حدي 95 الف .. وش تنصحوني في اي سيارة ..؟

[أبوهيثم]

السلام عليكم ورحمة الله وبركاته ..

يالله مير حي الجميع

المهم يالربع .. حبيت استشير وانشهد اني منيب محتار دامني جيت عندكم .. بعد توفيق ربي ..

حدي 95 الف .. لكن انا عزمت على هوندا كود سبيشل .. لكن قلت خلني اسأل واستشير اهل الخبرة والمعرفه في هالمجال .. قبل مااشري موتر ثم اقول .. ياليت ..

سؤالي هو .. هل فيه سيارة سعرها تقريبا 95 الف او حولها .. أفضل من الكورد بسشل .. ..
لاني الي اشوفه هي افضل سيارة سعرها .. ياليت تعطوني وش الافضل لو كانت بعد سيارة غير اليابانية .. اهم شي .... انها افضل من الكودر بالسعر هذا ..<<--- حسيت كرر السالفة الف مره
..
اذا كان اختياركم كورد .. بما انه اختياري .. وش أفضل لون لها ..
فيه لون غريب الي هو .. عودي او احمر محروق . شفت له صور لكن ماشفته على الطبيعة ولا مره ..
شكله مانزل او مثل كذا ..وش رايكم فيه مع اني افضل اللون الكحلي ...

* السيارة لولد عمتي , والموضوع من كتابته كذلك

ابوهيثم

[عادل الظفيري]

لاندكروزر

وين ما بغيته عطاك

[أبوهيثم]

لاندكروزر

وين ما بغيته عطاك

يا حبيبي وين اجيب اللاند بسعر 95 الف

انا اتكلم عن الجديد طبعا وليس المستعمل وموديل قديم

[EISA AHMED]

ابوهيثم
شوف والله اول ماشفت عنوان الموضوع قالت خلنا ندخل حق ابوهيثم ونقوله اكوورد لانها بصراحه سياره ممتازه
يعني 95 الف مبلغ حلو جدا

عندك الآكوورد + التيما 6 سلندر

والله يوفقك..

[:: كويتي ::]

برأيي افضل لون هو الابيض
طبعا بالنسبة لي احلى الالوان
الابيض - الاحمر
لا تبحث عن غيرهم ههه
واذا حصلت لومينا احلى واحلى

[بدر شفاقة]

الفورد ممتازهـ
يعني كا شكل و استخدام تعتبر مثاليه وسعرها كويس

+ التيما 6 سلندر

نصيحة اخ اهرب عن الالتيما وعن شركة نيسان كلها

[kilani]

Accord 2009 Maroon
v6 او v4 بس فل كامل
وادعيلي

[مشعل الشوق]

الفورد وبس .. ان بغيتها للديرة ولا للسفر .
تصلح للشباب وللشايب وللفقير وللغني
سعرها وكالة 79 الف ريال 2009 .

[اللهوب]

أنصحك بالمرسيدس اللي أصغر من الفياقرا

تو زميلي شرى وحده ماشيه 40 الف أفضل من الأكورد الجديد مية مره بالنسبه لي شف لك مستخدم 2005

[dev/null]

اذا حدك 95 يمديك تطق هوندا اكورد فل 4 سلندر !
انا شاري وحده موديل 2008 اول مانزلت بـ 95
عموما نصيحه لوجه الله لا تخطي الاكورد
واذا انت راعي خطوط سفريات راح تدعيلي .. انت شفلك اي شخص معه هوندا اكورد و اسئله قوله تنصحني اشتري اكورد او لا .. شوف ايش بيقولك

[ميادين]

والله يابو هيثم ان بغيت الصراحة فبقول لك بكل صراحة..

خذ لك فورد كراون فكتوريا اخر موديل وصدقني بس اعطيها عشر سنوات ما راح تغير فيها ولا قطعه ومثل ما قال
مشعل الشوق

الفورد وبس .. ان بغيتها للديرة ولا للسفر .
تصلح للشباب وللشايب وللفقير وللغني
سعرها وكالة 79 الف ريال 2009 .

