروني إذا بدر مني أي شي في الموضوع ماكان مناسب إعذرولي اندفاعيتي ولكن حطوا نفسكم مكاني وتصوروا الوضع .
أنا هنا في منبر سوالف , منبر حر , تكميم الأفواه ولى زمانه ياترايدنت ! .
شكراً لسوالف , شكراً لجميع من قضى وقته في الموضوع .
مودتي
ولكن شئ معروف لدى الجميع السكربت هو تطوير فقط لسكربت 4images وليس من اكتشافي انه 4images ... فياليت تراعي مبرمجين السكربت , ويستحسن نقول تطوير ...
المشاركة الأصلية كتبت بواسطة عبدالرحمن العنكبوتي 
