ضاع جهازك يا صابر بسبب التوكيل

[صلاح الديب]

ابكي ولا اضحك توكيل سوني اريكسون بالمنصوره خرب لى جهازي ما عاد ينفع :eek3:

صوره المرحوم

روحت عندي مشكله بالجهاز يعلق دائم قالو لى كشف 20 جنيه قولت مش مشكله

قالو بنزل له سوفت وير ونشوف المشكله والتكلفه هاتتروح من 30 لحد 200 ما راح تزيد عن 200 قولت مش مشكله

قالو لى اكتب اقرار ان التليفون ممكن ما يشتغل مره اخري قولت ازاي قالو يعني اذا نزلت له سوفت وير بره وجينا ننزل سوفت وير ممكن الجهاز يطفي خالص قولت لا اطمنو ما نزلت له سوفت قالو طيب امضى الاقرار مضيت الاقرار

واتصل عليهم يقولو ما نفع قولت خلاص عنه ما نفع اروح اخد الجهاز والمفجأه

الجهاز مش بيشتغل قولتله ايه دا اديكم الجهاز شغال تدهوني جثه قالو لى التليفون نازل له سوفت وير مضروب من بره قولتلهم ما نزل هاتعرفوني قالو لا نزل

قولتلهم والضمان قالو والله هذا عيب مستخدم مش عيب صناعه

ياجماعه الله يهديكم شغلوه طيب يقولو مافى امل اخر ما زهقت منه قولت للموظف ادفنه يعني قلى لا طبعا ماينفعش قولتله ليه قلي طلع له تصريح الاول بالدفن يتمصخر كمان


وفى الاخير صرت اغني

هايوحشني الكلام وياك هاتوحشني حبيبي عنيك ومش هاقدر فى ايوم انساك ولا هاعرف اعيش بعديك

[ayklam]

البقاء لله


تعيش وتضيع مليون جهاز

[hossam elkady]

ان شاء الله خير

هاته هنا في القاهرة
انزل بيه العتبة في عيال زي الجن هايخليهولك بيرقص كمان ماتقلقش

[سليمان عبدالعزيز]

ان شاء الله خير

هاته هنا في القاهرة
انزل بيه العتبة في عيال زي الجن هايخليهولك بيرقص كمان ماتقلقش

هههههههههههههههههههههههههههههه

[trialless]

توكيل سوني اريكسون بالمنصوره خرب لى جهازي ما عاد ينفع

انت اللى غلطان حد يروح التوكيل ياراجل

اومال العباسى بيعمل ايه هههههههههههه

يلا الله يعوض عليك :court:

[G-Master]

و الدفنة من عمر مكرم ولا من عمر افندي

طيب مش ممكن ترفع عليهم قضية او تستشير محامي ؟

لانه حرام يروح عليك الجهاز في ابو نكلة .

[pico]

الاخ World Of Design

عند ضغطك على زر تشغيل الجهاز هل تعمل انوار الهاتف ام لا يمكن تشغيله نهائيا كمحاولة تشغيله بدون البطاريه

في حال كانت الانوار تعمل بامكانك عمل تحديث للسوفت وير الخاص بالجهاز ( Flashing ) لكي يعود للعمل مرة اخرى

[صلاح الديب]

المشكله اني مضيت علي اقرار زي زي كل الى بيروح التوكيل غصب عنك تكتب اقرار ان التليفون ممكن ما يشتغلش تاني

وبالنسبه للجهاز مش بيفتح اساسا مافيه نوووووور اطلاقا جثه

G-Master عرفت عمرو افندي منين ههههههههههههههه

[pico]

مممم
بامكانك الذهاب الى اي محل خاص بالهواتف النقاله و سؤاله عن قطعة تمسى SE Tools 3 في حال كانت متوفره لديه سوف يقوم بعمل فلاش للجهاز حتى وان كان ميت ( القطعه متوفره في اغلب المحلات التي يتوفر لديها خدمة تحديث الانظمه الخاصه بالجهاز )

هل ايضا الجهاز لا يضيئ في حال توصيله في الشاحن ؟

[صلاح الديب]

اطلاقا ما يشتغل ولا اى شىء ما يفتح اطلاقاااااااا

وبالنسبه للسي تول جربناها

[mr_m]

طيب حاول تنزل به لحد فاهم يغير لك البطارية ويكشف على دايرة الشحن او الماذربورد

لأنه طالما مش بينطق او يعطي اي اشارة تبقى في الغالب من الهاردوير

[G-Master]

إقرارهم غير قانوني .. المفروض انهم جهة إصلاح مش خراب .... و يدل على انهم مجموعة من التمرجية مش دكاترة في الهندسة .



عمر افندي اللي في السيدة ؟؟ معرفوش

يمكن تشابه اسماء

[pico]

اطلاقا ما يشتغل ولا اى شىء ما يفتح اطلاقاااااااا

وبالنسبه للسي تول جربناها

قم بتجربة التالي مع اختيارك ل Signed mode

signed mode (using server","enable alternative security bypass","unlock after flash","patch otpgdfs check in firmware","allow to change IMEI when unlocking","complete phone after flash

[mr.kindy]

اولاً اكاد اجزم انه مش وكيل ربما يكون موزع انما مش وكيل ابداً

ثانياً مادام السوفت لم يأثر علي البروسيسر يبقيى اكيد ممكن يتصلح