وتراها لكل شيء ان كان سفريات وان كان خرجات وان كان للعائلة ماشاء الله تبارك الرحمن وان كان تبيها شبابية واي شيء فيها ما راح تندم.. وخاصة اذا طلعتها جديدة من الشركة طازة يعني بكرتونها بتتوفق فيها ان شاء الله..

اما اذا جيت عن التيوتا فلا تاخذ كامري للموديلات الجديدة لأنها بايخة وبقوه مثل كامري 2007 مالها داعي مررة حقت شباب وبس..

وان كان جيت لسيارة الأكورد سبيشل فتحس انه له نظام ملاحة خاص مثل سيارة بي ام دبليو وراح تتعب مع الزمن..

بخصوص الألتيما واحد اشترى التيما 2006 وبعد كم شهر راح عرضها وما جابت 16 الف ريال لأنها سيارة عيوبها كثيرة..مش مرغوبة بشكل كبير

اما اذا جيت لسيارة لومينا فحقت سرعة وهذه مثل الكابرس الجديد مافي اي فرق وبعد كم سنة من الاستخدام راح ينزل سعرها وما راح تستفيد ..

واذا جيت للجيب فلا تنسى هذا المثل اليمنى يوم يقول ( انشهد إن القيب سيارة )

وانا واحد من اقاربي اشترى فياقرا وطلع عيبها في السويتش خربان وكل شوي تطفي عليه فإنتبه

في النهاية انا جربت التيوتا وجربت الفورد وجربت الجيب وجربت الومينا وجربت الكورولا وجربت الهوندا سيفيك وجربت الإيكو وجربت الماكسيما وجربت الكامري الإستخدام وجربت الشبح ايضا وجربت الفياقرا ايضا..

وأفضلها الفورد كراون فكتوريا وخاصة اذا كان جديد من الشركة وانت خذ لك لفه على السوق في شركة الفوردات وراح تنبهر من جديدها..

وحبيت اقول لك ان اخوي اشترى فورد قراند ماركيز 99 فل كامل امريكي وثلاث سنوات ماشاء الله تبارك الرحمن ما غير فيها اي قطعه اشتراها بسعر 35 الف تقريبا وباعها بسعر 26 الف وباعها بسعر اقل لكن خدمت الحمد لله..

وإعلم أن اي سيارة جديدة من الشركة راح تفيدك بلا شك لكن انا اعطيتك الخيارات فوق وانت بكيفك..

ويمكن اطلت عليك لكن حبيت اوضح لك اكثر وإسأل غيري فربما اخطأت وشكرا

[عبادي القرني]

لاندكروزر ( مو شرط جديد من صالة ) أو مرسيدس ..

وصدقني ما صنع مثل هالسيارتين

[mad_4u]

اذا بتلقى تاهو 2008 وفوق بهالسعر مانصحك بغيرها

واذا هو محتار
شركات التاجير هي افضل الحلول
يروح ياجر السيارة الي ببالة ويجربها والي يقتنع فيها يتوكل على الله

خلة يجرب
الاكورد
التاهو
الفورد فكتوريا او ماركيز
البرادو

[Legend KSA]

يا ولد عمة ابو هيثم


اذا تبي رأي ونصيحه فبعد الاكورد خذ لك كروان فكتوريا


ولكن اذا الاكورد تراها طيبه وحاول تدف على نفسك شوي وتزود الفلوس اللي معاك عشان تأخذ 6 سلندر


لأن ما تحس بطعم السياره الا لما تجاوب معاك من اول قطره :nice:

[سليمان عبدالعزيز]

كلايزلر - 300c
دوج - تشارجر ..

الكلايزلر تبداء من 70 الف وتنتهي بـ 280 الف تقريبا
وكذلك التشارجر نفس الاسعار تقريباً