الباقة ( كاملة الدسم)

[PHOTOGRAPHER]

تحياتي....

[سردال]

كل هذا يطلع من قوطي النيدو؟ بصراحة الصور حلوة واللي يشوفها بدون ما يعرف السالفة يقول هذا استديوا متكامل

على فكرة، الصور المنشورة لك في الجريدة من كذا يوم، وكذلك في ملحق شعر وفن جميلة جداً، مع إني شفتها من قبل، لكن الصور كانت أوضح في الجريدة بكثير، لذلك كانت أحلى، خصوصاً صورة القفاز الأصفر المحطوط على كوب أحمر مع ضوء وظلال

لذلك أشوف إنك تحاول تسوي سكانر أفضل للصور أو تشتري واحد جديد حتى تطلع الصور حلوة على النت.

[عسليه]

مجمع لعووب اليهال ويصور هههههههههههههه

بس شي عجيب الالوان ولمعه والانعكاس

[عنفوان القلب]

أنا فحلم ولا فعلم....أنا فسوالف ولا فعالم الاحلام والالعاب

عجبنى حذاء سندرلا
وابتسامة مدهش (( مب مثل مدهش ولا أنا غلطانة ))

وبعد الكورة تذكرنا بالهزائم الساحقة حق منتخبنا اسم الله حوله وحواليه

تاج القلب والجمجمة حلوين بعد بس القلب أحلى يعن الجمجمة في المرتبة الاخيرة
وتعزيييييم سلام حق مصورنا
تحياتى

[راشد الكواري2]

كل عام انت بالف خير يامصورنا العزيز
بصراحة انا ماخذ على خاطري منكم ولا واحد فيكم سال ولا حتى في العيد الواحد لو ما يشوف صديقه يوم يسال نفس ويش صار
وانا غايب اكثرمن شهر الله يسامحكم .
بصراحة الحق ينقال بويوسف ( عبدالله ) بصراحة ماقصر في الخير والله
واخيرا تقبل تحياتي راشـد

[roh-alrehan]

السلام عليكم ورحمة الله وبركاته
صور اكثر من رائعه وفكره حلوه ومميزه
اثاري القوطي منه فايده بعد النفاذ
تحياتي وتمنياتي لك بلقطات موفقه

[PHOTOGRAPHER]

سردال......
مشكور اخوي سردال.....وطبعا مثل ماتعرف انه الفرز في الجريدة يكون مختلف وبأجهزة حديثة لكم مب معناته انه السكنر عندي مال قوم بوعبود !!
تسلم على اطرائك الحلو ونبا نشوف المزيد من اعمالك في الموقع اضافة الى الرأي طبعا...
===================
عسليه......
شو اسوي...؟؟ هذا اللي حصلته....خلاص المرة اليايه بصور تفاح اخضر..ههههههههههه ..
فعلا...كان بالامكان اني استخدم عناصر افضل من الالعاب بس اللي فرحني انه الفكرة مبدئيا نجحت في بعض النواحي اللي كنت مركز عليها في التصوير...ويمكن اعيد الصور بالسلايد مع تغيير موضوع التصوير
==================
عنفوان القلب.....
شكرا على تعليقج.....ويمكن حطيتي صورة الجمجمة في المرتبة الاخيرة عشانج اتذكرتي الجني اللي طلعلج مرة ( مثل ماقريت في سوالف الاصدقاء) ..بس مادري يشبهه بالضبط والا يخلق من الشبه اربعين..؟؟
==================
راشد الكواري2 ......
حقك علينا ياراشد....ولكنك على البال دايما...واعمالك ماتزال في مخيلتي وخاصة النافورة ...وعموما الف الحمدلله على السلامة
لذلك...نتمنى انك بعد هالغيبة تمتعنا باعمالك الحلوة...واذا فيها اقيمات يكون احلى..ههههههههههه
==================
roh-alrehan ....
تسلمين...والمرة اليايه بحاول اصور (قوطي تونه) بس للاسف مب محصل قطاو متعاونات...ههههههههه !!

[عنفوان القلب]

الجنى اللى طلعلى يشبه زوجى الخالق الناطق...مب مثل الجمجمة
الله يسامحك

[PHOTOGRAPHER]

لاتعليق..!!

[Zoom]

أنا صراحة مادري شقووول من شدة إعجابي

خصوصا آخر صورتين .. روا ئع

ابصملك بالعشرة انت فنان مميز

[PHOTOGRAPHER]

Zoom....
شكلك تحب الوجوه المبتسمة............وأنا بعد..!!
بس اسمحلي هالمرة لاني استخدمت عدسة الماكرو بدل (الزووووم)..!!عادي...؟؟!

[هوميروس]

العزيز فوتوغرافر...
كل مرة احاول ان اضع رد لاعمالك اتردد...
لانك فعلا ذو عين جميلة تعرف كيف تصاد اللحظة....
استخدام عبقرى للعلبة)

[desertrose]

رائعة فوتوغرافر

قالتت وايش اكثر شئ يعجبك فيني قلت كل مافيكي جذاب

ياعيسى ايش رايك هذي ملاحظتي اشاء الله تعجبك

[Zoom]

عادي

عاشر من تعاشر فلا بد من الفراق

[PHOTOGRAPHER]

desertrose.....
هممممممممممم....افهم من كلامج انه راشد الماجد كان يغني لعلبة النيدو...ههههههههه
..وانا سمعت بعد انه عبدالمجيد عبدالله يجهز اغنية عن الفيمتو
......!!
تحياتي...وتسلمين على التعليق
====================
Zoom.............
....ولوووووووووووووووووو..........الزوووم من اهم ادواتي في التصوير ولايمكنني الاستغناء عنه....خاصة في تصوير المناظر الطبيعية والغروب......(^_____^)