تدبيل القسايم ؟؟؟

[متصفح سعودي]

السلام عليكم

هالنظام حق تدبيل القسايم يمشي على اللي ماخذين القسايم من قبل ؟؟

اخر قسيمة لي قبل سنة واكثر اظن بتتدبل بعد ؟؟

[مشعل الشوق]

لا النظام يمشي على المخالفة بعد صدور القرار ,

حصلت على مخالفتين بعد تطبيق القرار قبل شهرين تقريباً
ومع الأسف استفسرت قبل قليل ووجدت انها دلبت اصبح المبلغ الاجمالي ( 600 ريال)
بعد ان كانت سابقاً (300 ريال ) بواقع 150 ريال لكل مخالفة وهي مخالفة سرعة

[متصفح سعودي]

يعني قسايمي الـ 17 قيمتها 3050 ريال

واخر قسيمة قبل صدور القرار بدفعها 3050 ولا 6100 ريال ؟؟

وعلى هرجة القرار هو متى نزل اصلا ؟؟

[bArHoMi]

اذا ماخاب ظني نزل ببداية شهر 1؟
- - - - -

ابحث بقوقل عن رقمهم ، وارسل لهم رساله بالجوال يرسلون لك كم المبلغ الي عليك ....
اذكر سويتها لصديقي قبل فتره .. على طول تجيك رساله بالمبلغ الي عليك

...

[متصفح سعودي]

ايه ارسلت رسالة اليوم علي 17 قسيمة بمبلغ 3050

بس سؤالي النظام شامل اللي ماخذين اخر قسيمة قبل سنة تقريبا

لانو حرام والله ادفع 6100 والشهر اللي بعده 9150 !!

[bArHoMi]

اجل مايشملك الدبل..
لكن لو اخذت قسيمه جديده مثلاً 150 .. بعد شهر تصير 300

[متصفح سعودي]

يقولون نظام التدبيل الشهر الجاي بيبدأ ولا ؟؟

[سليمان عبدالعزيز]

الله يستر بس يعني لازم تسدد اول بأول ...:s

[متصفح سعودي]

من جد بس ماني ناقص اطقها الحين 6100 كمان انا !

نبي العلم يا شباب التدبيل يشمل اللي ماخذ اخر قسيمة له قبل سنة علي 18 قسيمة بفلس اذا كذا

[NaMr]

من وين نعرف المخالفات ؟

ارسلت رقم بطاقتي لـ 88993 ولكن يقولي no traffic

[متصفح سعودي]

no traffic يعني مافي مخالفات اظن

موبايلي ولا اتصالات انت ؟

[oO(الباسل)oO]

ياشباب ادخلوا موقع وزارة الداخليه / الخدمات الالكترونيه /الادارة العامة للمرور - استعلام عن المخالفات المرورية

Ministry of Interior

ودخلوا رقم البطاقة (الهوية) مو الفيزا :deal:

والحمد الله اني بدون مخالفات ( لحد يحسدني انا مواطن صالح و منتظم وملتزم بالقوانين المرورية ) احس اني طفل وجالس اعلق باسبوع المرور :funny:

[مشعل الشوق]

يقولون نظام التدبيل الشهر الجاي بيبدأ ولا ؟؟

لايأخوي انت فاهم النظام خطاء .. النظام مطبق من ثلاث أشهر تقريباً
ويشمل المخالفة الجديدة مو القديمة الي عليك ..

يعني تطمن 3000ماراح يدبلوها عليك .. والنظام مطبق من فترة .
مين الي قالك الشهر الجاي

يعني مثلاً لو سويت مخالفة سرعة طبعاً هيكون المبلغ 150 ريال ..
بعد شهر لو ماسددت مبلغ الـ 150 ريال راح يدبولها للحد الأعلى وهو 300 ريال ..

انا سويت الشهر الي فات مخالفتين سرعة المخالفة الواحدة تساوي 150 ريال
يعني 150+150 = 300 ريال ..

قالي لي السعكري حاول تسدد مخلافاتك قبل مرور شهر عليها
لأنك اذا ماسددت قبل شهر راح تدبل بعد شهر دبلوها وصارت 600 ريال ..


اخيراً فكرة التدبيل
انك اذا حصلت على اي مخالفة .. ومر شهر ماسددتها راح تدبل عليك

يعني بالمختصر الرياجيل يبون يحشرونك عشان تسدد مخالفاتك بسرعة
ولا ترى نبي ندبلها عليك

[متصفح سعودي]

الله يبشرك بالخير مشعل الشوق طمنتني

جزاك الله خير يعني بالمختصر المفيد انا ما علي اي تدبيل ؟؟

[illusion]

طيب ياجماعة اللي ماخذ مخالفة سرعة 190 XD
فيها توقيف؟!

لأني سمعت انك ماتسددها الا في القسم طبعا بعد ماتاخد ليلة متكي عندهم بعدها تسدد ..!!