[مشكله] المنتدى يرسل رسائل جماعيه دون ادنى تدخل منى ويسبب لود

[tara3a]

السلام عليكم ورحمه الله وبركاته

هدخل فى المشكله علطول ..

المشكله يا اخوان هى ان المنتدى عندى بيرسل رسائل جماعيه تلقائى لوحده دون اى تدخل منى وانا مش مركب هاك نشرة دوريه ولا غيره ... ودا بيؤدى ان الموقع بيقفل لأن السيرفر الى انا عليه اى رسايل جماعيه ترسل فى وقت الذروة لما العدد يوصل لـ 200 بيعطى للمنتدى تصريح 000 تلقائى ...

والغريب ان من الطبيعى انه بيرسل 200 رساله فالمفروض انى اول عضو يوصله الرسايل او على الأقل فى الـ 200 عضو فيه ناس كتير من اصدقائى المقربين منهم وبيقولوا انهم مش بيوصلهم اى رسايل !!!

فياترى المشكله فين بظبط ؟؟ .. وانا ان شاء الله لو المشكله مش مفهومه كويس انا هزود شوية معلومات فى القريب ان شاء الله

انتظركم .. وجزاكم الله كل خير

[مغرور]

شيك على المهمات قيد التنفيذ وعطلها

وهل قمت بتركيب هاك ارسال الرسائل على شكل طوابير ولا لا

[tara3a]

اخى مغرور اشكرك على سرعه ردك

بالنسبه للمهمات فأنا هشيك عليها وهرد عليك ان شاء الله

اما بالنسبه لهاك ارسال الرسائل على شكل طوابير مركبتوش لأنى مش محتاجله اساساً .. لأنى عمرى ما فكرت ابعت اى مراسله للأعضاء عن طريق البريد ومعتقدش انى هلجأ لها فى يوم من الأيام يعنى حتى الرسايل دى بتطلع دون اراده منى والغريب ان مفيش رسايل بتوصل اساساً !!

اشكرك على ردك كتير .. وزى ما قولت انا همدكم بمعلومات اكتر عن المشكله قريب جداً ان شاء الله

[tara3a]

طيب انا هسأل سؤال

ممكن يكون الخطأ من قاعده البيانات ؟؟ وهل لو عملت للقاعده repair ممكن المشكله تتحل ؟؟
وهل فى خطوات لازم اخدها قبل ما اعمل تصليح للقاعده عشان لو حصلت مشاكل ولا حاجه لاقدر الله ؟؟

مازلت فى انتظار حلكم يا جماعه ومتأكد انى هلاقيه ان شاء الله

[:: كويتي ::]

اعمل repair لن تحدث مشاكل لذلك فهو يصلح الجداول ان كانت بها مشكلة واحيانا يعلمك بأنه هناك جدول به مشكلة او مفقود

ايضا قم بترقية منتداك للنسخة الاخيرة وقم بإيقاف جميع الهاكات وانتظر قليلا

وممكن احد الادارة او احد عنده صلاحيات يرسل وقت الي احد يقولك انه وصلت له رسالة روح للوحة تحكم منتداك واسفل المنتدى ستجد سجل دخول لوحة التحكم اضغط عليها واعمل بحث وشوف من الي رسل رسالة

ولو تعرف مضمون الرسالة ممكن يفيدك بشكل اكبر

[tara3a]

اخى ::كويتى::
بعتذرلك جداً على التأخير فى الرد بس ظروف خارجه عن ارادتى والله

انا عملت اصلاح للقاعده وكمان رقيت المنتدى لكن للأسف المشكله لسه موجوده وبجد مطلعه عينى :eek3:

فأنا هجرب اوقف الهاكات واشوف كده وارد على حضرتك بإذن الله .. وان شاء الله سواء وصلت انا للحل او وصلنا كلنا ليه فأنا هحطه هنا عشان الكل يستفاد

اشكرك اخوى كويتى على مرورك وربنا يسهل

[tara3a]

:app:
واخيراً توصلت للحل ..
راقبنا انا وصاحب الهوست السيرفر لحد ما قدرنا نعرف الرسايل الى بتطلع وهى طلعت رسايل البريد للاعضاء اصحاب عيد الميلاد فى اليوم

وتم بحمد الله ايقاف ارسال هذا البريد من :-
لوحه التحكم >> المهام المجدوله >> التحكم بالمهام المجدولة >> نقوم بتعطيل ( ارسل بريد للأعضاء في أعياد ميلادهم )

المشكله قام بحلها THE ROCK من اعضاء منتدى مطور

[tara3a]

نسيت اسجل شكر لكل من شارك الموضوع وحاول الإفاده بما لديه .. شكراً لكم

[مودى64]

شكرا اخى الغالى للتنبيه لذلك الأمر