شخص اخترق اكثر من ايميل لمجموعة بنات .. نريد مساعدتكم يااخواااااااااان

[صـمـت الحــزن]

السلام عليكم ,,

اخواني والله الكلام اللي راح اكتبه صحيح 100% ويشهد علي الله في يوم الجمعه المبارك هذا

هذا واحد مااعرف كيف معقوليته وتفكيره

اخترق ايميل بنت معي بالمسنجر ثم اخترق ايميل اختها ثم اخترق ايميل صديقة اختها ثم بنت خالتها .. والان مستمر بالاختراقات والضحايا كلهم بنات يا اخوان

وطلبه عشان يرجع لهم ايميلاتهم يشحنون له جوالهم ويكلمونه من جوالاتهم !!!!

انا الان عندي رقم جواله و ايميله .. الان ما الحل يا اخوان مع مثل هالاشخاص !

وبخصوص الايميلات المسروقه هل بالامكان استرجاعها ؟

وبخصوص الطفل المخترق كيف نقدر نردع مثل هالاشكال و نخليها تتوب تسوي هالحركات ؟؟

يا اخوان الموضوع لا منقول ولا شي ,, الموضوع انا شخصياً اكتبه الان ,, ياليت ياليت نحصل منكم مساعدة ,, لأن الموضوع يقهرررر يا اخوان ,,

[عالم المبدعون]

ليش ما سرق ايميلك

يمكن كل ايميل هو ايميل بديل من الايميلات المسروقه

هذا يعرف شخصه زين

عندك رقم جواله تفاهم معه

[إينـاسوفت]

استرجاع الاميلات تفضل بس الافضل لهم يعمموا على صديقاتهم عدم استقبال اي ملف من الاميلات المسروقة


ثلاثة طرق بالصور لإسترجاع بريدك الهوتميل المفقود


وهذا الجدار الناري ينفعك من شرحي انا وعلى ضمانتي انا

السور البريطاني العظيم Outpost Firewall :#: لا إختراق بعد اليوم:#: ضمان الخبراء العرب

اللي اقدر افيدك فية وان شاء الله ترجع الاميلات

[صـمـت الحــزن]

الف شكر اخوي اينا سوفت على طرحك ,, ومساعدتك ,,

لكن يا اخوان هل بالامكان ان نوقف هذا الشخص عند حده سواءً بطريقه حكوميه قانونيه أو بنفس طريقته مثلا باختراقه وتأديبه !

[على هواكم]

مالك إلا الهيئه رح لهم واشرح لهم الوضع

وهم ينسقون معك ومع البنات ويسحبونه على خشمه ..

[الصريح جداً]

مالك إلا الهيئه رح لهم واشرح لهم الوضع

وهم ينسقون معك ومع البنات ويسحبونه على خشمه ..

وتكسب فيه أجر , لايفكهم ويضر بنات غيرهم

تشآآآو

[صـمـت الحــزن]

فكره مافيه احلى منها اكيد ,,
بس المشكله اذا الهيئة مثلا طلبو أدله ؟ كيف نثبت لهم هالشي انه صحيح

[MANTEK]

وشهوله البنات يكون عندهم ايميل عجايب

[صـمـت الحــزن]

مانبي نطلع برى الموضوع

[Abdulrahman Hassoun]

فكره مافيه احلى منها اكيد ,,
بس المشكله اذا الهيئة مثلا طلبو أدله ؟ كيف نثبت لهم هالشي انه صحيح

جرب ، وان شالله مآيطلبو ...

[مغرور]

وشهوله البنات يكون عندهم ايميل عجايب

تصدق عاد كلامك صحيح

البنت المفروض ما تستفيد زيك ولا تتعلم المفروض تتعلم الطبخ عشان تشبع بطنك فيه بس

مو مفروض تسجل في منتداك وتفعل العضويه عشان تشوف المواضيع وتاخذ معلومات ولا مفروض تقرا اخبار وتتعلم عن طريق الانترنت

يا اخي في ناس من جد عقولهم قمه

[روشآ]

الله يعين
صارت مع اختي وبنت خالي

مو بس ايميلات الا ارقام جوالاتهم
واحد اخترق ايميل صديقة بنت خالي

وبعدها سرق ايميل بنت خالي يكلمها كانه صديقتها

وكلم اختي من ايميل بنت خالي
وسرق ايميلها + رقمها

يقول غيرت رقمي عطيني اعطيك دقه اسجله

وهم على نياتهم


الله يبعد عنهم كل شر

وربي يوري كل شخص يسوي هالحركاات الطفوووليه

واذا همه بطاقة شحن
اشحن له وفكه من هالبنات

الله لا يوفق كل شخص يعمل هالعمل

[روشآ]

تصدق عاد كلامك صحيح

البنت المفروض ما تستفيد زيك ولا تتعلم المفروض تتعلم الطبخ عشان تشبع بطنك فيه بس

مو مفروض تسجل في منتداك وتفعل العضويه عشان تشوف المواضيع وتاخذ معلومات ولا مفروض تقرا اخبار وتتعلم عن طريق الانترنت

يا اخي في ناس من جد عقولهم قمه

دعك من عقول الناس الحجريه

[مغرور]

اخوي كلم الهيئه واذا كنت بالمنطقه الشرقيه افيدك بأرقام تحل لك الموضوع ان شاء الله

نصيحه خل البنت تكلم الهيئه وتشرح لهم التفاصيل وتبلغهم بعدد البنات الي تم اختراق ايميلاتهم وبعد التنسيق معها راح يجرونه من حضن امه ولعلمك لو ما سويت كذا يبي يبقى المخترق مستمر بعمله وبيضر غيرهم

والعمليه بسيطه وما بتاخذ ايام ان شاء الله ولا تشحن له بريال واحد لأنه بيكون بدايه لإستمراره القذر

وعن الاثباتات ما يبي يطلبون اكثر من الي تملكه البنت على المبتز

الله يستر على بناتنا وبنات المسلمين

[صـمـت الحــزن]

الله يجزاكم خير جميعاً ,, من القلب اشكركم على تفاعلكم ,,

اخوي مغرور انا بالمنطقة الشرقيه لكن المخترق من القصيم والبنات للأسف بمنطقة قريبه من الرياض

فـ وش الحل برأيك ؟ لأن فعلاً الهيئة أفضل حل له ولاشكاله ,,
المشكله انه بزر وحمّـل برنامج من منتديات هكرز وصار يرسله .. حتى من درجة وناسته بالاختراق يسأل البنات صح انا اخوف ؟ !! مسكين الله يشفيه ..