استفسار للي له خبرة في قطع رخصة & والمخالفات

[سلطان المالكي]

بسم الله الرحمن الرحيم
السلام عليكم ورحمة الله وبركاته

انا قدر الله علي والجامعه اخطأو في ادخال درجاتي في الموقع الالكتروني و لما رحت اراجعهم اليوم .. مسكتني دورية وعطوني ( مخالفة " قيادة المركبة قبل الحصول على الرخصة " )

الاستفسار الأول : كم قيمة القسيمة ؟؟ :funny:

ناس قالوا 900 وناس قالوا 500 وناس قالوا من 500 الى 900 <<< يعني راحت المكافأة الله يعين .

_________________

السؤال الثاني .. ما هي الاجراءات التي اتبعها لقطع رخصة قيادة .. .؟؟

ما هي المتطلبات كلها

والله يوفقكم ان شاء الله .. .

ابي اروح بكرة ترون

والله يوفقكم ويفككم دوريات الرياض

[فيصل علي]

والله يا الغالي انا سددتها قبل 5 سنوات

سددت 300 ريال

الان ما اعرف كم اغلى ولا ارخص

ولو اني ما اظن غلت , أتوقع مثل ما هي

الاجراءات

بطاقة الاحوال

وصورتين منها

وصورتين لك

ما يهم ابيض واسود ولا ملون

وملف على كيفك تبي تودي او لأ

تروح لهم يعطونك ورقه على المستشفى

فحص دم وفحص نظر

تخلصهم وتختم وترجع

بعد الرجعه تدفع 100 ريال للتعليم ودخول الاختبار

تدخل المدرسه تتعلم اشارات وسواقه

وبس تخلص يعطونك موعد الاختبار

تخلص اختبار

ان كنت من الناجحين ان شاء الله

رايح يقولون لك ادفع 75 ريال < ما ادري الحين بكم

بعدها يقولون لك تعال الظهر الساعه وحده تستلمها

موفق

[سلطان المالكي]

مرحباً يالغالي

سعد بردك وفقك الله ..

بالنسبة يالغالي لقطع الرخصة .. فأنا اريد ان اختبر مباشرة بدون تعليم بدون شي ..

ايضا سعرها الان 525 اعتقد .. لكن مدتها 10 سنوات

والله يوفقك

وفي انتظار افادة الاخرين .. لانني ان شاء الله الاثنين بروح هناك " دلة "

وفق الله الجميع

[Legend KSA]

انا بقولك على ايامي بس بغير لك الرسوم اللي تغيرت


400 ريال قيمة الرخصه


100 تدفعها وانت ما تشوف الدرب حق الدراسه مع انك ما راح تدرس ولا شئ



ثم تدفع 10 او 20 والله ما ادري ويمكن بلاش الكتاب حق الاشارات



تروح يا طويل العمر خذ معاك صور وتلقاهم برا بلمفات جاهزه عطه 10 ريال وخذ ملف وعبه وروح صف سرا




بيعطوك يوم يحددون لك اختبار



طبعا تجي من الصباح تختبر قياده ثم تدخل على الاجهزه يمكن 6 اسئله راح تجيك من الكتاب والباقي الله بالخير


اسئله ما ادري من وين يجيبوها والله اذكر لما اختبرت فيه سؤال يقول ماهو نوع الكفر الذي يناسب منطقتنا



قلت هين وحاط حروف والله اني اول مره اعرف ان الكقر انواع المهم ما علينا



بعدها تخلص



بس لحق قبل يسجلون القسيمه عشان لا تدفعها

[سليمان عبدالعزيز]

واحد من العيال راح بيطلع قالوله لازم تبرع دم

[بوابة التميز]

لو انك عندنا كان طلعتها لك وانت في بيتك

بس اهم شي الفحص بالمستشفى

[القرار]

بشر ؟؟؟

ان شالله كل شي تماام؟؟

لا تنسى تقول وش سويت؟
<<<له اربع سنين من غير رخصه

[B A S e M]

عدم حمل رخصة 300 ريال ..

و كل شهر تتضاعف ..

انا مر علي شهرين ما سددت وعندي 2 عدم حمل رخصة ..

الحين كل وحدة صارت 900 ..

وعلي مخالفات 2450 ريال ..

بسدد كل شي اليوم وبعد اسبوع بطلع رخصة ..

[سلطان المالكي]

الله يوفقكم ان شاء الله

انا بروح بكرة ان شاء الله .. والمخالفة مر عليها اكثر من 24 ساعه واذا استفسرت ما طلع شي هههه

شكل العسكري يبي يخوفني خخخخخ

بكرة ان شاء الله والرخصة في جيبي <<< ايه هين

مشكورين من القلب على المساعدة

[سلطان المالكي]

لو انك عندنا كان طلعتها لك وانت في بيتك

بس اهم شي الفحص بالمستشفى

وينك فيه

اما المستشفى الله يعين .. اخاف يقولون لازم تبرع دم وانا توني متبرع يمكن قبل شهر

اما فحص النظر الله يعين .. لكن ان شاء الله يشوف النظارة ويهون

[احمد ابوعيشة]

وينك فيه

اما المستشفى الله يعين .. اخاف يقولون لازم تبرع دم وانا توني متبرع يمكن قبل شهر

اما فحص النظر الله يعين .. لكن ان شاء الله يشوف النظارة ويهون

اثبت لهم أنك تبرعت قبل شهر اذا كان التبرع في مستشفى اخر اما اذا كان نفس المستشفى الي راح تعمل فحوصات فيه فلن تتبرع فقط ختم وتوقيع وسلام عليكم