ثانوي علمي ونسبتي تحت 80% وش تنصحوني فيه :(

[فيصول]

السلام عليكم ..

والله محتار لي 3 أيام أفكر ما أدري أكمل دراسة ولا أكمل السنة الجاية
نسبتي 72% علمي
ما أدري وش تنصحوني فيه يا أخوان

فكرت كثيير .. قلت مالي إلا أستشيركم
علماً انه معدل تراكمي يعني صف ثاني وثالث كأنها سنة وحدة

أنا ثاني ثانوي (علمي)

[ميادين]

نصيحة كمل الدراسة وكمل الجامعه حتى لو دخلت بفلوس على الاقل تنتهي من الجامعه ومعك شهادة جامعية وبعدها الله بيحلها لك..

[عزيز الكبيري]

رأي نفس رأي الأخ ميادين
الله يوفقك

[طلال عبدالله]

الحين الحمدلله انتشرت الجامعات بعد ما انت 8 جامعات الان صارت اكثر ..

بعد ما تتخرج سجل في اكثر من جامعه والي تقبلك فيها كمل .

انصحك تشد حيلك في ثالث عشان النسبه هي تحدد لك الاقسام الي تبغى تدخلها في الجامعه .

[أحمدVIP]

صحيح أن نسبتك نازلة بس تقدر ترفعها ان شاء الله الفصل الثاني
وعلى فكرة ألحين النسبة مو الأهم الأهم اختبار التحصيلي والقدرات

جامعة البترول وجامعات السعودية لتخصص الطب والهندسة الحاسب يبون نسبة مركبة مكونة من الثانوية والتحصيلي والقدرات وانت باقيلك سنة في ثالث

وبالتوفيق

[عبادي القرني]

لا تتحطم يا بعدي

شد حيلك وربك يعين إن شاء الله

أعرف واحد نسبته 77 % ودخل الجامعة قسم علوم حاسب الي

لكن أهم شيء اختبار القدرات والتحصيلي هذي شد حيلك فيها قد ما تقدر

ولا الثانوي مو مهمه زي أول

الله يوفقك

[فيصول]

يعطيكم العافية على الردود

لكن انا قعدت احسبها
لو اجيب الفصل الثاني 90%
وثالث ثانوي الفصلين 90%

تصير النسبة تقريباً في 85%

؟؟

[عبادي القرني]

أنت شد حيلك ..

صدقني ما ينفعك إلا دراستك

ادرس من قلبك .. وذاكر واجتهد

فيما لو حصل شيء سيء .. لا سمح الله

يكون عزائك الوحيد إنك اجتهدت وثابرت

والله يوفقك

باقي قدامك مجال وفرصة للتعويض

[فيصول]

انا أقصد بترك الدراسة
يعني أتركها السنة هذي وأكمل السنة الجاية من جديد
بعضكم فهم الموضوع غلط
ما أدري هل يمديني اعوض اللي فاتني الفصل الثاني ,
ولا أكمل السنة الجاية من جديييييد

المعذرة

[عربي 2]

اهم شي رغبتك انت

لاتستشير الناس لان مصلحتك لنفسك

على العموم شوف اذا رغبتك تكمل ولا اشتغل عمل حر ( مندوب مبيعات - مصمم ) شي من هالقبيل

وبالتوفيق

[فيصول]

اهم شي رغبتك انت

لاتستشير الناس لان مصلحتك لنفسك

على العموم شوف اذا رغبتك تكمل ولا اشتغل عمل حر ( مندوب مبيعات - مصمم ) شي من هالقبيل

وبالتوفيق

عزيزي انا لم أقد اني اترك الدراسة نهائياً ..
ولكن النسبة مو زينة هالفصل ,
ما أدري أترك هالسنة وأكمل السنة الجاية
أو يمديني أعوّض مافاتني خلال الفصل الدراسي القادم ؟

[Musleem]

72% ؟

ممتاز إحمد ربك

[عادل الظفيري]

يرجال الحياة ماهي ثانوية

انت سو الي عليك ولا تخرجت الف جامعه وجامعه تقبلك لو نسبتك 51

[أبو فهد]

أسهل حل .. هو الهروب من الواقع وحذف السنة بشكل كامل

أنا أتفق معك انه حل .. ولكن هل هو حل مجدي ؟! هذا السؤال

يعني يا حبيبي لنفرض انك شديت حيلك وجبت 90 في الترم الثاني وفي ثالث ثانوي الترم الأول والثاني 90 ..

راح يكون تأثير الفصل الأول اللي خرب عليك هو مجرد 5 % .. يعني بدل ما تاخذ تراكمي 90% راح ينزل إلى 85%

الآن .. نشوف كم تأثير الـ5% على النسبة المركبة ..

5/100 * 30/100 = 1.5/100

هل تستاهل 1.5% انك تتأخر سنة كاملة عشانها !!

ما أتوقع ..

شد حيلك واحذف فكرة (انك تحذف سنة) من راسك .. لانه طالما هي موجوده ما راح تذاكر ..

[musleeem]

انا أقصد بترك الدراسة
يعني أتركها السنة هذي وأكمل السنة الجاية من جديد
بعضكم فهم الموضوع غلط
ما أدري هل يمديني اعوض اللي فاتني الفصل الثاني ,
ولا أكمل السنة الجاية من جديييييد

المعذرة

لا يا عمي لا تترك السنة هذي

كمل عادي

وبعدين حاول تشد حيلك

اعادة السنة شعور سيئ جدا وخصوصا من تشوف الطلبة كلهم اصغر منك وانت مار عليك المنهج
ومخلصه


انا مو مجرب بس اتوقع هذا الشعور :nice: